• HOME
  • »
  • NEWS
  • »
  • kerala
  • »
  • KODAKARA HAWALA CASE BJP STATE LEADERS NOT PRESENT FOR INTERROGATION

കൊടകര കുഴല്‍പ്പണക്കേസ്: ബിജെപി നേതാക്കള്‍ ചോദ്യം ചെയ്യലിന് ഹാജരായില്ല

കർണാടകത്തിൽ നിന്നും ആലുപ്പുഴ സ്വദേശിയെ ഏൽപ്പിക്കാനാണ് പണം കൊണ്ടുവന്നതെന്ന് പൊലീസ് കണ്ടെത്തി. ഇടനിലക്കാരായ ധർമരാജൻ, സുനിൽ നായിക് എന്നിവരിൽ നിന്നാണ് പൊലീസിന് ഈ മൊഴി കിട്ടിയത്.

News18 Malayalam

News18 Malayalam

  • Share this:
    തൃശൂർ: കൊടകര കുഴല്‍പ്പണ കേസില്‍ ബിജെപി നേതാക്കള്‍ ചോദ്യം ചെയ്യലിന് ഹാജരായില്ല. ബിജെപി സംസ്ഥാന സംഘടനാ ജനറല്‍ സെക്രട്ടറി എം ഗണേശനും സംസ്ഥാന കമ്മിറ്റി ഓഫീസ് സെക്രട്ടറിക്കുമാണ് അന്വേഷണ സംഘം ഇന്ന് ഹാജരാകാന്‍ നോട്ടീസ് നല്‍കിയിരുന്നത്. രണ്ട് ദിവസത്തെ സാവകാശം വേണമെന്നും തിരുവനന്തപുരത്ത് നിന്ന് ചോദ്യം ചെയ്യലിനായി എത്താന്‍ അസൗകര്യം ഉണ്ടെന്നുമാണ് നേതാക്കള്‍ അന്വേഷണ സംഘത്തെ അറിയിച്ചത്.

    കൊടകരയില്‍ വ്യാജ വാഹനാപകടം സൃഷ്ടിച്ച് കാറില്‍നിന്ന് മൂന്നരക്കോടി കവര്‍ന്ന സംഭവത്തിലാണ് നേതാക്കളോട് ഇന്ന് ക്രൈംബ്രാഞ്ചിന് മുന്നില്‍ ഹാജരാകാന്‍ നിര്‍ദ്ദേശം നല്‍കിയിരുന്നത്. കേസുമായി ബന്ധപ്പെട്ട് ബി.ജെ.പി.യുടെ ജില്ലാ ജനറല്‍ സെക്രട്ടറി കെ.ആര്‍. ഹരി, ജില്ലാ ട്രഷറര്‍ സുജയ് സേനന്‍, പാര്‍ട്ടി മധ്യമേഖലാ സെക്രട്ടറി ജി. കാശിനാഥന്‍ എന്നിവരെ നേരത്തെ പ്രത്യേകസംഘം വിളിച്ചുവരുത്തി തെളിവെടുപ്പ് നടത്തിയിരുന്നു. ഇതിന് പിന്നാലെയാണ് സംസ്ഥാന നേതാക്കള്‍ക്ക് നോട്ടീസ് അയച്ചത്.

    Also Read ഡല്‍ഹിയില്‍ ലോക്ഡൗണ്‍ മേയ് 31 വരെ നീട്ടി; 'ടെസ്റ്റ് പോസിറ്റിവിറ്റി നിരക്ക് കുറഞ്ഞു വരുന്നു:' അരവിന്ദ് കെജ്‌രിവാള്‍

    ഇതിനിടെ കർണാടകത്തിൽ നിന്നും ആലുപ്പുഴ സ്വദേശിയെ ഏൽപ്പിക്കാനാണ് പണം കൊണ്ടുവന്നതെന്ന് പൊലീസ് കണ്ടെത്തി. ഇടനിലക്കാരായ ധർമരാജൻ, സുനിൽ നായിക് എന്നിവരിൽ നിന്നാണ് പൊലീസിന് ഈ മൊഴി കിട്ടിയത്. ആലപ്പുഴ സ്വദേശി ആരാണെന്നും പൊലീസ് കണ്ടെത്തിയിട്ടുണ്ട്. ഇയാളെ ഉടൻ ചോദ്യം ചെയ്യുമെന്നും സൂചനയുണ്ട്.

    മൂന്നരക്കോടി കുഴൽപ്പണം വന്നത് കർണാടകയിൽ നിന്നാണെന്നും ബിജെപിയുമായി ബന്ധമുള്ള കേന്ദ്രങ്ങളിൽ നിന്നു തന്നെയാണ് പണം വന്നതെന്നും പൊലീസ് തിരിച്ചറിഞ്ഞിട്ടുണ്ട്. പണം വന്ന വിവരം അറിയില്ലെന്നും കവർച്ച കേസിലെ പ്രതികളെ അറിയില്ലെന്നുമാണ് ബി.ജെ.പി ജില്ലാ നേതാക്കളുടെ മൊഴി .വരും ദിവസങ്ങളില്‍ കൂടുതല്‍ സംസ്ഥാന നേതാക്കളെ ചോദ്യം ചെയ്യാൻ വിളിപ്പിക്കുമെന്നാണ് സൂചന.

    'വെള്ളം ചോദിച്ചപ്പോൾ മൂത്രം കുടിപ്പിച്ചു'; കർണാടക പൊലീസിനെതിരെ ദളിത് യുവാവ്; അന്വേഷണത്തിന് ഉത്തരവ്



    ബംഗളൂരു: കർണാടക പൊലീസ് ഉദ്യോഗസ്ഥനെതിരെ കസ്റ്റഡി പീഡനം അടക്കം ഗുരുതര ആരോപണങ്ങൾ ഉന്നയിച്ച് യുവാവ്. ചിക്കമംഗലൂരു സ്റ്റേഷൻ സബ് ഇൻസ്പെക്ടർക്കെതിരെയാണ് പരാതി. പുനീത് എന്ന ദളിത് യുവാവാണ് പരാതിക്കാരാൻ. ഒരു കേസുമായി ബന്ധപ്പെട്ട് കസ്റ്റഡിയിലെടുത്ത തന്നെ നിർബന്ധപൂർവം മൂത്രം കുടിപ്പിച്ചു എന്നാണ് യുവാവ് ആരോപിക്കുന്നത്. കടുത്ത ഭാഷയിൽ അധിക്ഷേപിക്കുകയും ചെയ്തു എന്നും ഉന്നത ഉദ്യോഗസ്ഥർക്ക് നൽകിയ പരാതിയിൽ പുനീത് ആരോപിക്കുന്നു.

    റിപ്പോർട്ടുകൾ അനുസരിച്ച് ദമ്പതികള്‍ക്കിടയിൽ പ്രശ്നങ്ങൾ സൃഷ്ടിക്കാൻ ശ്രമിച്ചു എന്ന പരാതിയിൽ ഇക്കഴിഞ്ഞ മെയ് പത്തിനാണ് പുനിതിനെ പൊലീസ് കസ്റ്റഡിയിലെടുക്കുന്നത്. കസ്റ്റഡിയിൽ തനിക്ക് നേരെ അതിക്രമം കാട്ടിയ സബ് ഇൻസ്പെക്ടർക്കെതിരെ നടപടി ആവശ്യപ്പെട്ട് 22 കാരനായ പുനിത് ഉന്നത പൊലീസ് ഉദ്യോഗസ്ഥർക്ക് കത്തയച്ചതോടെയാണ് സംഭവം പുറത്തറിയുന്നത്.




    Also Read-ലോക്ക്ഡൗൺ ലംഘിച്ച യുവാവിന്‍റെ കരണത്തടിച്ച ജില്ലാ കളക്ടർ മൊബൈൽ എറിഞ്ഞുടച്ചു

    കസ്റ്റഡിയിലെടുത്ത ശേഷം മണിക്കൂറുകളോളം പൊലീസുകാർ മർദ്ദനത്തിനിരയാക്കി എന്നാണ് പുനിത്തിനെ ഉദ്ധരിച്ച് 'ദ ഹിന്ദു' റിപ്പോർട്ട് ചെയ്യുന്നത്. കുടിക്കാൻ വെള്ളം ആവശ്യപ്പെട്ടപ്പോൾ അതു പോലും തരാൻ സബ് ഇൻസ്പെക്ടർ വിസ്സമ്മതിച്ചു എന്നാണ് ആരോപണം. പിന്നാലെ തന്‍റെ ദേഹത്തേക്ക് മൂത്രം ഒഴിക്കാൻ ലോക്കപ്പിലുണ്ടായിരുന്ന മറ്റൊരു യുവാവിനെ നിർബന്ധിക്കുകയായിരുന്നു എന്നും പുനിത് ആരോപിക്കുന്നു.

    മോഷണക്കേസിൽ അറസ്റ്റിലായ ചേതൻ എന്ന യുവാവാണ് ആ സമയം ലോക്കപ്പിലുണ്ടായിരുന്നത്. സബ് ഇൻസ്പെക്ടർ ആവശ്യപ്പെട്ടെങ്കിലും തന്‍റെ ദേഹത്തേക്ക് മൂത്രം ഒഴിക്കാൻ ചേതൻ തയ്യാറായിരുന്നില്ല. എന്നാൽ കടുത്ത പീഡനം നേരിടേണ്ടി വരുമെന്ന് ഭീഷണി മുഴക്കിയതോടെ ഗത്യന്തരമില്ലാതെ അയാൾ പൊലീസുകാരനെ അനുസരിക്കുകയായിരുന്നു എന്നാണ് വാക്കുകള്‍.

    Also Read-വിവാഹ വാഗ്ദാനം നൽകി പീഡനം: കങ്കണ റണൗട്ടിന്‍റെ ബോഡി ഗാർഡിനെതിരെ കേസ്

    തുടർന്ന് തറയിൽ വീണു കിടന്ന മൂത്രം നക്കാൻ ആവശ്യപ്പെടുകയും ചെയ്തു. ഇതിന് പുറമെയായിരുന്നു വാക്കാലുള്ള അധിക്ഷേപങ്ങളും. ചെയ്യാത്ത കുറ്റം ചെയ്തു എന്നു തന്നെക്കൊണ്ട് സമ്മതിപ്പിക്കാനുള്ള ശ്രമങ്ങളും ഇതിനിടെയുണ്ടായി എന്നും പുനിത് പറയുന്നു. തനിക്കെതിരെ ഔദ്യോഗികമായി പരാതി ഒന്നും ഇല്ലാതിരുന്നിട്ട് കൂടി ഇത്തരം അതിക്രമം നേരിടേണ്ടി വന്നതോടെ അപമാനിക്കപ്പെട്ടതായി തോന്നിയെന്നാണ് യുവാവ് മാധ്യമങ്ങോട് സംസാരിക്കവെ പറഞ്ഞത്.

    പൊലീസുകാരനെതിരെ ഗുരുതര ആരോപണങ്ങൾ ഉന്നയിക്കപ്പെട്ട സാഹചര്യത്തിൽ പ്രാഥമിക അന്വേഷണത്തിന് ഉത്തരവിട്ടിട്ടുണ്ട് എന്നാണ് ചിക്കമംഗലൂരു എസ്പി അക്ഷയ് ഹക്കായ് അറിയിച്ചത്. പുനിതിന്‍റെ മൊഴിയും രേഖപ്പെടുത്തിയിട്ടുണ്ട്. സംഭവത്തിൽ ആരോപണവിധേയനായ സബ് ഇൻസ്പെക്ടറെ അന്വേഷണത്തെ തുടർന്ന് നിലവിൽ സ്ഥലം മാറ്റിയിരിക്കുകയാണ്. വകുപ്പ്തലത്തിൽ അന്വേഷണം പൂർത്തിയാക്കിയ ശേഷമാകും തുടർ നടപടികൾ സ്വീകരിക്കുക എന്നും എസ് പി വ്യക്തമാക്കി.



    Published by:Aneesh Anirudhan
    First published:
    )}