HOME » NEWS » Kerala » KODIKUNNIL SURESH RESPONSIBLE FOR ELECTION DEFEAT KK SHAJU WITH SERIOUS ALLEGATION JK TV

തെരഞ്ഞെടുപ്പ് തോല്‍വിക്ക് ഉത്തരവാദി കൊടിക്കുന്നില്‍ സുരേഷ്; ഗുരുതര ആരോപണവുമായി കെ കെ ഷാജു

കീഴ്ഘടകങ്ങള്‍ തന്റെ പേര് ഒറ്റക്കെട്ടായി തീരുമാനിച്ചിട്ടും തന്നെ സ്ഥാനാര്‍ത്ഥിയാക്കരുതെന്ന് ആവശ്യപ്പെട്ട് കൊടിക്കുന്നില്‍ 25 തവണയിലേറെ നേതൃത്വത്തെ സമീപിച്ചു

News18 Malayalam | news18-malayalam
Updated: May 3, 2021, 11:14 PM IST
തെരഞ്ഞെടുപ്പ് തോല്‍വിക്ക് ഉത്തരവാദി കൊടിക്കുന്നില്‍ സുരേഷ്; ഗുരുതര ആരോപണവുമായി കെ കെ ഷാജു
കൊടിക്കുന്നില്‍ സുരേഷ്, കെ കെ ഷാജു
  • Share this:
ആലപ്പുഴ: തെരഞ്ഞെടുപ്പ് തോല്‍വിക്ക് പിന്നാലെ കെപിസിസി വര്‍ക്കിങ് പ്രസിഡന്റ് കൊടിക്കുന്നില്‍ സുരേഷിനെതിരെ ഗുരുതര ആരോപണവുമായി മാവേലിക്കരയിലെ യുഡിഎഫ് സ്ഥാനാര്‍ത്ഥി കെ കെ ഷാജു. തോല്‍വിക്ക് ഉത്തരവാദി കൊടിക്കുന്നില്‍ സുരേഷ് ആണെന്ന് ഷാജു ആരോപിച്ചു .കീഴ്ഘടകങ്ങള്‍ തന്റെ പേര് ഒറ്റക്കെട്ടായി തീരുമാനിച്ചിട്ടും തന്നെ സ്ഥാനാര്‍ത്ഥിയാക്കരുതെന്ന് ആവശ്യപ്പെട്ട് കൊടിക്കുന്നില്‍ 25 തവണയിലേറെ നേതൃത്വത്തെ സമീപിച്ചു.ഏറെ വൈകി സ്ഥാനാര്‍ത്ഥി പ്രഖ്യാപനം വന്നപ്പോള്‍ മറ്റ് മുന്നണികള്‍ ബഹുദൂരം മുന്നിലായി കഴിഞ്ഞിരുന്നുവെന്നും ഷാജു പറഞ്ഞു.

Also Read-'തോറ്റ് പോയ MLA മാരെ താങ്കളുടെ അണികൾ 'വാഴകൾ' എന്ന് വിളിക്കുമ്പോൾ താങ്കളും തോറ്റ് പോയ MLA ആണെന്ന് അവരോട് പറയണം' - സ്വരാജിനോട് രാഹുൽ

അമ്പലപ്പുഴയിലെ സ്ഥാനാര്‍ത്ഥി എം ലിജുവിന് പുറമെ ജില്ലയില്‍ കൂടുതല്‍പ്പേര്‍ നേതൃത്വത്തിന്റെ അനാവശ്യ ഇടപെടലുകള്‍ക്കും ,നിഷ്‌ക്രീയത്വത്തിനും എതിരെ രംഗത്ത് വരികയാണ്. പ്രാദേശിക വികാരവും ജയസാധ്യതയും സ്ഥാനാര്‍ത്ഥി നിര്‍ണയത്തില്‍ പരിഗണിക്കപ്പെടുന്നില്ല. തന്നെ സ്ഥാനാര്‍ത്ഥിയാക്കാതിരിക്കാന്‍ കൊടിക്കുന്നില്‍ സുരേഷ് ഇടപെട്ടു.

Also Read-യുഡിഎഫിനുണ്ടായിരുന്ന ആത്മവിശ്വാസത്തിന് പിന്നില്‍ വോട്ടുക്കച്ചവടം; ബിജെപിക്ക് ഭീമമായി വോട്ടുകുറഞ്ഞതെങ്ങനെ?; ആരോപണവുമായി മുഖ്യമന്ത്രി

നേതാക്കന്‍മാരെ കൊണ്ട് നിറയുമ്പോള്‍ താഴെ തട്ടില്‍ സംഘടന ദുര്‍ബലമാണ്. പോസ്റ്റര്‍ ഒട്ടിക്കാന്‍ പോലും ആളില്ലാത്ത അവസ്ഥയായിരുന്നു. തമ്മിലടി അവസാനിപ്പിച്ച് സ്ഥാനാര്‍ത്ഥി പ്രഖ്യാപനം വന്നപ്പോള്‍ മറ്റ് മുന്നണികള്‍ ബഹുദൂരം മുന്നിലെത്തി കഴിഞ്ഞിരുന്നു

ജനപ്രതിനിധികള്‍ പാര്‍ട്ടിയുടെ സംഘടനാ ചുമതല ഒഴിഞ്ഞാല്‍ മാത്രമേ കോണ്‍ഗ്രസ് ശക്തിപ്പെടുകയുള്ളുവെന്നും കെ.കെ ഷാജു പറഞ്ഞു.
Published by: Jayesh Krishnan
First published: May 3, 2021, 11:14 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories