• HOME
  • »
  • NEWS
  • »
  • kerala
  • »
  • ഗാന്ധി ചിത്രം തകര്‍ത്ത SFIക്കാരെ മഹത്വവത്കരിക്കുന്ന റിപ്പോര്‍ട്ട് പൊലീസ് നല്‍കിയതിന് പിന്നില്‍ ഗൂഢാലോചന; കെ സുധാകരന്‍

ഗാന്ധി ചിത്രം തകര്‍ത്ത SFIക്കാരെ മഹത്വവത്കരിക്കുന്ന റിപ്പോര്‍ട്ട് പൊലീസ് നല്‍കിയതിന് പിന്നില്‍ ഗൂഢാലോചന; കെ സുധാകരന്‍

ഓഫീസ് അക്രമിച്ചപ്പോള്‍ കൈയ്യും കെട്ടി നോക്കിനിന്ന പൊലീസാണ് എസ്എഫ്ഐക്കാരെ വെള്ളപൂശിയ റിപ്പോര്‍ട്ട് തയ്യാറാക്കിയത്.

  • Last Updated :
  • Share this:
    തിരുവനന്തപുരം രാഹുല്‍ ഗാന്ധി എംപിയുടെ ഓഫീസിലെ ഗാന്ധി ചിത്രം തകര്‍ത്ത എസ്എഫ്‌ഐക്കാരെ മഹത്വവതകരിക്കുന്ന റിപ്പോര്‍ട്ട് പൊലീസ് നല്‍കിയതിന് പിന്നില്‍ ഗൂഢാലോചനയുണ്ടെന്ന് കെപിസിസി പ്രസിഡന്റ് കെ സുധാകരന്‍. രാഷ്ട്രീയ സമ്മര്‍ദ്ദത്തെ തുടര്‍ന്നുള്ള റിപ്പോര്‍ട്ടാണെന്ന് സുധാകരന്‍ ആരോപിച്ചു.

    ഓഫീസ് അക്രമിച്ചപ്പോള്‍ കൈയ്യും കെട്ടി നോക്കിനിന്ന പൊലീസാണ് എസ്എഫ്ഐക്കാരെ വെള്ളപൂശിയ റിപ്പോര്‍ട്ട് തയ്യാറാക്കിയത്. സിപിഎമ്മിന്റെ താല്‍പ്പര്യത്തിന് അനുസരിച്ച് മാത്രം കേസ് അന്വേഷിക്കുന്ന കേരള പോലീസിന്റെ വിധേയത്വമാണ് റിപ്പോര്‍ട്ടില്‍ പ്രതിഫലിച്ചതെന്നും സുധാകരന്‍ പറഞ്ഞു. പൊലീസിന്റെ മുഖം കൂടി രക്ഷിക്കുന്നതിനാണ് ഇത്തരം ഒരു അവാസ്തവമായ റിപ്പോര്‍ട്ട് പൊലീസ് തയ്യാറാക്കിയത്.

    Also Read-ഓഫീസ് ആക്രമണം: വാഴ വെച്ചതിനുശേഷവും ഗാന്ധി ചുമരിലുണ്ടായിരുന്നതായി പൊലീസ് റിപ്പോർട്ടും ചിത്രങ്ങളും

    സത്യസന്ധമല്ലാത്ത റിപ്പോര്‍ട്ട് തയ്യാറാക്കിയ ഉദ്യോഗസ്ഥനെതിരെ നടപടിയെടുക്കാനുള്ള മാന്യതയും അന്തസ്സും ആഭ്യന്തരവകുപ്പ് ഭരിക്കുന്ന മുഖ്യമന്ത്രിക്കുണ്ടോയെന്ന് സുധാകരന്‍ ചോദിച്ചു. ഗാന്ധി ചിത്രം തകര്‍ത്ത ഉത്തരവാദിത്തം കോണ്‍ഗ്രസിന്റെ തലയില്‍ കെട്ടിവെയ്ച്ച് തടിയൂരാനുള്ള പാഴ് ശ്രമമാണ് പോലീസും സര്‍ക്കാരും നടത്തുന്നതെന്നും സുധാകരന്‍ പറഞ്ഞു.

    ചിത്രം തകര്‍ത്തത് പ്രവര്‍ത്തകര്‍ പോയ ശേഷമെന്ന് വയനാട് എസ്പിയുടെ റിപ്പോര്‍ട്ട്. ഓഫീസിലെ കസേരയില്‍ വാഴ വെച്ച ശേഷമുള്ള ചിത്രത്തിലും ചുമരില്‍ ഗാന്ധി ചിത്രം ഉണ്ട്. എസ്എഫ്ഐ പ്രവര്‍ത്തകര്‍ പോയതിനും കോണ്‍ഗ്രസ് പ്രവര്‍ത്തകര്‍ വന്നതിനും ശേഷം പുറത്തുവന്ന ആദ്യ ചിത്രത്തില്‍ ഗാന്ധി ചിത്രം കമിഴ്ന്ന നിലയിലായിരുന്നു. പിന്നീടത് മുഖം കാണുന്ന രീതിയിലേക്ക് മാറിയെന്നും പോലീസ് പറയുന്നു.

    Also Read-AKG സെന്റര്‍ ആക്രമണത്തില്‍ പൊലീസിനും പങ്കുണ്ട്; CPM നേതാക്കളുടെ പ്രസ്താവന പരസ്പര വിരുദ്ധം; വിഡി സതീശന്‍

    അതേസമയം, രാഹുല്‍ ഗാന്ധി എംപിയുടെ ഓഫീസ് എസ്എഫ്‌ഐ പ്രവര്‍ത്തകര്‍ ആക്രമിച്ച സംഭവത്തില്‍ കര്‍ശന നടപടിയാണ് സംസ്ഥാന നേതൃത്വം സ്വീകരിച്ചത്. എസ്.എഫ്.ഐയുടെ വയനാട് ജില്ലാ കമ്മിറ്റി പിരിച്ചു വിട്ടു. എസ്.എഫ്.ഐ സംസ്ഥാന കമ്മിറ്റി യോഗമാണ് വയനാട്ടില്‍ കര്‍ശന നടപടിക്ക് തീരുമാനിച്ചത്. അഡ്ഹോക്ക് കമ്മിറ്റിക്കാണ് പകരം ചുമതല.
    Published by:Jayesh Krishnan
    First published: