പ്രതിദിനം നഷ്ടം ഒന്നര കോടി രൂപ; മിനിമം ചാർജ് 12 രൂപയാക്കണമെന്ന് കെഎസ്ആർടിസി

കോഴിക്കോട്: ജസ്റ്റിസ് രാമചന്ദ്രൻ കമ്മീഷൻ റിപ്പോർട്ടിന്റെ അടിസ്ഥാനത്തിൽ ബസ് ചാർജ് വർദ്ധിപ്പിക്കാനാണ് ഗതാഗത വകുപ്പിന്റെ തീരുമാനം. പുതിയ നിരക്ക് പ്രകാരം മിനിമം ചാർജ് രണ്ടര കിലോമീറ്ററിന് നിലവിലെ എട്ട് രൂപ 10 രൂപയായി വർദ്ധിക്കും.

കിലോമീറ്ററിന് 70 പൈസ 20 പൈസ വർദ്ധിച്ച് 90 പൈസയാവും. കോവിഡ് സ്പെഷ്യൽ നിരക്ക് പ്രകാരം 25 ശതമാനം വർദ്ധനവാണ് ഉണ്ടാവുക. പുതിയ ശുപാർശ കോവിഡ് നിയന്ത്രണത്തിന്റെ അടിസ്ഥാനത്തിലാണ്. വിദ്യാർത്ഥികളുടെ ചാർജ് 50 ശതമാനം വർദ്ധിപ്പിക്കുവാനും ശുപാർശ ഉണ്ടായിട്ടുണ്ടെന്ന് ഗതാഗത മന്ത്രി എ.കെ.ശശീന്ദ്രൻ പറഞ്ഞു.
TRENDING:കോവിഡ് രോഗിയുടെ മൃതദേഹം എത്തിച്ചത് ജെസിബിയിൽ; ആന്ധ്രയിൽ മുൻസിപ്പാലിറ്റി ഉദ്യോഗസ്ഥന് സസ്പെൻഷൻ [NEWS]ഇനി പഴഞ്ചൻ പോസ്റ്റുകൾ പ്രചരിപ്പിക്കൽ അത്ര എളുപ്പമല്ല; തടയിടാൻ വഴിയുമായി ഫെയ്സ്ബുക്ക് [PHOTOS]പരിശോധനാ ഫലം വരുന്നതിന് മുമ്പ് പുറത്തിറങ്ങിയ രണ്ട് പേർക്ക് COVID 19; കായംകുളത്ത് ജാഗ്രത [NEWS]
അതേസമയം മിനിമം ചാർജ് 12 രൂപയായി വർദ്ധിപ്പിക്കണമെന്നാണ് കെ.എസ്.ആർ.ടി.സി സർക്കാരിനോട് ശുപാർശ ചെയ്തിരിക്കുന്നത്.  പ്രതിദിനം ഒന്നര കോടി രൂപയുടെ നഷ്ടത്തിലാണ് കെ.എസ്.ആർ.ടി.സി. നിലവിൽ 60 കോടിയുടെ ബാധ്യതയാണ് ഒരോ മാസവും ഉണ്ടാവുന്നത്.

സർക്കാരിന്റെ സഹായത്താലാണ് കോർപ്പറേഷൻ നിലനിൽക്കുന്നതെന്നും ഗതാഗതമന്ത്രി പറഞ്ഞു. കമ്മീഷൻ റിപ്പോർട്ടിന്റെ അടിസ്ഥാനത്തിൽ മന്ത്രിസഭാ യോഗം കൂടിയ ശേഷമായിരിക്കും അന്തിമ തീരുമാനം ഉണ്ടാവുക.