KSRTC ബസുകൾ തിരിച്ചറിയാൻ പറ്റുന്നില്ലേ? എന്നാൽ നിറം മാറ്റിയേക്കാമെന്ന് മാനേജ്മെന്റ്

തിരുവനന്തപുരം • കെ എസ് ആർ ടി സി ഫാസ്റ്റും, സൂപ്പർ ഫാസ്സ്റ്റ് ബസും തമ്മിൽ തിരിച്ചറിയാൻ ബുദ്ധിമുട്ടാണെന്ന യാത്രക്കാരുടെ പരാതിക്ക്‌ ഒടുവിൽ പരിഹാരം.  രണ്ട് ബസുകളുടെയും  നിറം മാറ്റാൻ കെ എസ് ആർ ടി സി തീരുമാനിച്ചു. മുൻവശത്തെ മഞ്ഞനിറം കൂട്ടിയും ചുവപ്പുനിറം കുറച്ചുമാണു പുതിയ സൂപ്പർഫാസ്റ്റുകൾ വരുന്നത്. സ്വിഫ്റ്റ് കമ്പനിയുടെ പേരിലായതിനാൽ സ്വിഫ്റ്റിന്റെ ഓറഞ്ച് നിറത്തിൽ വരകളുമുണ്ടാകും.

Also read-റിപ്പബ്ലിക് ദിനത്തില്‍ ഗവർണർ നടത്തുന്ന ‘അറ്റ് ഹോമിൽ’ മുഖ്യമന്ത്രി പങ്കെടുക്കും; മന്ത്രിമാർക്കും ക്ഷണം

131 ബസുകൾ പുത്തൻ നിറത്തിൽ മാർച്ചോടെ പുറത്തിറങ്ങും. രണ്ടാംഘട്ടത്തിൽ കിഫ്ബി ഫണ്ടിൽ നിന്ന് 262 സൂപ്പർഫാസ്റ്റുകളും വരും. ഈ  ബസുകൾ വരുന്നതോടെ നിലവിൽ 7 വർഷം പഴക്കമുള്ള 237 സൂപ്പർഫാസ്റ്റുകളും 8 വർഷം പഴക്കമുള്ള 68 ബസുകളും ഓർഡിനറി സർവീസുകളാക്കി മാറ്റാനും കെ എസ് ആർ ടി സി തീരുമാനിച്ചു.