കെഎസ്ആര്‍ടിസി 773 ജീവനക്കാരെ പിരിച്ചുവിട്ടു

തിരുവനന്തപുരം : കെഎസ്ആര്‍ടിസിയില്‍ കൂട്ടപ്പിരിച്ചു വിടല്‍. ഡ്രൈവറുമാരും കണ്ടക്ടറുമടക്കം 773 ജീവനക്കാരെയാണ് പിരിച്ചു വിട്ടത്. നിരവധി തവണ ആവശ്യപ്പെട്ടിട്ടിട്ടും ജോലിയില്‍ പ്രവേശിക്കാത്തവര്‍ക്കെതിരെയാണ് നടപടി.

ദീര്‍ഘകാലമായി ജോലിക്ക് ഹാജരാകാത്തവര്‍ തിരികെ ജോലിക്കെത്തണമെന്ന് കാട്ടി നോട്ടീസ് നല്‍കിയിരുന്നു. ഹാജരായില്ലെങ്കില്‍ പിരിച്ചു വിടുമെന്ന മുന്നറിയിപ്പും നല്‍കിയിരുന്നുവെന്നാണ് അധികൃതരുടെ വാദം. മുന്നറിയിപ്പ് നോട്ടീസ് കിട്ടിയിട്ടും ജോലിക്ക് ഹാജരാകാത്ത 304 ഡ്രൈവര്‍മാര്‍, 469 കണ്ടക്ടര്‍ എന്നിവരെയാണ് പിരിച്ചു വിട്ടത്.