വണ്ടിയിൽ പരസ്യം പാടില്ലെന്ന് ഹൈക്കോടതി; പാടു പെടുമെന്ന് KSRTC

തിരുവനന്തപുരം: വണ്ടികളിൽ പരസ്യങ്ങളും എഴുത്തുകളും ചിത്രങ്ങളും പാടില്ലെന്ന ഹൈക്കോടതി നിർദേശം നടപ്പിലാക്കിയാൽ പാടുപെടാൻ പോകുന്നത് KSRTC. കടുത്ത സാമ്പത്തിക പ്രതിസന്ധിയിൽ മുന്നോട്ട് പോകുന്ന കെഎസ്ആർടിസിക്ക് ചെറിയ ആശ്വാസമാണ് പരസ്യങ്ങളിൽ നിന്നുള്ള വരുമാനം. ലോഫ്ലോർ ഉൾപ്പെടെയുള്ള ബസുകളിൽ നിന്നും പരസ്യ വരുമാനമായി പ്രതിവർഷം 20 കോടി രൂപയാണ് കെഎസ്ആർടിസിക്ക് നിലവില്‍ ലഭിക്കുന്നത്. എന്നാൽ കോടതി ഉത്തരവ് നടപ്പിലാക്കിയാൽ ഈ വരുമാനം നഷ്ടമാകും.

Also Read-'അയാം ഗോയിങ് ടു മൈ ജോബ്'; നാടൻ ലുക്കിൽ അടിപൊളിയായി ഇംഗ്ലീഷ് പറയുന്ന സ്ത്രീയുടെ വീഡിയോ ഉണ്ടായത് ഇങ്ങനെ

നിലവിൽ മൂന്ന് ഏജൻസികളുമായാണ് കെഎസ്ആർടിസിക്ക് പരസ്യ കരാറുള്ളത്. അഞ്ച് വർഷത്തേക്കുള്ള കരാറിൽ കഴിഞ്ഞ വർഷമാണ് ഒപ്പിട്ടത്. എന്നാൽ കോടതി ഉത്തരവോടെ ഇതിൽ തിരിച്ചടി ഉണ്ടായിരിക്കുകയാണ്.

ഒരു ഹർജി പരിഗണിക്കുന്നതിനിടെയാണ് മറ്റ് വാഹന ഡ്രൈവർമാരുടെ ശ്രദ്ധ തിരിക്കുന്ന തരത്തിലുള്ള പരസ്യങ്ങളോ ചിത്രങ്ങളോ എഴുത്തുകളോ കെഎസ്ആർടിസി ഉൾപ്പെടെയുളള വാഹനങ്ങളിൽ പാടില്ലെന്ന നിർദേശം ഹൈക്കോടതി നൽകിയത്. പൊതുജന സുരക്ഷ അപകടത്തിലാക്കിക്കൊണ്ട് പരസ്യത്തിലൂടെ അധികവരുമാനമുണ്ടാക്കരുതെന്നുമായിരുന്നു നിര്‍ദ്ദേശം. കെഎസ്ആർടിസി, കെയുആർടിസി ബസുകൾ ദേശീയപാതയിൽ ഓടുന്നതിനാൽ പരസ്യങ്ങൾ അനുവദിക്കാനാകില്ലെന്നാണ് കോടതി വ്യക്തമാക്കിയത്.

#MissionPaani: മഴവെള്ളസംരക്ഷണത്തിന് മാതൃകയായി റെയിൽവേ

ദേശീയ പാതയോരങ്ങളിൽ ആകർഷകങ്ങളായ പരസ്യങ്ങൾക്ക് നിയന്ത്രണമുണ്ടായിട്ടും പലയിടത്തും ഇവ സ്ഥാപിച്ചിട്ടുള്ളതിനാൽ കേ​​​ന്ദ്ര റോ​​​ഡ് ഗ​​​താ​​​ഗ​​​ത​​​മ​​​ന്ത്രാ​​​ല​​​യം റി​​​പ്പോ​​​ര്‍​ട്ട് തേ​​​ടി​​​യി​​​ട്ടു​​​ണ്ടെ​​​ന്ന കാര്യവും ഹൈ​​​ക്കോ​​​ട​​​തി വാദത്തിനിടെ ചൂണ്ടിക്കാട്ടിയിരുന്നു.