'പോക്കിരിത്തരത്തിന് ഒരതിരുവേണം' റമസാന്‍ മാസം ചായക്കടകള്‍ തുറന്നാല്‍ അടിച്ചുതകര്‍ക്കുമെന്ന് ഭീഷണി മുഴക്കിയവര്‍ക്കെതിരെ കെ.ടി ജലീല്‍

കോഴിക്കോട് മുഖദാർ ബീച്ചിൽ ചായക്കടകൾ റംസാൻ കാലത്ത് തുറക്കരുതെന്നും തുറന്നാൽ സ്ഥാപനങ്ങൾ അടിച്ചു പൊളിക്കുമെന്നും വ്യാപാരികളെ ഭീഷണിപ്പെടുത്തിയവര്‍ക്കെതിരെ കെ.ടി ജലീല്‍ എംഎല്‍എ.   മഹല്ല് കമ്മിറ്റിയുടെ അറിയിപ്പെന്ന വ്യാജേന ഒരു സംഘം ഗുണ്ടകൾ വന്ന് ഭീഷണി സ്വരത്തിൽ മുന്നറിയിപ്പു നൽകിയതായി പറയപ്പെടുന്ന സംഭവം സത്യമാണെങ്കിൽ അങ്ങേയറ്റം അപലപനീയമാണന്നും പോക്കിരിത്തരത്തിന് ഒരതിരുവേണമെന്നും കെ.ടി ജലീല്‍ ഫേസ്ബുക്കില്‍ കുറിച്ചു. സംഭവം റിപ്പോര്‍ട്ട് ചെയ്ത ന്യൂസ് 18 വാര്‍ത്ത പങ്കുവെച്ചാണ് അദ്ദേഹം വിഷയത്തില്‍ തന്‍റെ നിലപാട് വ്യക്തമാക്കിയത്.

ഇന്ത്യ ഒരു ബഹുസ്വര രാജ്യമാണ്. ഇവിടെ ഏതൊരാൾക്കും അയാളുടെ വിശ്വാസാചാരങ്ങൾ അനുസരിച്ച് ജീവിക്കാം. വിശ്വാസമില്ലാതെയും ജീവിക്കാം. നിയമ വിധേയമായ മാർഗ്ഗങ്ങളിലൂടെ ഉപജീവനം നടത്താം. കച്ചവടം ചെയ്യാം. വ്യാപാരങ്ങളിൽ ഏർപ്പെടാം. ഒരാൾക്കും ഒന്നിൻ്റെയും പേരിൽ അതൊന്നും തടയാനാവില്ലെന്ന് ജലീല്‍ ഫേസ്ബുക്കില്‍ കുറിച്ചു.

Also Read- നന്മയുടെ പുതുവഴികൾ തുറക്കാനുള്ള സുവർണവസരമായി പരിശുദ്ധ റമസാനെ കാണണം; ടി പി അബ്ദുല്ല കോയ മദനി

റൗഡിസത്തിലൂടെ കയ്യൂക്ക് ഉപയോഗിച്ച് തോന്നിവാസം കാണിക്കാമെന്നാണ് ആരുടെയെങ്കിലും ഭാവമെങ്കിൽ അതൊന്ന് കാണണം. കോഴിക്കോട് മുഖദാർ കടപ്പുറം ഒരു സമുദായത്തിലെ മതഭ്രാന്തന്മാർക്കും തീറെഴുതിക്കൊടുത്തിട്ടില്ല. അങ്ങിനെ ആർക്കെങ്കിലും തോന്നുന്നുവെങ്കിൽ ആ പൂതി മനസ്സിൽ വെച്ചാൽ മതിയെന്നും ജലീല്‍ കൂട്ടിച്ചേര്‍ത്തു.

Also Read- ‘റബ്ബറിന്റെ വില പോയിവാങ്ങാന്‍ ഉടലില്‍ തലയുണ്ടായിട്ട് വേണ്ടേ’: കെ.ടി. ജലീല്‍; പച്ചയായ വധഭീഷണിയെന്ന് കെ. സുരേന്ദ്രന്‍

ഏതെങ്കിലും അറിവില്ലാത്ത അലവലാതികൾ ഇസ്ലാമിൻ്റെ പേരിൽ എന്തെങ്കിലും ചെയ്യുകയോ പറയുകയോ ചെയ്യുന്നുണ്ടെങ്കിൽ അത് തടയേണ്ട ബാദ്ധ്യത സമുദായത്തിലെ വിവേകശാലികൾക്കാണെന്നും അദ്ദേഹം പറഞ്ഞു.

കെ.ടി ജലീലിന്‍റെ ഫേസ്ബുക്ക് പോസ്റ്റ് പൂര്‍ണ്ണരൂപം