• HOME
  • »
  • NEWS
  • »
  • kerala
  • »
  • Landslide | ഇടുക്കി എയർസ്ട്രിപ്പിന്റെ ഒരു ഭാഗം തകർന്നു; പരിശീലന എയർസ്ട്രിപ്പിൽ വിമാനമിറങ്ങുന്നത് ആശങ്കയിൽ

Landslide | ഇടുക്കി എയർസ്ട്രിപ്പിന്റെ ഒരു ഭാഗം തകർന്നു; പരിശീലന എയർസ്ട്രിപ്പിൽ വിമാനമിറങ്ങുന്നത് ആശങ്കയിൽ

മഴക്കാലത്ത് റണ്‍വേയുടെ പരിസര പ്രദേശങ്ങളിലുടെ ഒഴുകിയെത്തുന്ന വെള്ളം പോകുന്നതിനു വേണ്ടി ശാസ്ത്രീയമായ രീതിയില്‍ ക്രമീകരണങ്ങള്‍ ഒരുക്കാതിരുന്നതാണു മണ്ണിടിയാന്‍ കാരണമായത്

  • Last Updated :
  • Share this:
    വണ്ടിപ്പെരിയാർ : ഇടുക്കി വണ്ടിപ്പെരിയാറില്‍ എന്‍സിസി കെഡറ്റുകൾക്ക് പരിശീലനം നല്‍കാന്‍ നിർമ്മിക്കുന്ന എയര്‍സ്ട്രിപ്പ് തകർന്നു. ഇവിടെ വിമാനം ഇറങ്ങുമോ എന്നത് വീണ്ടും ആശങ്കയിലായി. എയര്‍സ്ട്രിപ്പില്‍ നിർമ്മാണ പ്രവര്‍ത്തികള്‍ പുരോഗമിക്കുന്ന റണ്‍വേയോട് ചേര്‍ന്നുള്ള ഭാഗം കനത്ത മഴയില്‍ ഇടിഞ്ഞു. കോടികള്‍ മുടക്കിയ സ്വപ്‌ന പദ്ധതിയുടെ ഭാവിയാണു ആശങ്കാകുലമായത്.

    മഴക്കാലത്ത് റണ്‍വേയുടെ പരിസര പ്രദേശങ്ങളിലുടെ ഒഴുകിയെത്തുന്ന വെള്ളം പോകുന്നതിനു വേണ്ടി ശാസ്ത്രീയമായ രീതിയില്‍ ക്രമീകരണങ്ങള്‍ ഒരുക്കാതിരുന്നതാണു മണ്ണിടിയാന്‍ കാരണമായത്.
    അൻപതടിയോളം താഴ്ചയിലാണ് റൺവേയോട് ചേർന്ന ഭാഗം ഇടിഞ്ഞിരിക്കുന്നത്. മുന്‍പ് രണ്ടുതവണ പരീക്ഷണ പറക്കല്‍ നടത്തിയെങ്കിലും ചെറുവിമാനം ഇറക്കാന്‍ സാധിച്ചിരുന്നില്ല.

    റണ്‍വേയുടെ മുന്‍പിലുള്ള കുന്നിടിച്ച് താഴ്ത്തണമെന്ന വിദഗ്ദരുടെ നിര്‍ദേശത്തെ തുടര്‍ന്ന് പൊതുമരാമത്ത് വകുപ്പ് ഈ പ്രവര്‍ത്തികള്‍ നടത്തുന്നതിനിടെയാണ് വലിയതോതിൽ മണ്ണിടിച്ചില്‍ ഉണ്ടായത്.
    ഇടിഞ്ഞ ഭാഗങ്ങള്‍ കെട്ടിയെടുത്ത് പഴയ രീതിയില്‍ എത്തിക്കണമെങ്കില്‍ ഇനിയും കോടികള്‍ ചെലവഴിക്കേണ്ടി വരും.
    Published by:Amal Surendran
    First published: