കാട്ടിൽ പുല്ല് പറിക്കുകയല്ല മാവോയിസ്റ്റുകൾ: LDF കൺവീനർ വിജയരാഘവൻ

തിരുവനന്തപുരം: അട്ടപ്പാട്ടി മഞ്ചിക്കണ്ടിയിലെ മാവോയിസ്റ്റ് ഏറ്റുമുട്ടലിൽ പ്രതികരണവുമായി ഇടതുമുന്നണി കൺവീനർ എ വിജയരാഘവൻ. മാവോയിസ്റ്റ് ആക്രമണങ്ങളെ മാധ്യമങ്ങൾ ന്യായീകരിക്കുകയാണെന്നും മാവോയിസ്റ്റുകൾ കാട്ടിൽ പുല്ല് പറിക്കുകയല്ലെന്ന് വിജയരാഘവൻ പറഞ്ഞു. മാവോയിസ്റ്റുകളുടെ പ്രവർത്തനത്തെ ആർക്കും ന്യായീകരിക്കാനാകില്ലെന്നും അദ്ദേഹം തിരുവനന്തപുരത്ത് പറഞ്ഞു.

Also Read- യുഎപിഎ അറസ്റ്റ്: തെറ്റുപറ്റിയെങ്കിൽ തിരുത്തുമെന്ന് ഡിജിപി ലോക്നാഥ് ബെഹ്റ

സി പി ഐക്ക് അഭിപ്രായ സ്വാതന്ത്ര്യമുണ്ട്. യുഎപിഎയെ ആരും പിന്തുണച്ചിട്ടില്ല. പൊലീസിനെ തിരുത്താൻ ഇവിടെ സർക്കാരുണ്ട്. യുവാക്കളെ അറസ്റ്റ് ചെയ്ത സംഭവത്തിൽ കുറ്റപത്രം നൽകിയിട്ടില്ല. യു എ പി എ ചുമത്തിയ വിഷയത്തിൽ പുനപരിശോധന ഉണ്ടാകും. യു എ പി എ ഇടതു നയമല്ലെന്നും എ വിജയ രാഘവൻ പറഞ്ഞു.

Also Read- യുഎപിഎ അറസ്റ്റ്: പൊലീസിനെതിരെ സിപിഎം ഏരിയ കമ്മിറ്റി പ്രമേയം പാസാക്കി