HOME » NEWS » Kerala » LOCKDOWN VIOLATION POLICE FILE CASE AGAINST SFI DYFI WORKERS IN ALAPPUZHA AS TV

പെട്രോൾ വിലയ്ക്കെതിരേ പ്രതിഷേധമായി ക്രിക്കറ്റ് കളി; ഡിവൈഎഫ്‌ഐ, എസ്എഫ്ഐ നേതാക്കൾക്കെതിരേ പൊലീസ് കേസെടുത്തു

പെട്രോൾ വില വർദ്ധനവിനെതിരെ വീടുകളിൽ കോലം കത്തിച്ച് പ്രതിഷേധിക്കണമെന്ന സംസ്ഥാന കമ്മറ്റിയുടെ ആഹ്വാനം മറികടന്നായിരുന്നു നടുറോട്ടിലെ ക്രിക്കറ്റ് കളി പ്രതിഷേധം.

News18 Malayalam | news18-malayalam
Updated: June 9, 2021, 7:57 AM IST
പെട്രോൾ വിലയ്ക്കെതിരേ പ്രതിഷേധമായി ക്രിക്കറ്റ് കളി; ഡിവൈഎഫ്‌ഐ, എസ്എഫ്ഐ നേതാക്കൾക്കെതിരേ പൊലീസ് കേസെടുത്തു
പെട്രോൾ വില വർദ്ധനവിനെതിരെ വീടുകളിൽ കോലം കത്തിച്ച് പ്രതിഷേധിക്കണമെന്ന സംസ്ഥാന കമ്മറ്റിയുടെ ആഹ്വാനം മറികടന്നായിരുന്നു നടുറോട്ടിലെ ക്രിക്കറ്റ് കളി പ്രതിഷേധം.
  • Share this:
ആലപ്പുഴ:  പെട്രോൾ വില വർധനയ്ക്കെതിരെ പ്രതിഷേധം നടത്തിയ ഡിവൈഎഫ്ഐ-എസ്എഫ്ഐ നേതാക്കൾക്കെതിരെ കേസെടുത്ത് പൊലീസ്. വില വർധനവിനെതിരെ ചേർത്തല പെട്രോൾ പമ്പിന് മുന്നിൽ ഡിവൈഎഫ്ഐ നടത്തിയ 'ക്രിക്കറ്റ് കളി' സമരം പൊലീസുമായി കയ്യാങ്കളിയിൽ അവസാനിച്ചിരുന്നു. പെട്രോൾ വില നൂറ് രൂപ ആയതിന് പിന്നാലെ ചേർത്തലയില്‍ ദേശീയപാതയിലെ പെട്രോൾ പമ്പിന് സമീപമായിരുന്നു പ്രതിഷേധ സമരം‍സംഘടിപ്പിച്ചത്. ഇതിന്‍റെ ഭാഗമായി ഇവിടെ ഡിവൈഎഫ്ഐ ചേർത്തല ഏരിയ സമിതി അംഗങ്ങൾ സ്റ്റമ്പുകൾ നാട്ടിയിരുന്നു.

എന്നാല്‍ ദേശീയപാതയോട് ചേർന്ന് ക്രിക്കറ്റ് കളിച്ചുള്ള സമരം അനുവദിക്കില്ലെന്ന് അറിയിച്ച് പൊലീസ് സ്റ്റമ്പുകൾ ഊരിയതോടാണ് തർക്കമായത്. അഞ്ചുമിനിറ്റോളം നീണ്ട പ്രശ്നങ്ങൾക്കൊടുവിൽ ഇരുകൂട്ടരും പിരിഞ്ഞു പോയി. ഇതിന് പിന്നാലെയാണ് പൊലീസ് കേസ് രജിസ്റ്റർ ചെയ്തത്. പൊലീസ് ജോലി തടസ്സപ്പെടുത്തിയതിനും കോവിഡ് ചട്ടലംഘനം നടത്തിയതിനും ഡിവൈഎഫ്ഐ സംസ്ഥാസ സമിതി അംഗം സി.ശ്യാംകുമാർ അടക്കം ഒൻപത് പേർക്കെതിരെയാണ് കേസ്.

Also Read-പ്രവർത്തകരിൽ ആവേശം നിറയ്ക്കുന്ന കണ്ണൂരിലെ കരുത്തൻ; ഇനി കെ സുധാകരൻ കെപിസിസിയെ നയിക്കും

കഴിഞ്ഞ ദിവസമായിരുന്നു ആലപ്പുഴയിൽ ലോക് ഡൗൺ ലംഘനം തടഞ്ഞ പൊലിസുകാർക്കെതിരെ ഡിവൈഎഫ്ഐ- എസ്എഫ്ഐ പ്രവർത്തകരുടെ കയ്യേറ്റവും അസഭ്യവർഷവും. ലോക് ഡൗൺ ലംഘിച്ച് പെട്രോൾ വില വർദ്ധനവിനെതിരെ ചേർത്തല ദേശീയപാതയിൽ പെട്രോൾ പമ്പിന് മുന്നിൽ പ്രതീകാത്മക ക്രിക്കറ്റ് മത്സരം നടത്താനൊരുങ്ങിയ പ്രവർത്തകരെ തടഞ്ഞതാണ് സംഘർഷത്തിനിടയാക്കിയത്. എട്ടോളം ഡിവൈഎഫ്ഐ പ്രവർത്തകരാണ് ബ്ലോക്ക് സെക്രട്ടറി സി- ശ്യാം കുമാറിൻ്റെ നേതൃത്വത്തിൽ ചേർത്തല എസ്ഐ ജിൻസണെ കൈയ്യേറ്റം ചെയ്തത്.പെട്രോൾ വില വർദ്ധനവിനെതിരെ വീടുകളിൽ കോലം കത്തിച്ച് പ്രതിഷേധിക്കണമെന്ന സംസ്ഥാന കമ്മറ്റിയുടെ ആഹ്വാനം മറികടന്നായിരുന്നു നടുറോട്ടിലെ ക്രിക്കറ്റ് കളി പ്രതിഷേധം.
Youtube Video

ചെങ്ങന്നൂരിൽ മോട്ടർ വാഹനനിയമം ലംഘിച്ചെത്തിയ എസ്എഫ്ഐ ഏരിയാ സെക്രട്ടറി ആസിഫ് യൂസഫാണ് വാഹന പരിശോധനക്കിടെ പൊലിസിനെ ഭീഷണിപ്പെടുത്തിയത്‌. ഹെൽമെറ്റ് ധരിക്കാതെ സ്കൂട്ടറിൽ മറ്റൊരാളെ പിന്നിലിരുത്തി ചെങ്ങന്നൂർ നഗര മധ്യത്തിൽ ബെഥേൽ ജംഗ്ഷനിലേക്കെത്തിയ ആസിഫിനെ വനിതാ പോലീസുകാർ ഉൾപ്പടെയുള്ള പരിശോധനാ സംഘം കൈ കാണിച്ച് നിർത്തുകയായിരുന്നു.

ഇതിൽ ക്ഷുഭിതനായി ആസിഫ് വണ്ടി നിർത്തി വാഹനത്തിൽ നിന്നിറങ്ങി പൊലീസുകാർക്ക് നേരെ തട്ടിക്കയറുകയായിരുന്നു. എസ് എഫ് ഐ ഏരിയാ സെക്രട്ടറിയായിട്ടും 'എൻ്റെ വാഹനത്തിന്‍റെ നമ്പർ കുറിക്കുന്നോ' എന്ന് ചോദിച്ചായിരുന്നു ഭീഷണി. ഇതിന് പൊലീസുകാർ വളരെ മാന്യമായാണ് മറുപടി നൽകിയത് എന്നിട്ടും ഭീഷണി തുടർന്ന ആസിഫ് വാഹനം എടുത്തു കൊണ്ട് പോകുകയായിരുന്നു.
Published by: Asha Sulfiker
First published: June 9, 2021, 7:55 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories