• HOME
  • »
  • NEWS
  • »
  • kerala
  • »
  • Mammootty | മമ്മൂട്ടിയുടെ 40 ഏക്കർ പിടിച്ചെടുക്കില്ല; ഉത്തരവ് റദ്ദാക്കി മദ്രാസ് ഹൈക്കോടതി

Mammootty | മമ്മൂട്ടിയുടെ 40 ഏക്കർ പിടിച്ചെടുക്കില്ല; ഉത്തരവ് റദ്ദാക്കി മദ്രാസ് ഹൈക്കോടതി

1997-ൽ മമ്മൂട്ടി വാങ്ങിയ സ്ഥലമാണിത്

മമ്മൂട്ടി

മമ്മൂട്ടി

  • Last Updated :
  • Share this:
    ചെന്നൈ: തമിഴ്നാട്ടിൽ നടൻ മമ്മൂട്ടിയുടേയും (Mammootty) മകൻ ദുൽഖറിന്റെയും (Dulquer Salmaan) പേരിലെ 40 ഏക്കർ ഭൂമി പിടിച്ചെടുക്കില്ല. ഇത് സംബന്ധിച്ച ഉത്തരവ് മദ്രാസ് ഹൈക്കോടതി (Madras High Court) റദ്ദാക്കി. ചെന്നൈയ്ക്കടുത്തുള്ള ചെങ്കൽപ്പെട്ടിലെ സ്ഥലം സംരക്ഷിത വനഭൂമിയായി പ്രഖ്യാപിച്ച തമിഴ്‌നാട് ലാൻഡ് അഡ്മിനിസ്‌ട്രേഷൻ കമ്മിഷന്റെ ഉത്തരവാണ് ഹൈക്കോടതി റദ്ദാക്കിയത്. 1997-ൽ കപാലി പിള്ള എന്നയാളിൽ നിന്നും കറുപ്പഴിപ്പള്ളം എന്ന സ്ഥലത്ത് 40 ഏക്കർ സ്ഥലം വാങ്ങുകയായിരുന്നു. 2007ൽ ഈ സ്ഥലം ലാൻഡ് അഡ്മിനിസ്‌ട്രേഷൻ സംരക്ഷിത വനഭൂമിയായി പ്രഖ്യാപിച്ചു. ഉത്തരവിനെതിരേ അതേവർഷം മദ്രാസ് ഹൈക്കോടതിയിൽ നിന്ന് മമ്മൂട്ടി അനുകൂല വിധിയും നേടിയിരുന്നു.

    എന്നാൽ 2020 മേയ് മാസത്തിൽ ഹൈക്കോടതി ഉത്തരവ് സ്വമേധയാ പുനഃപരിശോധിച്ച് ഭൂമി പിടിച്ചെടുക്കാൻ കമ്മിഷണർ ഓഫ് ലാൻഡ് അഡ്മിനിട്രേഷൻ നീക്കം തുടങ്ങിയതോടെ മമ്മൂട്ടി വീണ്ടും ഹൈക്കോടതിയെ സമീപിച്ചു. ഈ വർഷം ഓഗസ്റ്റിൽ ഹർജി പരിഗണനയ്ക്കെടുത്തപ്പോൾ ഭൂമി ഏറ്റെടുക്കാനുള്ള നടപടികൾ നിർത്തിവെക്കണമെന്ന് മദ്രാസ് ഹൈക്കോടതി കമ്മിഷണർ ഓഫ് ലാൻഡ് അഡ്മിനിസ്‌ട്രേഷന് നിർദേശം നൽകി.

    ഹർജി ചൊവ്വാഴ്ച വീണ്ടും പരിഗണനയ്ക്ക് വന്നപ്പോഴാണ് ലാൻഡ് അഡ്മിനിസ്‌ട്രേഷന്റെ ഉത്തരവ് പൂർണമായി റദ്ദാക്കിക്കൊണ്ട് ജസ്റ്റിസ് ഇളന്തിരിയൻ ഉത്തരവിട്ടത്. കേസ് ചൊവ്വാഴ്ച വാദം കേട്ടപ്പോൾ ലാൻഡ് അഡ്മിനിസ്‌ട്രേഷന്റെ നടപടി ശരിവെച്ചുകൊണ്ട് സർക്കാർ അഭിഭാഷകൻ വാദിച്ചു.

    സ്വകാര്യസ്ഥലമാണ് മമ്മൂട്ടിയും ദുൽഖറും വാങ്ങിയതെന്ന് അവർക്കുവേണ്ടി ഹാജരായ അഭിഭാഷകനും വാദിച്ചു. വാദം ഏറെ സമയം നീണ്ടുനിന്നു. തുടർന്നാണ് ജസ്റ്റിസ് ലാൻഡ് അഡ്മിനിസ്‌ട്രേഷന്റെ ഉത്തരവ് പൂർണമായും റദ്ദാക്കി ഉത്തരവിട്ടത്. അതേസമയം, മമ്മൂട്ടിയുടെയും ദുൽഖറിന്റെയും വിശദീകരണം കേട്ട് കമ്മിഷണർ ഓഫ് ലാൻഡ് അഡ്മിനിസ്‌ട്രേഷന് 12 ആഴ്ചയ്ക്കുള്ളിൽ പുതിയ ഉത്തരവിറക്കാമെന്നും കോടതി വ്യക്തമാക്കി.

    Summary: Madras Highcourt cancels an order to seize a 40 acre land in the possession of actor Mammootty and his son Dulquer Salmaan in Tamilnadu. An order by Tamilnadu land Administration Commission in this regard was cancelled by the court. The said land has been under the ownership of Mammootty since 1997
    Published by:user_57
    First published: