ദേവുവിന്‍റെ രോഗം അച്ഛനെ തളർത്തി; ഒടുവിൽ എല്ലാം അവസാനിപ്പിച്ചു ചന്ദ്രബാബു യാത്രയായി

തിരുവനന്തപുരം: ദേവു എന്ന ഒമ്പതുവയസുകാരി സോഷ്യൽമീഡിയയിൽ താരമായത് വളരെ പെട്ടെന്നായിരുന്നു. നൂറനാട് ക്ഷേത്ര ഉത്സവത്തിനിടെ ചെണ്ടമേളത്തിനൊപ്പം ചുവടുവെച്ചാണ് ദേവു താരമായത്. എന്നാൽ ദേവുവിന്‍റെ ജീവിതത്തെയാകെ മാറ്റിമറിച്ച് പിടിപെട്ട മഹാരോഗത്തിന്‍റെ ആഘാതത്തിൽ അച്ഛൻ ചന്ദ്രബാബു ആത്മഹത്യ ചെയ്തത് ആ കുടുംബത്തിന് ഇരട്ടപ്രഹരമായി. ഇന്ന് രാവിലെയാണ് ദേവുവിന്‍റെ അച്ഛൻ ആലപ്പുഴ നൂറനാട് എരുമക്കുഴി മീനത്തേതില്‍ കിഴക്കേക്കര വീട്ടില്‍ ബി. ചന്ദ്രബാബുവിനെ(39) കണ്ടെത്തിയത്. ദേവുവിനെ പ്രവേശിപ്പിച്ച എസ്.എ.ടി ആശുപത്രിക്ക് പുറത്ത് മരക്കൊമ്പിൽ തൂങ്ങി മരിച്ചനിലയിലാണ് ചന്ദ്രബാബുവിനെ കണ്ടെത്തിയത്.

നൂറനാട് സിബിഎംഎച്ച്എസ്എസ് വിദ്യാർഥിനിയാണ് ദേവു. ഉത്സവത്തിന് ചെണ്ടമേളത്തിനൊപ്പം പട്ടുപാവാടക്കാരിയായ ദേവു നൃത്തം ചെയ്തത് പതിനായിരകണക്കിന് ആളുകളാണ് സോഷ്യൽമീഡിയയിലൂടെ കണ്ടത്. ഇതോടെ ടിവി ചാനലുകളിലും അതിഥിയായ ദേവു എത്തി.

എന്നാൽ ഒരാഴ്ച മുമ്പ് അനാരോഗ്യത്തെ തുടർന്ന് ദേവുവിനെ അടൂർ ജനറൽ ആശുപത്രിയിൽ പ്രവേശിപ്പിക്കുകയായിരുന്നു. കൂടുതൽ ചികിത്സയ്ക്കായി തിരുവനന്തപുരം എസ്.എ.ടിയിൽ പ്രവേശിപ്പിച്ചപ്പോഴാണ് തലചചോറിലെ കോശങ്ങൾ നശിച്ചുപോകുന്ന ഗുരുതരരോഗമാണ് ദേവുവിന് പിടിപെട്ടതെന്ന് മനസിലായത്.
TRENDING:ലൈവിനിടെ റിപ്പോർട്ടർക്ക് നേരെ അതിക്രമം; കത്തി ചൂണ്ടി ഭീഷണിപ്പെടുത്തി മൊബൈൽ തട്ടിയെടുത്തു [NEWS]പത്താംക്ലാസ് പരീക്ഷയിൽ സുഹൃത്തിന് മാർക്ക് കൂടുതൽ; പതിനഞ്ചുകാരി ജീവനൊടുക്കി [NEWS]കരളലിയിക്കും ഈ കാഴ്ച! ഭീകരർ കൊന്ന മുത്തച്ഛനരികിൽ പേടിച്ചരണ്ട് മൂന്നു വയസ്സുകാരൻ [NEWS]


ലക്ഷങ്ങൾ ചെലവു വരുന്ന ചികിത്സയിലൂടെ മാത്രമെ ദേവുവിനെ ജീവിതത്തിലേക്ക് മടക്കിക്കൊണ്ടുവരാനാകൂ. പെയിന്‍റിങ് തൊഴിലാളിയായ ചന്ദ്രബാബുവിന് താങ്ങാനാകത്താതായിരുന്നു മകളുടെ ചികിത്സാച്ചെലവ്. സോഷ്യൽമീഡിയയിലൂടെ വിവരം അറിഞ്ഞു നിരവധിപ്പേർ സഹായസന്നദ്ധത പ്രകടിപ്പിച്ചിരുന്നു. അതിനിടെയാണ് ചന്ദ്രബാബുവിനെ തൂങ്ങിമരിച്ച നിലയിൽ കണ്ടെത്തിയത്.