• HOME
  • »
  • NEWS
  • »
  • kerala
  • »
  • Accident | മൂന്നാറിൽ ട്രെക്കിങിന് എത്തിയ യുവാവ് പാറക്കെട്ടിൽ വീണ് മരിച്ചു

Accident | മൂന്നാറിൽ ട്രെക്കിങിന് എത്തിയ യുവാവ് പാറക്കെട്ടിൽ വീണ് മരിച്ചു

ഷിബിന്‍ ഉള്‍പ്പെടുന്ന വിനോദ സഞ്ചാര സംഘം കഴിഞ്ഞ ദിവസമാണ് മൂന്നാറിൽ എത്തിയത്. രാത്രിയില്‍ കരടിപ്പാറക്ക് സമീപമായിരുന്നു ഇവര്‍ താമസിച്ചത്

Shibin

Shibin

  • Last Updated :
  • Share this:
    ഇടുക്കി: ട്രെക്കിങ്ങിനിടെ പാറക്കെട്ടിലേക്ക് കാൽ വഴുതി വീണ യുവാവ് മരിച്ചു. ചേലാട് സ്വദേശി വൈലിപ്പറമ്ബില്‍ ഷിബിനാണ് മരിച്ചത്. മൂന്നാര്‍ രണ്ടാംമൈല്‍ കരടിപ്പാറയില്‍ വിനോദ സഞ്ചാരത്തിനെത്തിയ യുവാവാണ് പാറക്കെട്ടില്‍ അപകടത്തില്‍പ്പെട്ട് മരിച്ചത്. കരടിപ്പാറയിൽ ട്രെക്കിങിന് എത്തിയതായിരുന്നു ഷിബിൻ ഉൾപ്പെട്ട പതിനേഴംഗ സംഘം. അപകടം നടന്ന ശേഷം ഷിബിനെ അടിമാലിയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

    ഷിബിന്‍ ഉള്‍പ്പെടുന്ന വിനോദ സഞ്ചാര സംഘം കഴിഞ്ഞ ദിവസമാണ് മൂന്നാറിൽ എത്തിയത്. രാത്രിയില്‍ കരടിപ്പാറക്ക് സമീപമായിരുന്നു ഇവര്‍ ടെന്‍റ് കെട്ടി താമസിച്ചത്. ഞായറാഴ്ച്ച പുലര്‍ച്ചെ ഇവര്‍ താമസിച്ചിരുന്നതിന് സമീപമുള്ള പാറക്കെട്ടിലേക്ക് യുവാവും സുഹൃത്തും നടന്ന് പോയതായാണ് പോലീസ് നല്‍കുന്ന വിവരം. ട്രെക്കിങ് നടത്തുന്നതിനിടെ യുവാവ് കാൽ വഴുതി താഴ്ചയിലേക്ക് വീഴുകയായിരുന്നു.

    സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു. പൊലീസ് സ്ഥലത്തെത്തി ഇൻക്വസ്റ്റ് തയ്യാറാക്കിയ ശേഷം മൃതദേഹം പോസ്റ്റുമോർട്ടത്തിനായി ഇടുക്കി മെഡിക്കൽ കോളേജ് ആശുപത്രിയിലേക്ക് മാറ്റി. മോർച്ചറിയിൽ സൂക്ഷിച്ചിട്ടുള്ള മൃതദേഹം പോസ്റ്റുമോർട്ടത്തിനുശേഷം നാളെ ബന്ധുക്കൾക്ക് വിട്ടുനൽകും.

    ഭാര്യ കാമുകനൊപ്പം നാടുവിട്ടു; ഭർത്താവ് ആത്മഹത്യ ചെയ്ത നിലയിൽ

    കാസർകോട്: ഭാര്യ കാമുകനൊപ്പം നാടുവിട്ടതിന് പിന്നാലെ ഭർത്താവിനെ ജീവനൊടുക്കിയ നിലയിൽ കണ്ടെത്തി. കാഞ്ഞങ്ങാട് പെ​രി​യ മു​ത്ത​ന​ടു​ക്കം അ​ര​ങ്ങ​ന​ടു​ക്ക​ത്തെ പെ​യി​ന്‍റി​ങ്​ തൊ​ഴി​ലാ​ളി വി​നോ​ദ് (33) ആ​ണ് മരിച്ചത്. ശനിയാഴ്ച വൈകിട്ട് വീട്ടുവളപ്പിലാണ് വിനോദിന്‍റെ മൃതദേഹം കണ്ടെത്തിയത്.

    ഭാ​ര്യ ന​ളി​നി​യെ വ്യാ​ഴാ​ഴ്ച രാ​ത്രി​ കാ​ണാ​താ​യിരുന്നു. ഈ സംഭവത്തിൽ ശ​നി​യാ​ഴ്ച രാ​വി​ലെ ബേ​ക്ക​ല്‍ പൊ​ലീ​സി​ല്‍ വിനോദ് പ​രാ​തി ന​ല്‍കി. സമൂഹമാധ്യമത്തിലൂടെ പ​രി​ച​യ​പ്പെ​ട്ട പ​യ്യ​ന്നൂ​ര്‍ സ്വ​ദേ​ശി​യാ​യ യു​വാ​വി​നൊ​പ്പം ന​ളി​നി ഒ​ളി​ച്ചോ​ടി​യ​താ​യി പൊ​ലീ​സ് അന്വേഷണത്തിൽ വ്യക്തമായി. ബേ​ക്ക​ല്‍ പൊ​ലീ​സ് യു​വ​തി​യെ ഫോ​ണി​ല്‍ ബ​ന്ധ​പ്പെ​ട്ട് സ്റ്റേ​ഷ​നി​ല്‍ ഹാ​ജ​രാ​കാ​ന്‍ ആ​വ​ശ്യ​പ്പെ​ട്ടിരുന്നു. ഉ​ച്ച​വ​രെ പൊ​ലീ​സ് സ്റ്റേ​ഷ​നി​ല്‍ കാ​ത്തി​രു​ന്ന വി​നോ​ദി​നെ ഫോണിൽ വിളിച്ച നളിനികാ​മു​ക​നോ​ടൊ​പ്പം ക​ഴി​യാ​നാണ് താല്പര്യമെന്ന് അ​റിയി​ച്ചു. ഇതേത്തുടർന്ന് സ്റ്റേഷനിൽനിന്ന് മടങ്ങിയെത്തിയ വിനോദ് ആത്മഹത്യ ചെയ്യുകയായിരുന്നു.

    Also Read- 'എന്‍റെ തലയിൽ വൃഷ്ണം മുളച്ചതാണോയെന്ന് അവർ ചോദിച്ചു'; ഓസീസ് താരങ്ങളുടെ സ്ലെഡ്ജിങ്ങിനെക്കുറിച്ച് ഹർഭജൻ സിങ്

    സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു. പൊലീസ് സ്ഥലത്തെത്തി ഇൻക്വസ്റ്റ് തയ്യാറാക്കിയ ശേഷം മൃതദേഹം പോസ്റ്റുമോർട്ടത്തിനായി കാസർകോട് ജില്ലാ ആശുപത്രിയിലേക്ക് മാറ്റി. മോർച്ചറിയിൽ സൂക്ഷിച്ചിട്ടുള്ള മൃതദേഹം പോസ്റ്റുമോർട്ടത്തിനുശേഷം നാളെ ബന്ധുക്കൾക്ക് വിട്ടുനൽകും.

    ഇരുപതുകാരി വീടിനുള്ളിൽ തൂങ്ങിമരിച്ച നിലയിൽ; ആത്മഹത്യ പരീക്ഷയ്ക്ക് ഫീസടയ്ക്കാൻ കഴിയാത്തതിൽ മനംനൊന്തെന്ന് ബന്ധുക്കൾ

    പാലക്കാട്: ഇരുപതുകാരിയെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തി. പാലക്കാട് റെയിൽവേ കോളനിയ്ക്ക് സമീപം ഉമ്മിനിയിലാണ് യുവതിയെ വീടിനുള്ളിൽ തൂങ്ങി മരിച്ച നിലയിൽ കണ്ടെത്തിയത്. സുബ്രഹ്മണ്യൻ - ദേവകി ദമ്പതികളുടെ മകൾ ബീന (20) യെയാണ് മരിച്ച നിലയിൽ കണ്ടെത്തിയത്.

    പാലക്കാട് എംഇഎസ് കോളെജിലെ മൂന്നാം വര്‍ഷ ബികോം വിദ്യാര്‍ഥിനിയാണ് ബീന. ഫീസടയ്ക്കാന്‍ കഴിയാത്തതില്‍ മനംനൊന്താണ് ബീന ആത്മഹത്യ ചെയ്തതെന്ന് സഹോദരന്‍ ബിജു പറഞ്ഞു. കഴിഞ്ഞ ദിവസം ബീനയുടെ അമ്മ ഫീസടയ്ക്കാന്‍ കോളെജിലെത്തിയിരുന്നു. എന്നാല്‍ കോളേജ് അധികൃതര്‍ ഫീസ് വാങ്ങാൻ തയ്യാറായില്ലെന്നാണ് ബിജു പറയുന്നത്. ഫീസ് അടയ്ക്കേണ്ട സമയം കഴിഞ്ഞുപോയതിനാൽ സര്‍വകലാശാലയെ സമീപിക്കണമെന്ന് കോളേജില്‍ നിന്ന് ആവശ്യപ്പെടുകയായിരുന്നു. പരീക്ഷ എഴുതാനാവില്ലെന്ന മനോവിഷമത്തിലാണ് സഹോദരി തൂങ്ങിമരിച്ചതെന്നും ബിജു പറഞ്ഞു.

    സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു. പൊലീസ് സ്ഥലത്തെത്തി ഇൻക്വസ്റ്റ് തയ്യാറാക്കിയ ശേഷം മൃതദേഹം പോസ്റ്റുമോർട്ടത്തിനായി പാലക്കാട് ജില്ലാ ആശുപത്രിയിലേക്ക് മാറ്റി. മോർച്ചറിയിൽ സൂക്ഷിച്ചിട്ടുള്ള മൃതദേഹം പോസ്റ്റുമോർട്ടത്തിനുശേഷം നാളെ ബന്ധുക്കൾക്ക് വിട്ടുനൽകും.
    Published by:Anuraj GR
    First published: