HOME » NEWS » Kerala » MANANTHAVADY BJP CANDIDATE MANIKANDAN BACK OFF FROM ELECTION

'എന്നെ കേൾക്കണം'; മാനന്തവാടി ബിജെപി സ്ഥാനാര്‍ഥി മണിക്കുട്ടൻ പിന്‍മാറി

ബി.ജെ.പി ദേശീയ നേതൃത്വമാണ് മണികണ്ഠന്‍ എന്ന മണിക്കുട്ടനെ ഇന്നലെ സ്ഥാനാർഥിയായി പ്രഖ്യാപിച്ചത്.

News18 Malayalam | news18-malayalam
Updated: March 15, 2021, 8:37 AM IST
'എന്നെ കേൾക്കണം'; മാനന്തവാടി ബിജെപി സ്ഥാനാര്‍ഥി മണിക്കുട്ടൻ പിന്‍മാറി
മണിക്കുട്ടൻ
  • Share this:
കൽപറ്റ: നിയമസഭാ തെരഞ്ഞെടുപ്പിൽ മാനന്തവാടിയിലെ സ്ഥാനാർഥിയായി ബി.ജെ.പി പ്രഖ്യാപിച്ച മണിക്കുട്ടൻ സ്ഥാനാർഥിത്വത്തിൽ നിന്നും പിൻമാറി. ബി.ജെ.പി ദേശീയ നേതൃത്വമാണ് മണികണ്ഠന്‍ എന്ന മണിക്കുട്ടനെ  ഇന്നലെ സ്ഥാനാർഥിയായി പ്രഖ്യാപിച്ചത്. സ്നേഹപൂർവം അവസരം നിരസിക്കുകയാണെന്ന് മണിക്കുട്ടൻ ഫേസ്ബുക്കിൽ പങ്കുവച്ച കുറിപ്പിൽ വ്യക്തമാക്കി.  പണിയ വിഭാഗത്തിന് കിട്ടിയ അംഗീകാരമായി കാണുന്നെങ്കിലും രാഷ്ടീയ താത്പര്യങ്ങളില്ലാത്തയാളാണ് താനെന്ന് മണിക്കുട്ടൻ പറഞ്ഞു. തെരഞ്ഞെടുപ്പിലേക്ക് കടക്കാൻ താത്പര്യമില്ലാത്തതിനാലാണ് പിന്മാറുന്നതെന്നും മണിക്കുട്ടൻ കൂട്ടിച്ചേർത്തു.

“തെരഞ്ഞെടുപ്പ് മേഖലയിലേക്ക് പോകാൻ താൽപര്യപ്പെടുന്നില്ല. അതിനാൽ ഈ സ്ഥാനാർഥിത്വം സന്തോഷപൂർവം നിരസിക്കുന്നു. ഞാൻ കാരണം മനോവിഷമം ഉണ്ടാക്കിയെങ്കിൽ ജില്ലാ, സംസ്ഥാന, കേന്ദ്ര നേതൃത്വത്തോട് ക്ഷമ ചോദിക്കുന്നു,” മണിക്കുട്ടൻ വിഡിയോ സന്ദേശത്തിൽ പറഞ്ഞു.

Also Read കോന്നിയിലും മഞ്ചേശ്വരത്തും കെ സുരേന്ദ്രൻ; കുമ്മനം നേമത്ത്; ബി.ജെ.പി സ്ഥാനാർഥികളെ പ്രഖ്യാപിച്ചു

“ഈ കാണുന്ന വിളക്കു കാലിൽ തലകീഴായി എന്നെ കെട്ടിത്തൂക്കിയാലും ഞാനെന്റെ ജനതയെ ഒറ്റുകൊടുക്കില്ല,” -  എന്ന ഡോ.ബി.ആർ അംബേദ്കറിന്റെ വാചകങ്ങളുംഅദ്ദേഹം ഫേസ്ബുക്കിൽ പങ്കുവച്ചിട്ടുണ്ട്.


പണിയവിഭാഗത്തില്‍നിന്നുള്ള ആദ്യ എം.ബി.എ.ക്കാരനാണ് 31-കാരനായ മണികണ്ഠന്‍. മാനന്തവാടി എടവക സ്വദേശിയാണ്. ചൂണ്ടനും ചീരയുമാണ് മാതാപിതാക്കള്‍. ഭാര്യ: ഗ്രീഷ്മ. പാണ്ടിക്കടവ് പഴശ്ശി സ്‌കൂളിലും മാനന്തവാടി ജി.യു.പി. സ്‌കൂളിലുമായി പ്രാഥമികവിദ്യാഭ്യാസം പൂര്‍ത്തിയാക്കി. പൂക്കോട് കേരള വെറ്ററിനറി ആന്റ് ആനിമല്‍സ് സയന്‍സ് യൂണിവേഴ്സിറ്റിയില്‍ വൈല്‍ഡ് ലൈഫ് ഡിപ്പാര്‍ട്ട്മെന്റിൽ ഗോത്രമിഷന്റെ ടീച്ചിങ്ങ് അസിസ്റ്റന്റാണ്.
Published by: Aneesh Anirudhan
First published: March 15, 2021, 8:37 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories