മാനന്തവാടി ഉപജില്ലാ വിദ്യാഭ്യാസ ഓഫിസ് സീനിയർ സൂപ്രണ്ട് പുഴയിൽ മരിച്ച നിലയിൽ

കോഴിക്കോട്: മാനന്തവാടി വിദ്യാഭ്യാസ ഉപജില്ല കാര്യാലയത്തിലെ സീനിയർ സൂപ്രണ്ടും കേരള ഗസറ്റഡ് ഓഫീസേഴ്സ് യൂണിയൻ നേതാവുമായ ബാലകൃഷ്ണനെ മരിച്ച നിലയിൽ കണ്ടെത്തി. വെള്ളിയാഴ്ച രാവിലെ ഒമ്പതു മണിയോടെ ചാലിയം നിർദ്ദേശിനും തീരദേശ പൊലീസ് സ്റ്റേഷനുമിടയിലായി അഴിമുഖത്തോട് ചേർന്നുള്ള പുഴയോരത്താണ് മൃതദേഹം കണ്ടെത്തിയത്.

ചെറുവണ്ണൂർ കുണ്ടായിത്തോട് സെന്റ് ഫ്രാൻസിസ് ഇംഗ്ലീഷ് മീഡിയം സ്കൂളിന് സമീപം നെടിയപറമ്പത്ത് ബാലകൃഷ്ണനെ(55)യാണ് മരിച്ച നിലയിൽ കണ്ടെത്തിയത്. വ്യാഴാഴ്ച രാത്രി പത്തരയോടെ വീട്ടിൽ നിന്നിറങ്ങിയ ഇദ്ദേഹത്തെ കാണാതാകുകയായിരുന്നു. ഇതിനെ തുടർന്ന് പൊലീസ് രാത്രി മുതൽ തന്നെ തിരച്ചിൽ ആരംഭിച്ചിരുന്നു.

You may also like:ഒറ്റവാക്കിൽ 2020നെപ്പറ്റി പറയണമെന്ന് ട്വിറ്റർ; 'ഡിലീറ്റ്' എന്ന് വിൻഡോസ്, 'അൺസബ്സ്ക്രൈബ്' എന്ന് യുട്യൂബ് - രസകരമായ മറുപടികൾ‍ [NEWS]മരിച്ചയാൾക്ക് സ്വന്തം ശവസംസ്കാര ചടങ്ങിൽ പങ്കെടുക്കാൻ അനുമതിയില്ല; പെട്ടിയിൽ കിടന്ന് വരാൻ നിർദ്ദേശം [NEWS] കല്യാണം കഴിക്കണോ? ആദ്യം മതം ഏതാണെന്ന് വ്യക്തമാക്കണം; പിന്നെ വരുമാനവും എത്രയുണ്ടെന്ന് അറിയിക്കണം [NEWS]

രാത്രിയിൽ തന്നെ ബാലകൃഷ്ണന്റെ ബൈക്കും ചെരിപ്പും ഫറോക്ക് പാലത്തിന് സമീപം കണ്ടെത്തിയിരുന്നു. ഇതിനെ തുടർന്ന് പുഴയിൽ ചാടിയതാകാമെന്ന സംശയവും ശക്തമായി. എൻ ജി ഒ അസോസിയേഷൻ മുൻ സംസ്ഥാന നേതാവ് ആയിരുന്നു അദ്ദേഹം.



കേരള ഗസറ്റഡ് ഓഫീസേഴ്സ് യൂണിയൻ (കെ ജി ഒ യു) മാനന്തവാടി താലൂക്ക് പ്രസിഡന്റാണ്. നേരത്തെ എൻ ജി ഒ അസോസിയേഷൻ കോഴിക്കോട് ജില്ല പ്രസിഡന്റും സംസ്ഥാന സമിതി അംഗവും ആയിരുന്നു.