• HOME
  • »
  • NEWS
  • »
  • kerala
  • »
  • Onasadya | തിരുവനന്തപുരം മേയർ ഇടപെട്ടു; ഓണസദ്യ മാലിന്യത്തിൽ വലിച്ചെറിഞ്ഞ ജീവനക്കാർക്ക് എതിരെ കർശന നടപടി

Onasadya | തിരുവനന്തപുരം മേയർ ഇടപെട്ടു; ഓണസദ്യ മാലിന്യത്തിൽ വലിച്ചെറിഞ്ഞ ജീവനക്കാർക്ക് എതിരെ കർശന നടപടി

ഓണസദ്യ വലിച്ചെറിഞ്ഞ 11 പേർക്കെതിരെയാണ് നടപടി

ഓണസദ്യ (പ്രതീകാത്മക ചിത്രം)

ഓണസദ്യ (പ്രതീകാത്മക ചിത്രം)

  • Last Updated :
  • Share this:
    തിരുവനന്തപുരം കോർപറേഷനിൽ (Thiruvananthapuram corporation) ഭക്ഷണം മാലിന്യത്തിൽ വലിച്ചെറിഞ്ഞ ജീവനക്കാർക്കെതിരെ മേയറുടെ (Mayor) കർശന നടപടി. ചാല സർക്കിളിൽ ഓണാഘോഷവുമായി ബന്ധപ്പെട്ട് ജീവനക്കാർക്ക് തയ്യാറാക്കിയ ഓണസദ്യ (onasadya) വലിച്ചെറിഞ്ഞ 11 പേർക്കെതിരെയാണ് നടപടി. സ്ഥിരം ജീവനക്കാരായ ഏഴു പേരെ സസ്പെൻഡ് ചെയ്യാൻ മേയർ നിർദ്ദേശം നൽകി. ബാക്കി നാലുപേർ താൽക്കാലിക ജീവനക്കാരാണ്, അവരെ ജോലിയിൽ നിന്ന് പിരിച്ചുവിടാൻ തീരുമാനിക്കുകയും ചെയ്തു.

    ഒരു വിഭാഗം ജീവനക്കാർ സമരം എന്ന പേരിൽ സദ്യ മാലിന്യത്തിലേക്ക് വലിച്ചെറിയുകയായിരുന്നു. ആഹാരത്തിനോട് കാണിച്ച അങ്ങേയറ്റം നിന്ദ്യമായ പ്രവർത്തിയെ ശക്തമായി അപലപിക്കുകയും തള്ളിപ്പറയുകയും ചെയ്യുന്നുവെന്ന് മേയർ പറഞ്ഞു.സമരങ്ങളും പ്രക്ഷോഭങ്ങളും എല്ലാം ജനാധിപത്യ സംവിധാനത്തിൽ അനുവദനീയമാണ്, എന്നാൽ ഭക്ഷണം മാലിന്യത്തിൽ വലിച്ചെറിഞ്ഞുകൊണ്ടുള്ള ഏത് സമരവും, പ്രതിഷേധവും പൊതുസമൂഹത്തോടും ഒരു നേരത്തെ ഭക്ഷണമില്ലാതെ, ഒരു തുള്ളി കുടിവെള്ളം പോലും ഇല്ലാതെ കഷ്ടപ്പെടുന്ന ലോകത്താകെയുളള സാധാരണ ജനങ്ങൾക്ക് നേരെ നടത്തുന്ന വെല്ലുവിളിയായി മാത്രമേ കാണാൻ സാധിക്കൂ.

    Also read: Arya Rajendran wedding | രക്തഹാരം, അനാർഭാടം; സച്ചിൻ ദേവ് - ആര്യാ രാജേന്ദ്രൻ വിവാഹചിത്രങ്ങൾ

    ഓണാഘോഷത്തിന്റെ ഭാഗമായി തയ്യാറാക്കിയ ഓണസദ്യ വലിച്ചെറിയുന്ന നിമിഷത്തിൽ ആ ജീവനക്കാർ ഒരു നേരത്തെ ആഹാരത്തിനും ഒരുതുള്ളി വെള്ളത്തിനും വേണ്ടി കേഴുന്ന പാവപ്പെട്ട സാധാരണക്കാരായ മനുഷ്യരുടെയും നിഷ്കളങ്കരായ കുഞ്ഞുങ്ങളുടെയും മുഖം ഒന്ന് ഓർത്തിരുന്നുവെങ്കിൽ ക്രൂരവും നിന്ദ്യവുമായ ഈ പ്രവർത്തി ചെയ്യാൻ നിശ്ചയമായും അറയ്ക്കുമായിരുന്നു. യാതൊരുവിധ മനുഷ്യത്വവും ഇല്ലാതെ പെരുമാറിയ ജീവനക്കാരെ ഒരു കാരണവശാലും നഗരസഭയുടെ ഭാഗമായി തുടരാൻ അനുവദിക്കാൻ സാധിക്കില്ല എന്നും മേയർ അറിയിച്ചു.

    Summary: Mayor's strict action against employees who threw food in garbage in Thiruvananthapuram corporation. Action has been taken against 11 people who threw away the onasadya prepared for the employees in connection with the Onam celebration in Chalai circle. The Mayor passed order for suspension of seven permanent employees. The remaining four are temporary employees and it has been decided to dismiss them
    Published by:user_57
    First published: