നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • kerala
    • »
    • 'നടക്കുന്നത് വ്യക്തിഹത്യ, വിശ്വാസം ജനങ്ങളിലാണ്; നുണക്കഥകൾ നിർമ്മിക്കുന്ന മാധ്യമങ്ങളിലല്ല' - എം.ബി രാജേഷ്

    'നടക്കുന്നത് വ്യക്തിഹത്യ, വിശ്വാസം ജനങ്ങളിലാണ്; നുണക്കഥകൾ നിർമ്മിക്കുന്ന മാധ്യമങ്ങളിലല്ല' - എം.ബി രാജേഷ്

    പാലക്കാട് മുഖ്യവരണാധികാരിയായ ജില്ലാകളക്ടർക്കും സംസ്ഥാന മുഖ്യതെരഞ്ഞെടുപ്പ് ഓഫീസറായ ടിക്കാറാം മീണക്കുമാണ് പരാതി നൽകിയത്.

    എം.ബി രാജേഷ്

    എം.ബി രാജേഷ്

    • News18
    • Last Updated :
    • Share this:
      പാലക്കാട്: കഴിഞ്ഞ രണ്ടു ദിവസമായി തനിക്കെതിരെ നടന്നു കൊണ്ടിരിക്കുന്നത് സമാനതകളില്ലാത്ത വ്യക്തിഹത്യയാണെന്ന് പാലക്കാട് മണ്ഡലം എൽ.ഡി.എഫ് സ്ഥാനാർഥി എം.ബി രാജേഷ്. ചില പത്ര-ഓൺലൈൻ മാധ്യമങ്ങൾ വിവാദം ഉണ്ടാക്കുന്നതിനും തേജോവധം ചെയ്യുന്നതിനും ബോധപൂർവ്വം ശ്രമിക്കുന്നുണ്ട്. ഈ സാഹചര്യത്തിൽ വ്യക്തിഹത്യ നടത്തുന്ന ഫേസ് ബുക്ക് പേജുകളുടെയും വാട്‌സാപ്പ് ഗ്രൂപ്പുകളുടെയും അഡ്മിൻമാർക്കെതിരെയും പ്രചരിപ്പിക്കുന്ന വ്യക്തികൾക്കെതിരെയും അന്വേഷണം നടത്തി നടപടി സ്വീകരിക്കണമെന്ന് ആവശ്യപ്പെട്ട് പരാതി നൽകിയതായും എം.ബി രാജേഷ് അറിയിച്ചു.

      പാലക്കാട് മുഖ്യവരണാധികാരിയായ ജില്ലാകളക്ടർക്കും സംസ്ഥാന മുഖ്യതെരഞ്ഞെടുപ്പ് ഓഫീസറായ ടിക്കാറാം മീണക്കുമാണ് പരാതി നൽകിയത്. വിശ്വാസം ജനങ്ങളിലാണെന്നും നുണക്കഥകൾ നിർമ്മിക്കുന്ന മാധ്യമങ്ങളിലല്ലെന്നും എം.ബി രാജേഷ് പറഞ്ഞു. ഫേസ്ബുക്ക് പോസ്റ്റിലാണ് എം.ബി രാജേഷ് ഇക്കാര്യങ്ങൾ വ്യക്തമാക്കിയത്.

      പണിയായുധവുമായി പോയ കർഷകനെ കൊലയാളിയാക്കുന്നു; വ്യാജ പ്രചരണങ്ങൾക്ക് എതിരെ LDF സ്ഥാനാർഥി പരാതി നല്‍കി

      എം.ബി രാജേഷിന്‍റെ ഫേസ്ബുക്ക് പോസ്റ്റ്,

      സമാനതകളില്ലാത്ത വ്യക്തിഹത്യയാണ് കഴിഞ്ഞ രണ്ടുദിവസമായി എനിക്കെതിരെ ചില കേന്ദ്രങ്ങൾ നടത്തിക്കൊണ്ടിരിക്കുന്നത്. അടിസ്ഥാനരഹിതമായ കാര്യങ്ങൾ ഉയർത്തി വിവാദങ്ങൾ ഉണ്ടാക്കുന്നതിനും തേജോവധം ചെയ്യുന്നതിനും ചില പത്ര-ഓൺലൈൻ മാധ്യമങ്ങൾ ബോധപൂർവ്വം ശ്രമിക്കുന്നുണ്ട്. അപകീർത്തിപ്പെടുത്തുക എന്ന ലക്ഷ്യത്തോടെ കൃത്രിമമായി മോർഫ് ചെയ്ത് തയ്യാറാക്കിയ ചിത്രങ്ങൾ ഉൾപ്പെടെ നവമാധ്യമങ്ങളിലൂടെ പ്രചരിപ്പിക്കുന്നതും വ്യക്തിപരമായ അധിക്ഷേപങ്ങൾ നടത്തുന്നതും ശ്രദ്ധയിൽപെട്ടിട്ടുണ്ട്. ഇത്തരത്തിൽ വ്യക്തിഹത്യ നടത്തുന്ന ഫേസ് ബുക്ക് പേജുകളുടെയും വാട്‌സാപ്പ് ഗ്രൂപ്പുകളുടെയും അഡ്മിൻമാർക്കെതിരെയും പ്രചരിപ്പിക്കുന്ന വ്യക്തികൾക്കെതിരെയും അന്വേഷണം നടത്തി തെരഞ്ഞെടുപ്പ് പെരുമാറ്റ ചട്ടമനുസരിച്ചുള്ള നടപടി സ്വീകരിക്കണമെന്ന് ആവശ്യപ്പെട്ട് പാലക്കാട് മുഖ്യവരണാധികാരിയായ ജില്ലാകളക്ടർക്കും സംസ്ഥാന മുഖ്യതെരഞ്ഞെടുപ്പ് ഓഫീസറായ ടിക്കാറാം മീണക്കും പരാതി നൽകിയിട്ടുണ്ട്. ഐ.ടി.ആക്ട് പ്രകാരം ഇലക്ട്രോണിക് രേഖകളിൽ കൃത്രിമം കാണിച്ച് പ്രചരിപ്പിക്കുന്നത് കുറ്റകരമായതിനാൽ കുറ്റക്കാർക്കെതിരെ ഇന്ത്യൻ ശിക്ഷാ നിയമം അനുസരിച്ചുള്ള നടപടികൾ സ്വീകരിക്കണമെന്നാവശ്യപ്പെട്ട് പാലക്കാട് ജില്ലാ പോലീസ് സൂപ്രണ്ടിനും പരാതി നൽകിയിട്ടുണ്ട്. ഇവർക്കെതിരായ നടപടി ഉറപ്പാക്കാൻ ഏതറ്റം വരെയും പോകും.

      വസ്തുതാ വിരുദ്ധവും വളച്ചൊടിച്ചതുമായ വാർത്തകൾ തുടർച്ചയായി പ്രസിദ്ധീകരിച്ച് രാഷ്ട്രീയ ലക്ഷ്യത്തോടെ അപകീർത്തിപ്പെടുത്തുന്ന മാതൃഭൂമി പത്രത്തിന്റെ നടപടിക്കെതിരെയും സംസ്ഥാന മുഖ്യ തെരഞ്ഞെടുപ്പ് ഓഫീസർക്ക് പരാതി നൽകിയിട്ടുണ്ട്. അതിനാവശ്യമായ തെളിവുകൾ സഹിതമാണ് പരാതി നൽകിയിട്ടുള്ളത്. എം.പി. ആവുന്നതിനു മുൻപും അതിനു ശേഷവും നടത്തിയ ദീർഘമായ പൊതുപ്രവർത്തനങ്ങളിലൊന്നും ഒരാരോപണവും എതിരാളികൾക്ക് പോലും ഉന്നയിക്കാനായിട്ടില്ല. ഇപ്പോൾ അടിസ്ഥാന രഹിതമായ നുണക്കഥകളിലൂടെ വ്യക്തിഹത്യ നടത്താനാണ് ശ്രമം. മാതൃഭൂമി കഴിഞ്ഞ(2014) തെരഞ്ഞെടുപ്പിലും ഒരു മാസം തുടർച്ചയായി എനിക്കെതിരെ എഴുതിയതാണ്. അതിനു ജനം കൊടുത്ത മറുപടിയിൽ നിന്ന് അവർ ഒരു പാഠവും പഠിച്ചിട്ടില്ലെന്ന് വ്യക്തമായി. അന്ന് നിർ്ത്തിയേടത്തു നിന്ന് ഇന്ന് പകയോടെ വീണ്ടും തുടങ്ങിയിരിക്കുകയാണ്. എതിരാളികൾ ദുർബലരാണൈന്നു തോന്നുന്നത് കൊണ്ടാവാം മാതൃഭുമി അടക്കമുള്ള ചില മാധ്യമങ്ങൾ എന്റെ എതിരാളികളായി സ്വയം രംഗത്ത് വന്നിട്ടുള്ളത്. 2014 ലെ മറുപടി ഈ തെരഞ്ഞെടുപ്പിലും ജനം ആവർത്തിക്കും. വിശ്വാസം ജനങ്ങളിലാണ്, നുണക്കഥകൾ നിർമ്മിക്കുന്നമാധ്യമങ്ങളിലല്ല

      First published:
      )}