HOME » NEWS » Kerala » MINISTER J CHINCHURANI SAYS MILK PROCUREMENT CRISIS WILL BE RESOLVED AA TV

പാൽ സംഭരണ പ്രതിസന്ധിക്ക് പരിഹാരം ഉടൻ: മന്ത്രി ജെ ചിഞ്ചുറാണി

സംസ്ഥാനത്തെ മൂന്നു മേഖലകളിൽ പ്രവർത്തിക്കുന്ന ക്ഷീര സഹകരണ യൂണിയനുകളുടെ നേതൃത്വത്തിൽ പാൽ സംഭരണം ഊർജിതമായി നടത്താൻ മന്ത്രി നിർദ്ദേശം നൽകി.

News18 Malayalam | news18-malayalam
Updated: May 21, 2021, 8:03 PM IST
പാൽ സംഭരണ പ്രതിസന്ധിക്ക് പരിഹാരം ഉടൻ: മന്ത്രി ജെ ചിഞ്ചുറാണി
ചിഞ്ചുറാണി
  • Share this:
തിരുവനന്തപുരം: കോവിഡും ലോക്ക്ഡൗണും നിലനിൽക്കുന്ന സാഹചര്യത്തിൽ സംസ്ഥാനത്ത്  പാൽ സംഭരണത്തിലുണ്ടായ പ്രതിസന്ധി പരിഹരിക്കാന്‍ അടിയന്തരയോഗം വിളിച്ചു ചേർത്ത് മൃഗസംരക്ഷണവകുപ്പ് മന്ത്രി ജെ ചിഞ്ചുറാണി. സംസ്ഥാനത്തെ മൂന്നു മേഖലകളിൽ പ്രവർത്തിക്കുന്ന ക്ഷീര സഹകരണ യൂണിയനുകളുടെ നേതൃത്വത്തിൽ പാൽ സംഭരണം ഊർജിതമായി നടത്താൻ മന്ത്രി നിർദ്ദേശം നൽകി. അധികമായി സംഭരിക്കുന്ന പാൽ അംഗനവാടികൾ, ഡൊമിസിലിയറി കെയർ സെന്റർ, കോവിഡ് ഫസ്റ്റ‌്‌ലെയിൻ ട്രീറ്റ് മെന്റ് സെന്റർ, അതിഥി തൊഴിലാളി ക്യാമ്പുകൾ, ആദിവാസി കോളനികൾ തുടങ്ങിയ സ്ഥലങ്ങളിൽ വിതരണം ചെയ്യുന്നതിനുള്ള പദ്ധതിയും തയ്യാറാക്കി.

Also Read തെരഞ്ഞെടുപ്പിൽ സ്വീകരിക്കുന്ന ഏകപക്ഷീയ നിലപാട്; സുകുമാരൻ നായരുടെ കോലം കത്തിച്ചു

കൂടുതൽ പാൽ സംഭരിച്ച് ലഭ്യമായ സ്ഥലങ്ങളിലെ പാൽപ്പൊടി ഫാക്ടറികളിൽ എത്തിച്ച് പാൽപ്പൊടിയാക്കി മാറ്റി നിലവിലെ പ്രതിസന്ധി തരണംചെയ്യാനുള്ള പദ്ധതിയും തയ്യാറാക്കി. ഇതേ രീതിയിൽ സംഭരണത്തിലെ പ്രതിസന്ധിക്ക് പരിഹാരം കാണുന്നതിന് ബന്ധപ്പെട്ടവർക്ക് മന്ത്രി നിര്‍ദ്ദേശം നൽകി.
നിലവിൽ 80 ശതമാനം സംഭരണം വരെ സാധ്യമാകുന്നുണ്ട്. ഒരാഴ്ച മുൻപ് 60 ശതമാനം മാത്രമായിരുന്നു. തിങ്കളാഴ്ചയോടെ സംഭരണം 100 ശതമാനം എത്തിക്കുമെന്നും അതോടുകൂടി നിലവിലെ പ്രതിസന്ധിക്ക് അടിയന്തര പരിഹാരമാകുമെന്നും മന്ത്രി അറിയിച്ചു. ഇത്തരം സാഹചര്യങ്ങൾ മേലിൽ ഉണ്ടാകാതിരിക്കാൻ ദീർഘകാല പദ്ധതികൾ ആവശ്യമാണെന്നും അതിനുള്ള നടപടികൾക്ക് തുടക്കമിടുമെന്നും മന്ത്രി കൂട്ടിച്ചേർത്തു.

Also Read ഐ, എ ഗ്രൂപ്പുകള്‍ ഒന്നായില്ലെങ്കില്‍ കോണ്‍ഗ്രസ് 'അയ്യോ' ആകും; ധര്‍മ്മജന്‍ ബോള്‍ഗാട്ടി

കോവിഡ് 19 മൂലം പല സംസ്ഥാനങ്ങളിലും ലോക് ഡൗൺ പ്രഖ്യാപിച്ചതിനെ തുടർന്ന് പാലിന്റെ ഉപഭോഗത്തിൽ ഗണ്യമായ ഇടിവുണ്ടായി. മലബാർ മേഖലയിൽ മാത്രം പ്രതിദിനം നാല് ലക്ഷത്തിലധികം ലിറ്റർ പാൽ അധികമായി സംഭരിക്കേണ്ടിവന്നു. സാധാരണയായി ഇത്തരത്തിൽ സംഭരിക്കുന്നപാൽ മിച്ചംവന്നാൽ അയൽ സംസ്ഥാനങ്ങളായ തിമിഴ്നാട്, കർണ്ണാടക തുടങ്ങിയ സ്ഥലങ്ങളിലുള്ള പാൽപ്പൊടി ഫാക്ടറികൾ എത്തിച്ച് പൊടിയാക്കി മാറ്റുകയാണ് പതിവ്. എന്നാൽ, കോവിഡ് പ്രതിസന്ധി മറ്റു സ്ഥാനങ്ങളിലും പാൽ അധികമായി ശേഖരിക്കേണ്ട അവസ്ഥ സംജാതമാക്കി. ഇതാണ് സംസ്ഥാനത്തെ പാൽ സംഭരണം പ്രതിസന്ധിയിലെത്തിച്ചതെന്നും യോഗം വിലയിരുത്തി.
മൃഗസംരക്ഷണ വകുപ്പ് സെക്രട്ടറി ടിങ്കു ബിസ്വാൾ ഐഎഎസ്, മിൽമ മാനേജിംങ് ഡയറക്ടർ സൂരജ് പാട്ടീൽ ക്ഷീരവികസന വകുപ്പ് ഡയറക്ടർ മറ്റ് ഉന്നത ഉദ്യോഗസ്ഥർ തുടങ്ങിയവർ സംബന്ധിച്ചു.
Published by: Aneesh Anirudhan
First published: May 21, 2021, 8:00 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories