മന്ത്രി എം വി ഗോവിന്ദന്റെ അമ്മ എം വി മാധവിഅമ്മ അന്തരിച്ചു

കണ്ണൂർ: തദ്ദേശ- എക്സൈസ് വകുപ്പ് മന്ത്രിയും സിപിഎം കേന്ദ്ര കമ്മിറ്റി അംഗവുമായ എം വി ഗോവിന്ദന്റെ മാതാവ് മോറാഴ എം വി മാധവിഅമ്മ അന്തരിച്ചു. 93 വയസായിരുന്നു. സംസ്കാരം രാവിലെ 11.30ന് കൂളിച്ചാൽ പൊതുശ്മശാനത്തിൽ.

ഭർത്താവ് പരേതനായ കെ. കുഞ്ഞമ്പു. മറ്റു മക്കൾ: കമല, ശോഭ, കോമളം ( സിപിഎം ഏഴാംമൈല്‍ ബ്രാഞ്ച്), അനിത (ബ്രാഞ്ച്, മാനേജർ മോറാഴ കല്യാശ്ശേരി ബാങ്ക്), പരേതനായ ശ്രീധരൻ. മരുമക്കൾ: പി.കെ. ശ്യാമള (സിപിഎം കണ്ണൂർ ജില്ലാ കമ്മിറ്റി അംഗം, ജനാധിപത്യ മഹിളാ അസോസിയേഷൻ കണ്ണൂർ ജില്ലാ ജനറൽ സെക്രട്ടറി), ഉണ്ണികൃഷ്ണൻ, ഡോ.രഘുനാഥൻ, നാരായണൻ, പരേതനായ ഒ. ഗോവിന്ദൻ. സഹോദരങ്ങൾ: എം.വി രാഘവൻ നായർ, പരേതയായ നാരായണി.

എം വി ഗോവിന്ദന്റെ അമ്മ എം വി മാധവിയമ്മയുടെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചിച്ചു.