നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • kerala
    • »
    • MG Sreekumar| സംഗീത നാടക അക്കാദമി ചെയർമാനായി എം ജി ശ്രീകുമാറിന്റെ നിയമനം; തീരുമാനമായിട്ടില്ലെന്ന് മന്ത്രി സജി ചെറിയാൻ

    MG Sreekumar| സംഗീത നാടക അക്കാദമി ചെയർമാനായി എം ജി ശ്രീകുമാറിന്റെ നിയമനം; തീരുമാനമായിട്ടില്ലെന്ന് മന്ത്രി സജി ചെറിയാൻ

    കേരള സംഗീത നാടക അക്കാദമി ചെയർമാനായി എം ജി ശ്രീകുമാറിനെ നിയമിക്കാനുള്ള സി പി എം തീരുമാനത്തിനെതിരെ ഇടതുപക്ഷത്തെ പ്രമുഖരിൽ നിന്നടക്കം വ്യാപക വിമർശനം ഉയർന്നിരുന്നു.

    എം ജി ശ്രീകുമാർ

    എം ജി ശ്രീകുമാർ

    • Share this:
      തിരുവനന്തപുരം: കേരള സംഗീത നാടക അക്കാദമി (Kerala Sangeetha Nataka Academy) ചെയർമാനായി ഗായകൻ എം ജി ശ്രീകുമാറിനെ (MG Sreekumar) നിയമിക്കുന്ന കാര്യത്തിൽ തീരുമാനം ആയിട്ടില്ല എന്ന്​ മന്ത്രി സജി ചെറിയാൻ (Minister Saji Cheriyan). എം ജി ശ്രീകുമാറിനെ ചെയർമാൻ സ്ഥാനത്തേക്ക്​ പരിഗണിക്കുന്നതിനെതിരെ ഇടതുകേന്ദ്രങ്ങളിൽ നിന്നുതന്നെ ശക്തമായ പ്രതിഷേധങ്ങൾ ഉയർന്നിരുന്നു. ഈ പശ്ചാത്തലത്തിൽ തീരുമാനത്തിൽനിന്ന്​ പിൻവലിയുമെന്നതിന്റെ സൂചനയാണ് മന്ത്രിയുടെ പ്രസ്താവന.

      എം ജി ശ്രീകുമാറിന്റെ നിയമനകാര്യത്തിൽ ഇനിയും തീരുമാനം കൈക്കൊണ്ടിട്ടില്ല എന്നാണ്​ മന്ത്രി ചൊവ്വാഴ്ച മാധ്യമങ്ങളോട്​ പ്രതികരിച്ചത്​. കേരള സംഗീത നാടക അക്കാദമി ചെയർമാനായി എം ജി ശ്രീകുമാറിനെ നിയമിക്കാനുള്ള സി പി എം തീരുമാനത്തിനെതിരെ ഇടതുപക്ഷത്തെ പ്രമുഖരിൽ നിന്നടക്കം വ്യാപക വിമർശനം ഉയർന്നിരുന്നു. സോഷ്യൽ മീഡിയയിൽ അടക്കം തീരുമാനത്തിനെതിരെ പ്രതിഷേധം പ്രകടിപ്പിക്കുകയും ചെയ്തു.

      Also Read- Attack on Auto Driver | അതിഥി തൊഴിലാളി ഓട്ടോ ഡ്രൈവറുടെ മൂക്ക് ഇടിച്ചുതകര്‍ത്തു

      2016ലെ നിയമസഭാ തെരഞ്ഞെടുപ്പിൽ കഴക്കൂട്ടം മണ്ഡലത്തിൽ അടക്കം എം ജി ശ്രീകുമാർ ബി ജെ പിക്ക്​ വേണ്ടി തെരഞ്ഞെടുപ്പ്​ പ്രചാരണത്തിനിറങ്ങിയിരുന്നെന്നും ബി ജെ പി സംസ്ഥാനം ഭരിക്കണം എന്ന തലത്തിൽ പ്രസംഗിച്ചു എന്നും തെളിവുകൾ നിരത്തിയാണ്​ ഇടതുപക്ഷ അനുയായികൾ തന്നെ നിയമനത്തിനെതിരെ രംഗത്തുവന്നത്​. ഒരേസമയം ഹിന്ദുത്വ ഫാസിസത്തിന്​ വേണ്ടി ആഹ്വാനം ചെയ്യാനും അതേസമയം, ഇടതുപക്ഷ സഹയാത്രികൻ ആകാനും കഴിയുന്ന പ്രത്യേക പ്രിവിലേജുകൾ ചിലർക്കുണ്ടെന്നാണ്​ ഇക്കാര്യം കാട്ടി ഇടതുപക്ഷാഭിമുഖ്യം പ്രകടിപ്പിക്കുന്നവർ തന്നെ സോഷ്യൽ മീഡിയയിൽ പ്രതിഷേധമുയർ‌ത്തിയത്. ചുവപ്പ് നരച്ചാൽ കാവിയാകുമെന്ന ക്യാപ്ഷനോടെ എം ജി ശ്രീകുമാർ ബിജെപി തെരഞ്ഞെടുപ്പ് പ്രചാരണ പരിപാടിയിൽ പങ്കെടുക്കുന്ന ചിത്രങ്ങൾ സഹിതം പങ്കുവെച്ചാണ് പലരും വിമർശനമുന്നയിച്ചത്.

      Also Read- 'രാഷ്ട്രപതിയുടെ വാഹനവ്യൂഹത്തിലേക്ക് കാറും കൊണ്ട് അതിക്രമിച്ചു കേറാണ്; അതിന് വിവരമില്ല'; മേയര്‍ ആര്യക്കെതിരെ കെ മുരളീധരന്‍

      തീരുമാനം പുനഃപരിശോധിക്കണമെന്നും തെറ്റ്​ തിരുത്തണം എന്നും ആവശ്യപ്പെട്ട്​ നിരവധി പേരാണ്​ രംഗത്തെത്തിയത്​. നടി കെപിഎസി ലളിതയാണ്​ നിലവിൽ സംഗീത നാടക അക്കാദമി ചെയർമാൻ. ചലച്ചിത്ര അക്കാദമി ചെയർമാനായി സംവിധായകൻ രഞ്ജിത്തിനെ നിയമിക്കാനും സിപിഎം തീരുമാനിച്ചുവെന്നാണ് റിപ്പോർട്ടുകൾ. സംവിധായകൻ കമലിന്റെ കാലാവധി അവസാനിക്കുന്നതോടെ രഞ്ജിത്ത് സ്ഥാനമേൽക്കും.
      Published by:Rajesh V
      First published: