മഞ്ജു വാര്യര്‍ കണ്ണാടി മാറ്റണം; വനിതാ മതിലിന് രാഷ്ട്രീയമില്ലെന്ന് മന്ത്രി ജി. സുധാകരന്‍

ആലപ്പുഴ: രാഷ്ട്രീയ പരിപാടി ആയതിനാല്‍ വനിതാ മതിലില്‍ നിന്നും പിന്‍മാറുമെന്നു പ്രഖ്യാപിച്ച നടി മഞ്ജു വാര്യര്‍ക്കെതിരെ മന്ത്രി ജി.സുധാകരന്‍.

വനിതാ മതിലിനെ നോക്കിക്കണ്ട സാമൂഹിക ബോധത്തിന്റെ കണ്ണാടി നടി മഞ്ജു വാര്യര്‍ മാറ്റണം. വനിതാ മതിലിന് രാഷ്ട്രീയമില്ലെന്നും സുധാകരന്‍ പറഞ്ഞു.

മഞ്ജു വാര്യരുടെ കണ്ണാടിയുടെ കുഴപ്പമാണ്. അഭിനേത്രി എന്ന നിലയില്‍ ബഹുമാനക്കുറവില്ല. സാമൂഹിക വിപ്ലവങ്ങള്‍ക്കു നേതൃത്വം നല്‍കിയ മന്നത്തു പത്മനാഭന്‍ സ്ഥാപിച്ച പ്രസ്ഥാനമാണ് ഇപ്പോള്‍ നവോത്ഥാന പ്രവര്‍ത്തനത്തെ എതിര്‍ക്കുന്നതെന്നും സുധാകരന്‍പറഞ്ഞു.

Also Read വനിതാ മതില്‍: മഞ്ജുവാര്യര്‍ക്കെതിരെ എം എം മണിയും മേഴ്‌സിക്കുട്ടിയമ്മയും

Also Read 'മതിലിനോടൊപ്പമല്ല, മഞ്ജുവിനോടൊപ്പമാണ്' 

നേരത്തെ വനിതാ മതിലിന് ആദ്യം പിന്തുണ നല്‍കിയ മഞ്ജു പിന്നീട് അതില്‍ നിന്നും പിന്‍മാറി. കലയാണ് തന്റെ രാഷ്ട്രീയമെന്നും പാര്‍ട്ടികളുടെ പേരില്‍ രാഷ്ട്രീയനിറമുള്ള പരിപാടികളില്‍നിന്ന് അകന്നുനില്‍ക്കാനാണ് ആഗ്രഹിക്കുന്നതെന്നും മഞ്ജു വ്യക്തമാക്കി. ഇതിനെതിരെ മന്ത്രി എംഎം മണിയും രംഗത്തെത്തിയിരുന്നു.