HOME » NEWS » Kerala »

കോവിഡിനെ തുടർന്ന് മിസ് കേരളയും ഡിജിറ്റലാവുന്നു; ഇത്തവണ മത്സരം ഓൺലൈൻ പ്ലാറ്റ്ഫോമിലൂടെ

മത്സരം ഡിജിറ്റൽ ആകുന്നതോടെ ലോകമെമ്പാടുമുള്ള മത്സരാത്ഥികൾക്കു പങ്കെടുക്കാനുള്ള വേദി കൂടിയായി 2020 എഡിഷൻ മാറും

News18 Malayalam
Updated: October 3, 2020, 7:51 PM IST
കോവിഡിനെ തുടർന്ന് മിസ് കേരളയും ഡിജിറ്റലാവുന്നു; ഇത്തവണ മത്സരം ഓൺലൈൻ പ്ലാറ്റ്ഫോമിലൂടെ
Miss Kerala competition
  • Share this:
മിസ് കേരള മത്സരത്തിന്റെ 2020 എഡിഷൻ ഡിജിറ്റൽ പ്ലാറ്റ്ഫോമിൽ. 1999ൽ ഇംപ്രസാരിയോ ആരംഭിച്ച മിസ് കേരള മത്സരം ലോകമെമ്പാടുമുള്ള മലയാളി യുവതികൾക്ക് തങ്ങളുടെ കഴിവും ചിന്തയും അവതരിപ്പിക്കാനുള്ള വേദി കൂടിയാണ്. മിസ് കേരള മത്സരത്തിൽ പങ്കെടുത്ത നിരവധി യുവതികൾ പിന്നീട് ചലച്ചിത്ര രംഗത്തും ഫാഷൻ ഡിസൈനിംഗിലും മോഡലിംഗിലും മാത്രമല്ല ഏവിയേഷൻ മുതൽ എഴുത്തു മേഖലകളിൽ വരെ ശ്രദ്ധേയരായിട്ടുണ്ട്. രഞ്ജിനി ഹരിദാസ് , റിമ കല്ലിങ്ങൽ, ദീപ്തി സതി, ഗായത്രി സുരേഷ് തുടങ്ങി നിരവധി പേരുകൾ എടുത്തു പറയാനുണ്ട്.



കോവിഡ് വ്യാപകമായതോടെയാണ് മത്സരത്തിന് ഡിജിറ്റൽ സാങ്കേതിക സൗകര്യങ്ങൾ ഉപയോഗപ്പെടുത്താൻ മിസ് കേരള സംഘാടകരായ ഇംപ്രസാരിയോയെ പ്രേരിപ്പിച്ചത്. മത്സരം ഡിജിറ്റൽ ആകുന്നതോടെ ലോകമെമ്പാടുമുള്ള മത്സരാത്ഥികൾക്കു പങ്കെടുക്കാനുള്ള വേദി കൂടിയായി 2020 എഡിഷൻ മാറും.



ഡിജിറ്റൽ സൗകര്യങ്ങൾ മുൻകൂട്ടി മനസ്സിലാക്കിയിരുന്ന ഇംപ്രസാരിയോ മത്സര ചരിത്രത്തിൽ ആദ്യമായി 2019 ൽ ഓഡിഷൻ ഡിജിറ്റലായാണ് സംഘടിപ്പിച്ചത്. ടിക് ടോകിൽ അൻപത് ദശലക്ഷം മുദ്രകളും ഇൻസ്റ്റാഗ്രാമിൽ അഞ്ച് ദശലക്ഷം വ്യൂകളും ഓഡിഷൻ നേടിയിരുന്നു.



Also Read: ഷെയ്ൻ നിഗം കിരീടം ചൂടിച്ച നിമിഷം മനസിൽ ഉണ്ടായിരുന്നത്; മിസ് കേരള 2019 അൻസി കബീർ പറയുന്നു

മിസ് കേരള 2019 ന്റെ ഭാഗമായി സാമൂഹ്യ മാധ്യമങ്ങളായ ഫേസ്ബുക്, ഇൻസ്റ്റാഗ്രാം, യൂട്യൂബ്, ടിക്‌ടോക് തുടങ്ങിയവ ഉപയോഗപ്പെടുത്തി മികവ് തെളിയിക്കുകയും സമൂഹത്തിൽ ശ്രദ്ധേയരാവുകയും ചെയ്ത യുവപ്രതിഭകളെ ആദരിക്കുകയും ചെയ്തു .



2019 പതിപ്പിന്റെ ആദ്യഘട്ടത്തിൽ ഡിജിറ്റൽ ഓഡിഷനിലൂടെ 100 പേരെ അന്തിമപട്ടികയിലേക്ക് തെരഞ്ഞെടുക്കുകയും അവസാനഘട്ട ഒഡിഷനായി തയ്യാറാക്കുകയും ചെയ്തു. ഈ വർഷം വ്യത്യസ്ത റൗണ്ടുകൾക്കും ബ്രാൻഡ് അവതരണങ്ങൾക്കുമായി കൂടുതൽ വീഡിയോ ഉള്ളടക്കങ്ങളും ഉണ്ടാകും.



ഒക്ടോബർ മാസത്തിൽ ഓഡിഷൻ ആരംഭിക്കാനാണ് ഉദ്ദേശിക്കുന്നത്. നിരവധി ഡിജിറ്റൽ റൗണ്ടുകളിലൂടെയാണ് മത്സരാർത്ഥികൾ ഗ്രാന്റ് ഫിനാലെയിലേക്കെത്തുക.



മലയാളി ആയിട്ടുള്ള 18നും 25നും ഇടയിൽ പ്രായവും 5 അടിയിൽ കുറയാത്ത ഉയരവുമുള്ള മലയാളി പെൺകുട്ടികളുടെ രക്ഷിതാക്കളിൽ ആരെങ്കിലും വേണം എൻട്രി അയയ്‌ക്കേണ്ടത്. www.misskerala.org എന്ന വെബ്സൈറ്റ് സന്ദർശിച്ചു ഓൺലൈൻ ആയി രജിസ്‌ട്രേഷൻ നടത്താവുന്നതാണ്. ഒക്ടോബർ 15 ആണ് അവസാന തീയതി. കൂടുതൽ വിവരങ്ങൾക്ക് 8289827951 എന്ന നമ്പറിൽ ബന്ധപ്പെടാവുന്നതാണ്.
Published by: user_49
First published: October 3, 2020, 7:16 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories