മിസോറാം ഗവർണറായി ചുമതലയേറ്റ ശേഷം കാണാൻ വന്നിരുന്നു; രൈരു നായരെ അനുസ്മരിച്ച് ശ്രീധരൻ പിള്ള

കോഴിക്കോട്: സ്വാതന്ത്ര്യസമര സേനാനിയും  സാമൂഹ്യ പ്രവർത്തകനും പൊതുരംഗത്തെ നിറസാന്നിധ്യവുമായിരുന്ന ചാത്തോത്ത് രൈരു നായരുടെ നിര്യാണത്തോടെ ഒരു കാലഘട്ടത്തിന്റെ പ്രതീകമായിരുന്ന ചരിത്ര പുരുഷനെയാണ് കേരളത്തിന് നഷ്ടമായതെന്ന് മിസോറാം ഗവർണ്ണർ അഡ്വ. പി എസ് ശ്രീധരൻപിള്ള.

രാഷ്ട്രീയമായി താനുൾക്കൊണ്ട ആശയവുമായി, അദ്ദേഹം അടുത്ത് പ്രവർത്തിച്ചിട്ടില്ല എങ്കിലും തന്നെ ജീവനു തുല്യം സ്നേഹിക്കുകയും തന്റെ പൊതു പ്രവർത്തനത്തിന്റെ ഓരോ ചലനങ്ങളും സശ്രദ്ധം വീക്ഷിച്ച് തന്നെ താലോലിക്കുകയും പ്രോത്സാഹനം നൽകുകയും ചെയ്തിരുന്നെന്നും ശ്രീധരൻ പിള്ള പറഞ്ഞു.

You may also like:75,000 പേർക്ക് ഇരിക്കാം; ലോകത്തിലെ ഏറ്റവും വലിയ മൂന്നാമത്തെ ക്രിക്കറ്റ് സ്റ്റേഡിയം ജയ്പൂരിൽ‍ [NEWS]ആത്മ നി൪ഭർ ഭാരത് വെബിനാർ ഞായറാഴ്ച [NEWS] കൊല്ലത്ത് എട്ടാം ക്ലാസ് വിദ്യാർത്ഥിനിയുടെ മരണം; അടുത്ത ബന്ധുക്കളായ മൂന്ന് പേർ അറസ്റ്റിൽ [NEWS]

മിസോറാം ഗവർണ്ണറായി താൻ ചുമതലയേറ്റശേഷം കോഴിക്കോട് പൗരാവലി തനിക്ക് ടാഗോർ ഹാളിൽ പൊതു സ്വീകരണം നൽകുന്നതറിഞ്ഞ് കണ്ണൂരിൽ നിന്ന് 98മത്തെ വയസ്സിൽ കോഴിക്കോട് എത്തി ആ പരിപാടിയുടെ മുൻനിരയിൽ സന്നിഹിതനായത് ഇന്നുമോർക്കുന്നെന്നും അദ്ദേഹം പറഞ്ഞു.

മരണത്തിന് രണ്ടു ദിവസം മുൻപും തന്നെപ്പറ്റി സംസാരിച്ചിരുന്നു എന്ന അദ്ദേഹത്തിന്റ മകളുടെ വാക്കുകൾ വികാരാധീനനാക്കുന്നു. അദ്ദേഹത്തിന്റെ നിര്യാണത്തിൽ അഗാധമായ ദുഃഖം രേഖപ്പെടുത്തുകയും, അനുശോചനം അറിയിക്കുകയും ചെയ്യുന്നതായും ശ്രീധരൻപിള്ള പറഞ്ഞു.