തിരക്കൊഴിഞ്ഞ് സന്നിധാനം; തീർത്ഥാടകരിൽ അധികവും അന്യസംസ്ഥാനക്കാർ

ശബരിമല: വൃശ്ചികമാസത്തിലെ ആദ്യ ഞായറാഴ്ചയായിട്ടും പതിവുള്ള തിരക്ക് സന്നിധാനത്ത് ഇത്തവണ ഉണ്ടായില്ല. നിയന്ത്രണങ്ങളും നീണ്ട ക്യൂവുമില്ലാതെ ദർശനം നടത്തി മടങ്ങുകയാണ് തീർത്ഥാടകർ. സന്നിധാനത്തും പ്രതിഷേധം ഉണ്ടാകാനുള്ള സാഹചര്യം കണക്കിലെടുത്തു കർശന സുരക്ഷാ സംവിധാനമാണ് പൊലീസ് ഒരുക്കിയിരിക്കുന്നത്.

പതിവിനു വിപരീതമായി ഇത്തവണ ശബരിമലയിലേക്ക് എത്തുന്ന മലയാളി തീർത്ഥാടകർ വളരെ കുറവാണ്. അന്യസംസ്ഥാനത്തു നിന്ന് എത്തുന്ന ഭക്തരാണ് ശബരിമലയിൽ ഇത്തവണ അധികവും. ശബരിമലയിലെ സംഘർഷങ്ങൾ ഇവിടേക്കെത്തുന്ന തീർത്ഥാടകരുടെ എണ്ണത്തിൽ കാര്യമായ കുറവുണ്ടാക്കിയെന്നു വേണം കരുതാൻ.

സംസ്ഥാനത്ത് ഇന്ന് ബിജെപി പ്രതിഷേധദിനം; ദേശീയപാത ഉപരോധിക്കും

സുരേന്ദ്രനെ സന്നിധാനത്തേക്ക് വിട്ടാൽ ക്രമസമാധാന പ്രശ്നങ്ങൾ ഉണ്ടാക്കുമെന്ന് റിമാൻഡ് റിപ്പോർട്ട്

കനത്ത സുരക്ഷാ വലയത്തിലാണ് സന്നിധാനവും പമ്പയും നിലയ്ക്കലും എല്ലാം. മാധ്യമപ്രവർത്തകരെ പോലും കർശനമായ പരിശോധനകൾക്ക് ശേഷം മാത്രമാണ് കടത്തിവിടുന്നത്.