'നോൺ വെജ് വിഭവങ്ങളും വിളമ്പുമെന്ന് വിദ്യാഭ്യാസ മന്ത്രി പ്രഖ്യാപിച്ചത് ശരിയായില്ല'; കെ. പി. എ മജീദ്

മലപ്പുറം: കലോത്സവ ഊട്ടുപുരയിൽ അടുത്ത വർഷം നോൺ വെജ് വിളമ്പാൻ ഉള്ള നീക്കത്തെ അപലപിച്ച് എംഎൽഎയും മുസ്ലിം ലീഗ് ഉന്നതാധികാര സമിതി അംഗവുമായ കെ. പി. എ. മജീദ്. ഫേസ്ബുക്കിലൂടെ ആണ് മജീദ് സർക്കാരിനെയും വിദ്യാഭ്യാസ മന്ത്രിയേയും വിമർശിച്ച് രംഗത്ത് എത്തിയത്.

ഭക്ഷണത്തില്‍ വിഭാഗീയത ഉണ്ടാക്കിയതിന്റെ മുഴുവന്‍ ഉത്തരവാദിത്വവും വിദ്യാഭ്യാസ മന്ത്രിക്കും സര്‍ക്കാരിനുമാണെന്നും അദ്ദേഹം പറഞ്ഞു. ഊട്ടുപുരയെ രണ്ടായി തിരിക്കേണ്ട ഒരു സാഹചര്യവും ഇപ്പോള്‍ ഇല്ലെന്നും ഇത് അപ്രായോഗികവുമാണെന്നും അദ്ദേഹം പറഞ്ഞു.

Also Read-ആർച്ച യുമായി മുക്കം നഗരസഭ; ലക്ഷ്യം പെൺകുട്ടികളെ സ്വയം പ്രതിരോധത്തിന് പ്രാപ്തരാക്കൽ

ഫേസ്ബുക്ക് പോസ്റ്റിന്റെ പൂർണരൂപം 

കേരള സ്‌കൂൾ കലോത്സവത്തിലെ ഭക്ഷണവുമായി ബന്ധപ്പെട്ട് ഉയർന്നുവന്ന വിവാദം നിർഭാഗ്യകരമാണ്. ഭക്ഷണത്തിൽ വിഭാഗീയത ഉണ്ടാക്കിയതിന്റെ മുഴുവൻ ഉത്തരവാദിത്തവും വിദ്യാഭ്യാസ മന്ത്രിക്കും സർക്കാരിനുമാണ്. വർഷങ്ങളായി സ്‌കൂൾ കലോത്സവത്തോടനുബന്ധിച്ച് സജീവമായ ഊട്ടുപുര പ്രവർത്തിച്ചുവരുന്നുണ്ട്. ഇക്കാലം വരെ അതേച്ചൊല്ലി ഒരു വിവാദം ഉണ്ടായിട്ടില്ല. എന്നാൽ പുതിയ വിവാദം ആസൂത്രിതമാണ്. കലോത്സവത്തിൽ സസ്യേതര വിഭവങ്ങളും വേണമെന്ന ആവശ്യം ആദ്യം ഉയർന്നത് ഇടത് കേന്ദ്രങ്ങളിൽനിന്നാണ്. ഒരു കാര്യവുമില്ലാതെ വിദ്യാഭ്യാസ മന്ത്രി ഇത് ഏറ്റുപിടിക്കുകയായിരുന്നു.