Navratri 2020| വിദ്യാരംഭം: മൂകാംബിക ക്ഷേത്രത്തിൽ കുട്ടികൾക്കൊപ്പം പ്രവേശനം അമ്മമാർക്ക് മാത്രം 

കാസർഗോഡ്: കൊല്ലൂര്‍ മൂകാംബിക ക്ഷേത്രത്തില്‍ ഇത്തവണ കോവിഡ് നിയന്ത്രണങ്ങളോടെ നവരാത്രി ആഘോഷം. വിദ്യാരംഭ ചടങ്ങുകള്‍ക്ക്  കുട്ടികള്‍ക്കൊപ്പം അമ്മമാര്‍ക്ക്  മാത്രമാണ് പ്രവേശനം അനുവദിക്കുക.

Also Read- Navratri 2020| നവരാത്രി ആഘോഷം; വ്രതാനുഷ്ഠാനങ്ങളും പൂജയും

നവരാത്രി ആഘോഷത്തിന്റെ ഭാഗമായി കൊല്ലൂര്‍ മൂകാംബിക ക്ഷേത്രത്തില്‍ കോവിഡ് മാനദണ്ഡങ്ങള്‍ പാലിച്ചാണ് ചടങ്ങുകള്‍ നടക്കുന്നത്. കോവിഡ് ഭീതി നിലനില്‍ക്കുന്നതിനാല്‍ ഭക്തരെ കൊല്ലൂര്‍ ക്ഷേത്രത്തിലേക്ക് വരാന്‍ നിര്‍ബന്ധിക്കില്ലെന്നു ക്ഷേത്രം ഭാരവാഹികള്‍ അറിയിച്ചു. ഇന്ന് രാത്രി 10 30നാണ് ക്ഷേത്രത്തിലെ പ്രധാന ഉത്സവമായ രഥോത്സവം. എന്നാല്‍ രഥം വലി കാണാന്‍ ഭക്തരെ അനുവദിക്കില്ല.

Also Read- Navratri 2020| 'വിദ്യാരംഭം കോവിഡ് മാർഗനിർദേശങ്ങൾ പാലിച്ചു മാത്രം'; ജാഗ്രത കൈവെടിയരുതെന്ന് ആരോഗ്യമന്ത്രി

വൈകുന്നേരം അഞ്ച് മണിയോടെ എല്ലാ ഭക്തരെയും പുറത്താക്കി ക്ഷേത്രകവാടം അടയ്ക്കും. തുടര്‍ന്നാണ് ചുറ്റമ്പലത്തില്‍ രഥാരോഹണ ചടങ്ങുകള്‍ നടക്കുക. 25ന് വിദ്യാരംഭത്തിന് എത്തുന്നവര്‍ക്കും നിയന്ത്രണം ഏര്‍പ്പെടുത്തിയിട്ടുണ്ട്.

Also Read- Navratri 2020| നവരാത്രിയുടെ ഐതീഹ്യം അറിയാം; പൂജയും വ്രതാനുഷ്ഠാനങ്ങളും ഇങ്ങനെ



Also Read- ഈ വിജയ ദശമിദിവസം കുഞ്ഞുങ്ങൾക്ക് ആദ്യക്ഷരം കുറിക്കേണ്ടതങ്ങിനെ? ഹരി പത്തനാപുരം പറയുന്നു

വിദ്യാരംഭം കുറിക്കുന്ന കുട്ടിക്കൊപ്പം അമ്മയ്ക്ക് മാത്രമേ ക്ഷേത്രത്തിലെ സരസ്വതി മണ്ഡപത്തിലേക്ക് പ്രവേശനം അനുവദിക്കൂ. പൂര്‍ണമായും കോവിഡ് മാനദണ്ഡങ്ങള്‍ പാലിച്ചാണ് എഴുത്തിനിരുത്തല്‍ ചടങ്ങുകള്‍ നടക്കുക.