NIPAH ALERT LIVE: സംസ്ഥാനത്ത് 311 പേർ നിരീക്ഷണത്തിൽ; നിപ സ്ഥിരീകരിച്ച രോഗിയുടെ നില തൃപ്തികരം

ഒരാളെ കൂടി ഐസൊലേഷൻ വാർഡിലേക്ക് മാറ്റി. ഇതോടെ ഐസൊലേഷൻ വാർഡിൽ ഉള്ളവരുടെ എണ്ണം അഞ്ചായി...

കേന്ദ്ര ആരോഗ്യമന്ത്രാലയത്തിൽനിന്നുള്ള ഏഴംഗ വിദഗ്ദ സംഘം കൊച്ചിയിലെത്തി.

രോഗ ലക്ഷണങ്ങളുള്ള നാല് പേരെ ഐസൊലേഷൻ വാർഡിലേക്ക് മാറ്റി. മൂന്ന് പേർ ആശുപത്രിയിൽ രോഗിയെ പരിചരിച്ച സംഘത്തിലുള്ളവരാണ്. എല്ലാവരുടെയും ആരോഗ്യനില തൃപ്തികരമാണെന്ന് ആരോഗ്യവകുപ്പ് അറിയിച്ചു. 

നിപ രോഗം സ്ഥിരീകരിച്ച പശ്ചാതലത്തിൽ സംസ്ഥാനത്ത് 311 പേർ നിരീക്ഷണത്തിൽ

എല്ലാ ജില്ലകളിലും മുൻകരുതൽ

സംസ്ഥാനത്ത് വീണ്ടും നിപ സ്ഥിരികരിച്ചതോടെ 14 ജില്ലകളിലും ജാഗ്രതാ നിർദേശം. പനിയോ മറ്റ് അസ്വസ്ഥകളോ തോന്നിയാൽ ഉടൻ ചികിത്സ തേടണമെന്ന് ആരോഗ്യമന്ത്രി അഭ്യർത്ഥിച്ചു. സ്വകാര്യ ആശുപത്രികൾക്കും ജാഗ്രതാ  മുന്നറിയിപ്പ് നൽകി.

നിപ: കോൺഗ്രസ് എംപിമാർ കേന്ദ്ര ആരോഗ്യമന്ത്രിയെ കാണും

സംസ്ഥാനത്ത് വീണ്ടും നിപ  റിപ്പോർട്ട് ചെയ്ത സാഹചര്യത്തിൽ കോൺഗ്രസ്‌ എംപി മാർ കേന്ദ്ര ആരോഗ്യ മന്ത്രിയെ കാണും  .. വൈകിട്ട് ആറിനാണ് ഡോ:ഹർഷ വർദ്ധനുമായുള്ള കൂടിക്കാഴ്ച ..  ഏറണാകുളം എംപി ഹൈബി ഈഡൻ, ആലത്തൂർ എംപി രമ്യ ഹരിദാസ് എന്നിവരാണ് കേന്ദ്ര ആരോഗ്യ മന്ത്രിയെ കാണുക.. 

നിപ റിപ്പോർട്ട് ചെയ്ത സാഹചര്യത്തിൽ തൃശൂരിൽ മൃഗസംരക്ഷണ വകുപ്പ് പരിശോധന തുടങ്ങി . നിപയുള്ള യുവാവ് പങ്കെടുത്ത ക്യാമ്പിനും താമസിച്ച  വീടിനും അഞ്ച് കിലോമീറ്റർ ചുറ്റളവിലാണ് പരിശോധന.

നിപ ബാധിച്ച യുവാവിന്റെ ആരോഗ്യനില തൃപ്തികരമെന്ന് ആശുപത്രി അധികൃതർ വ്യക്തമാക്കി...