• HOME
  • »
  • NEWS
  • »
  • kerala
  • »
  • ചോർന്നൊലിക്കാത്ത വീടില്ലാത്തവർക്ക് എന്ത് ഓൺലൈൻ പഠനം; കേലാട്ട് കുന്നിലെ കുട്ടികളെ അവഗണിക്കരുതെന്ന് ആവശ്യം

ചോർന്നൊലിക്കാത്ത വീടില്ലാത്തവർക്ക് എന്ത് ഓൺലൈൻ പഠനം; കേലാട്ട് കുന്നിലെ കുട്ടികളെ അവഗണിക്കരുതെന്ന് ആവശ്യം

ചോർന്നൊലിക്കുന്ന കൂരകളിൽ കഴിയുന്ന കുട്ടികൾക്ക് ഓൺലൈൻ പഠന സാധ്യതയൊക്കെ എത്രത്തോളം സാധ്യമാകുമെന്ന് ഇവരുടെ ജീവിത വഴികളിലൂടെ സഞ്ചരിച്ചാൽ ഏതൊരാൾക്കും മനസ്സിലാകും

colony online class

colony online class

  • Last Updated :
  • Share this:
കോഴിക്കോട്: സംസ്ഥാനത്ത് ഓൺലൈൻ പഠനം തുടങ്ങിയെങ്കിലും പല സ്ഥലങ്ങളിലും അത് ലഭ്യമാകുന്നില്ല. അതിനൊപ്പം മഴക്കാലം കൂടിയായതോടെ പട്ടികജാതി കോളനികളിൽ ദുസഹമായ അവസ്ഥയാണുള്ളത്. മഴ തുടങ്ങിയതോടെ ചോർന്നൊലിക്കാത്ത ഒരൊറ്റ വീടുകളില്ലാത്ത അവസ്ഥയാണ് കോഴിക്കോട് നഗര മധ്യത്തിലെ കേലാട്ട് കുന്ന് പട്ടികജാതി കോളനിയിൽ. ഓണ്‍ലൈന്‍ പഠന സംവിധാനങ്ങളെക്കുറിച്ചൊന്നും അറിവില്ലാത്തതിനാല്‍ കുട്ടികളുടെ ഭാവിയെ ബാധിക്കുമോയെന്ന ആശങ്കയും കോളനിവാസികള്‍ക്കുണ്ട്.

ചോർന്നൊലിക്കുന്ന കൂരകളിൽ കഴിയുന്ന കുട്ടികൾക്ക് ഓൺലൈൻ പഠന സാധ്യതയൊക്കെ എത്രത്തോളം സാധ്യമാകുമെന്ന് ഇവരുടെ ജീവിത വഴികളിലൂടെ സഞ്ചരിച്ചാൽ ഏതൊരാൾക്കും മനസ്സിലാകും.

ഏത് നിമിഷവും നിലംപൊത്താവുന്ന കൂരകളാണ് ഈ കോളനിയിലുള്ളത്. 26 വര്‍ഷമായി കേലാട്ട് കുന്ന് കോളനിക്കാര്‍ ദുരിതനടുവിലാണ്. 19 കുടുംബങ്ങളുണ്ട് കോളനിയിൽ. കെട്ടിമേഞ്ഞുണ്ടാക്കിയ കൂരകളില്‍. വെളിച്ചമെത്തിയിട്ടുതന്നെ മാസങ്ങളായുള്ളു. നാടൊട്ടുക്ക്  ടിവിയില്‍ നോക്കിയും ഓണ്‍ലൈന്‍ വഴിയുമൊക്കെ കുട്ടികള്‍ പഠിച്ചുകൊണ്ടിരിക്കുന്നു. ഇവിടെയാകട്ടെ ടി വിയുള്ള വീടുകളില്‍ വിക്ടേഴ്‌സ് ചാനലില്ലതാനും.
TRENDING:താഴത്തങ്ങാടി കൊലപാതകം: ദമ്പതികളുടെ ഫോണുകൾ എവിടെ? കൊലയാളി എത്തിയത് രണ്ടുപേരെയും വധിക്കണം എന്ന ലക്ഷ്യത്തോടെയോ? [NEWS]അധ്യാപികമാരെ അവഹേളിച്ചത് വിദ്യാർത്ഥികൾ; ഗ്രൂപ്പിന്റെ അഡ്മിൻ മലപ്പുറം സ്വദേശി [NEWS]കണ്ണില്ലാത്ത കൊടുംക്രൂരത; ഗർഭിണിയായ കാട്ടാനയ്ക്ക് കഴിക്കാൻ നൽകിയത് സ്ഫോടക വസ്തു നിറച്ച പൈനാപ്പിൾ [NEWS]
ഓണ്‍ലൈന്‍  വഴിയുള്ള പഠനത്തെക്കുറിച്ച് രക്ഷിതാകള്‍ക്കാവട്ടെ ശരിയായ ധാരണയുമില്ല. കുട്ടികളുടെ പഠന കാര്യത്തിൽ ആശങ്കയുണ്ടെന്ന് കോളനിവാസിയായ സുബിന പറയുന്നു. ലോക്ക് ഡൗണിൽ ജോലിയില്ലാതെ വീടുകളിൽത്തന്നെയാണ് പലരും. കടുത്ത പ്രതിസന്ധിയിലിരിക്കെ ഓൺലൈൻ പഠനത്തിനുള്ള മാനസികാവസ്ഥയിലല്ല കുട്ടികളെന്ന് കോളനി നിവാസിയായ ശശികല പറഞ്ഞു.
Published by:Anuraj GR
First published: