ഓ​ണ്‍​ലൈ​ന്‍ ടാ​ക്സി ഡ്രൈ​വ​ര്‍​മാ​ര്‍ അ​നി​ശ്ചി​ത​കാ​ല സ​മ​ര​ത്തി​ലേ​ക്ക്

കൊ​ച്ചി: ഓ​ണ്‍​ലൈ​ന്‍ ടാ​ക്സി ഡ്രൈ​വ​ര്‍​മാ​ര്‍ കൊ​ച്ചി​യി​ൽ അ​നി​ശ്ചി​ത​കാ​ല സ​മ​ര​ത്തി​ലേ​ക്ക്. വി​വി​ധ ആ​വ​ശ്യ​ങ്ങ​ള്‍ ഉ​ന്ന​യി​ച്ചാ​ണ് സ​മ​രം. ‌വ്യാ​ഴാ​ഴ്ച അ​ര്‍​ധ​രാ​ത്രി മു​ത​ല്‍ പ്ര​മു​ഖ ഓ​ണ്‍​ലൈ​ന്‍ ടാ​ക്സി സേ​വ​ന​ദാ​താ​ക്ക​ളാ​യ യൂബ​ര്‍, ഒാല എ​ന്നീ ക​മ്പ​നി​ക​ളു​മാ​യി സ​ഹ​ക​രി​ക്കി​ല്ലെന്ന് ഡ്രൈ​വ​ര്‍​മാ​ര്‍ വ്യക്തമാക്കി.

സ​ർ​ക്കാ​ർ നി​ശ്ച​യി​ച്ച മി​നി​മം വേ​ത​നം ഡ്രൈ​വ​ര്‍​മാ​ര്‍​ക്ക് ഉ​റ​പ്പാ​ക്കു​ക, ഓ​ൺ​ലൈ​ൻ ക​മ്പ​നി​ക​ൾ അ​മി​ത ക​മ്മീ​ഷ​ൻ ഈ​ടാ​ക്കു​ന്നു തു​ട​ങ്ങി​യ വി​ഷ​യ​ങ്ങ​ൾ ഉ​ന്ന​യി​ച്ചാ​ണ് ടാ​ക്സി തൊ​ഴി​ലാ​ളി​ക​ളു​ടെ സ​മ​രം. ഓണ്‍ലൈന്‍ ടാക്‌സി മേഖലയിലെ പ്രശ്‌നങ്ങള്‍ പരിഹരിക്കാനായി ചൊവ്വാഴ്ച നിയമസഭാ മന്ദിരത്തില്‍ ഗതാഗത വകുപ്പ് മന്ത്രിയുടെ ചേംബറില്‍ വിളിച്ചുചേര്‍ത്ത യോഗം പരാജയപ്പെട്ടിരുന്നു.

അയോധ്യാ വിധി പറഞ്ഞപ്പോൾ ഫൈസാബാദ് കോടതിയിൽ കുരങ്ങെത്തിയിരുന്നോ ?

സോഫ്റ്റ്‌വെയര്‍ കമ്പനികളെ സര്‍ക്കാരിന് നിയന്ത്രിക്കാന്‍ കഴിയില്ല എന്നും ഈ മേഖലയിലെ ഒരു നിയമനിര്‍മ്മാണം നടന്നുകൊണ്ടിരിക്കുകയാണെന്നും ഗതാഗതവകുപ്പിന്റെ വിശദീകരണം. ചർച്ച പരാജയപ്പെട്ടതോടെയാണ് ഡ്രൈവർമാർ സമരത്തിലേക്ക് നീങ്ങുന്നത്.

പ്രശ്‌നത്തില്‍ സര്‍ക്കാര്‍ ശാശ്വതമായ ഒരു പരിഹാരമാര്‍ഗം കണ്ടെത്തുന്നതുവരെ സമരം കൂടുതല്‍ ശക്തമാക്കുമെന്ന് ഓണ്‍ലൈന്‍ ടാക്‌സി സംയുക്ത സമര സമിതി പറഞ്ഞു. തങ്ങളുടെ ആവശ്യങ്ങള്‍ ഓണ്‍ലൈന്‍ ടാക്‌സി കമ്ബനികള്‍ അംഗീകരിക്കാത്ത പക്ഷം വരും ദിവസങ്ങളില്‍ യൂബര്‍, ഓല ടാക്‌സി രംഗം സ്തംഭിപ്പിച്ചു കൊണ്ട് സമരം ചെയ്യാനാണ് നീക്കം നടത്തുന്നത്.