ഒരു നാട് കൈ കോർത്തു; അടച്ചുറപ്പില്ലാത്ത വീട്ടിൽ ഇരട്ട സഹോദരങ്ങൾക്ക് പഠനമൊരുങ്ങി

എറണാകുളം: അടച്ചുറപ്പില്ലാത്ത താത്കാലിക വീട്ടിലിരുന്ന് ഓൺലൈൻ ക്ലാസുകൾ എങ്ങനെ കാണുമെന്ന ആശങ്കയിലായിരുന്നു ആലുവ കീഴ്മാട് അന്ധവിദ്യാലയത്തിൽ ഏഴാം ക്ലാസിൽ പഠിക്കുന്ന വരുൺദേവും വസുദേവും. ക്ലാസ് തുടങ്ങുമ്പോഴും എന്തു ചെയ്യുമെന്ന ആശങ്കയായിരുന്നു വീട്ടിൽ.

എടവനക്കാട് എ.ഇ.ഒ. ഓഫീസ് സ്റ്റോപ്പിൽ താമസിക്കുന്ന ചിരട്ടപ്പുരയ്ക്കൽ ശെൽവരാജിന്റെയും പരേതയായ രമാദേവിയുടെയും മൂന്നു മക്കളിൽ ഇളയവരാണ് ഈ ഇരട്ട സഹോദരങ്ങൾ.  എട്ട് മാസം മുൻപുണ്ടായ അമ്മയുടെ അപ്രതീക്ഷിതമായ വേർപാടിൽ മനംനൊന്തു കഴിയുകയാണ് ഈ മക്കളും കടുംബവും. സ്വന്തമായി ഭൂമിയുണ്ടെങ്കിലും സാങ്കേതിക പ്രശ്നങ്ങളാൽ അടച്ചുറപ്പുള്ള സുരക്ഷിതമായ ഒരു ഭവനം ഉണ്ടാക്കുവാൻ സാധിക്കാത്ത ആശങ്കയിലുമായിരുന്നു പിതാവ് ശെൽവരാജ്. അതിനിടയിലാണ് കോവിഡും ലോക്ക്ഡൗണും.

TRENDING:'വിക്ടേഴ്സ് ചാനല്‍ പ്രാവര്‍ത്തികമാക്കിയത് ഇടത് സർക്കാർ'; ഉമ്മൻ ചാണ്ടിയുടെ പ്രസ്താവനയ്ക്കെതിരെ വി.എസ് അച്യുതാനന്ദൻ[NEWS]'അന്ന് ഇടതുപക്ഷം വിക്ടേഴ്‌സ് ചാനലിനെ എതിർത്തു; ഇന്ന് സര്‍ക്കാരിന്റെ തുണ': ഉമ്മന്‍ ചാണ്ടി [NEWS] വിക്ടേഴ്സ് ചാനൽ നാട്ടാരറിഞ്ഞപ്പോൾ രാഷ്ട്രീയ തര്‍ക്കം മുറുകുന്നു; പിതൃത്വം ആർക്ക്? [NEWS]

കൂലിപ്പണിക്കാരനായ ശെൽവരാജിന്റെ മുമ്പിൽ തന്റെ  മക്കളുടെ ഓൺലൈൻ വിദ്യാഭ്യാസവും വലിയ വെല്ലുവിളികളാണ് ഉയർത്തിയിരുന്നത്. കീഴ്മാട് അന്ധവിദ്യാലയ അധികൃതർ  എടവനക്കാട് പഞ്ചായത്ത് ഭാരവാഹികളുമായി ബന്ധപ്പെട്ടതിനെ തുടർന്ന്  നാട്ടുകാരുമായി ചേർന്ന് ടി.വി. വാങ്ങാനാവശ്യമായ പണം കണ്ടെത്തി.

സംസ്ഥാന സ്പെഷൽ സ്കൂൾ യുവജനോത്സവങ്ങളിൽ ബാൻറ്, കവിതാപാരായണം, സംഘഗാനം എന്നിവയിലും പ്രവൃത്തി പരിചയമേളയിൽ കുട നിർമ്മാണത്തിലും, കയർ ചവിട്ടി നിർമ്മാണത്തിലും സംസ്ഥാനതല വിജയികളാണ് വരുൺദേവും വസുദേവും.