ഉത്സവം കഴിഞ്ഞ് രഞ്ജിത് പോയത് മരണത്തിലേക്ക്; നേപ്പാൾ ദുരന്തത്തിന്റെ നടുക്കം വിടാതെ കോരങ്ങണ്ടി ഗ്രാമം

കോഴിക്കോട്: രഞ്ജിത്തിന്റെയും  കുടുംബത്തിന്റെയും ദാരുണമരണം വിശ്വസിക്കാനാകാതെ ഞെട്ടലിലാണ് കോഴിക്കോട് കുന്ദമംഗലത്തെ കോരങ്ങണ്ടി ഗ്രാമം.കോരങ്ങണ്ടിയിലെ   വീട്ടിലെത്തി നാട്ടിലെ ഉത്സവം കണ്ടാണ്   രഞ്ജിത്തും ഭാര്യയും രണ്ടു മക്കളും വെള്ളിയാഴ്ച ഡൽഹിയിലേക്ക് പുറപ്പെട്ടത്.

Also Read-കാർബൺ മോണോക്സൈഡ്; നേപ്പാളിൽ മലയാളികളുടെ മരണത്തിന് കാരണമായ നിശ്ശബ്ദ കൊലയാളി

സഹപാഠികൾക്കൊപ്പം അവിടെ നിന്നായിരുന്നു നേപ്പാൾ യാത്ര. ആ യാത്ര മരണത്തിലേക്കായിരുന്നുവെന്നതിന്റെ നടുക്കം വിടാതെ പകച്ചിരിക്കുകയാണ് നാട്ടുകാരും ബന്ധുക്കളും.ടെക്നോപാർക്കിൽ ഐ.ടി  ഉദ്യോഗസ്ഥനായിരുന്ന രഞ്ജിത്ത് അടുത്തകാലത്ത് കോഴിക്കോട് സ്വന്തമായി ഐ.ടി കമ്പനി തുടങ്ങിയിരുന്നു. ഭാര്യ ഇന്ദു ലക്ഷ്മി സഹകരണ ബാങ്കിൽ ജീവനക്കാരിയാണ്.അച്ഛനും അമ്മയും കൂടാതെ ഒരു സഹോദരനും സഹോദരിയും അടങ്ങുന്നതാണ് രഞ്ജിത്തിന്റെ കുടുംബം.

Also Read-NEPAL TRAGEDY| മരിച്ചത് തിരുവനന്തപുരം സ്വദേശികൾ; അപകടം ഗ്യാസ് ഹീറ്ററിലെ വാതകം ചോർന്ന്

ഒരുമിച്ചുപോയ യാത്രയിൽ രണ്ടാം ക്ലാസ്സുകാരൻ  മാധവിനെ തനിച്ചാക്കി അച്ഛനും അമ്മയും കുഞ്ഞനുജനും എന്നന്നേക്കുമായി യാത്രയായി.