നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • kerala
    • »
    • കള്ളപ്പണക്കേസ്: മുൻമന്ത്രി ഇബ്രാഹിം കുഞ്ഞിൽ നിന്ന് 10 ലക്ഷം രൂപ പരാതിക്കാരൻ ആവശ്യപ്പെട്ടെന്ന് മൊഴി

    കള്ളപ്പണക്കേസ്: മുൻമന്ത്രി ഇബ്രാഹിം കുഞ്ഞിൽ നിന്ന് 10 ലക്ഷം രൂപ പരാതിക്കാരൻ ആവശ്യപ്പെട്ടെന്ന് മൊഴി

    ഏപ്രിൽ 4 ന് ഭീഷണിപ്പെടുത്തിയെന്ന് പരാതി നൽകിയ ആൾ അതിനു ശേഷം രണ്ടു പ്രാവശ്യം നേരിട്ട് കൂടിക്കാഴ്ച നടത്തിയത്, പരാതി വ്യാജമാണെന്നതിന് തെളിവാണെന്നും വിജിലൻസിന് നൽകിയ മൊഴിയിൽ സൂചിപ്പിച്ചിട്ടുണ്ട്.

    News 18 Malayalam

    News 18 Malayalam

    • Share this:
    കൊച്ചി:  കള്ളപ്പണക്കേസിൽ മുൻ മന്ത്രി വി കെ ഇബ്രാഹിം കുഞ്ഞ് ഭീഷണിപ്പെടുത്തിയെന്ന് പരാതി നൽകിയ കളമശേരി സ്വദേശി ഗിരീഷ് ബാബുവിനെതിരെ വിജിലൻസിൽ മൊഴി. പരാതി നൽകിയതിൻ്റെ പേരിൽ ഇബ്രാഹിം കുഞ്ഞ് ഭീഷണിപ്പെടുത്തിയെന്ന് ഗിരീഷ് ബാബു തൃക്കാക്കര അസിസ്റ്റൻ്റ് കമ്മീഷണർക്ക് ഏപ്രിൽ 4 ന് പരാതി നൽകി. അതിനു ശേഷം യൂത്തുകോൺഗ്രസ് പ്രാദേശിക നേതാവ് സുജിത് കുമാർ, യൂത്ത് ലീഗ് പ്രാദേശിക നേതാവ് സുബൈർ എന്നിവരെ സമീപിച്ച് എം.എൽ.എയെ കാണണമെന്ന് ഗിരീഷ് ബാബു ആവശ്യപ്പെട്ടന്നാണ് മൊഴി.

    ലീഗിലെ വിമത നേതാക്കളുടെ പ്രേരണയിലാണ് പരാതി നൽകിയതെന്ന് തുറന്ന് പറയുകയാണ് ഉദ്ദേശ്യമെന്നും ഇവരെ ധരിപ്പിച്ചു.  എന്നാൽ ഏപ്രിൽ 23ന് ഇബ്രാഹിം കുഞ്ഞിൻ്റെ ആലുവയിലെ വസതിയിൽ വച്ചും മെയ് 2ന് ഇബ്രാഹിം കുഞ്ഞിൻ്റെ മകൻ്റെ വസതിയിലും വച്ച് നടന്ന കൂടിക്കാഴ്ചയിൽ പണം ആവശ്യപ്പെട്ടുവെന്നാണ് വിജിലൻസിന് മൊഴി നൽകിയിരിക്കുന്നത്.

    ഏപ്രിൽ 4 ന് ഭീഷണിപ്പെടുത്തിയെന്ന് പരാതി നൽകിയ ആൾ അതിനു ശേഷം രണ്ടു പ്രാവശ്യം നേരിട്ട് കൂടിക്കാഴ്ച നടത്തിയത്, പരാതി വ്യാജമാണെന്നതിന് തെളിവാണെന്നും ഇവർ വിജിലൻസിന് നൽകിയ മൊഴിയിൽ സൂചിപ്പിച്ചിട്ടുണ്ട്.

    TRENDING:BIG BREAKING: സംസ്ഥാനത്ത് ഇന്ന് 42 പേർക്ക് കോവിഡ്; ഇത്രയും പേർക്ക് രോഗം സ്ഥിരീകരിക്കുന്നത് ഇതാദ്യം [NEWS]COVID 19 | കേരളത്തിൽ രണ്ടാഴ്ചയ്ക്കിടെ 183 പേർക്ക് രോഗബാധ; 83 ശതമാനവും സംസ്ഥാനത്തിന് പുറത്തു നിന്ന് വന്നവർ [NEWS]'ലാൽ അന്ന് പൂജപ്പുര ക്രിക്കറ്റ് ടീമിലെ അംഗം'; നടന വിസ്മയത്തിന് ജന്മദിനാശംസകൾ നേർന്ന് ദുബായിൽ നിന്നൊരു സഹപാഠി [NEWS]

    ഗിരീഷ് ബാബു വിളിച്ചതിൻ്റെ ശബ്ദരേഖ കൈവശം ഉണ്ടെന്നും ഇത് മാധ്യമങ്ങൾ വഴി പുറത്തുവിടുമെന്നും മൊഴി കൊടുത്തവരുടെ അഭിഭാഷകനായ അഡ്വ.ജിയാസ് അറിയിച്ചിരുന്നുവെങ്കിലും പിന്നീട് നിലപാട് മാറ്റി. അത്തരത്തിലൊരു ശബ്ദരേഖ കൈവശമില്ലെന്നാണ് മൊഴി നൽകിയ ശേഷം ഇവർ മാധ്യമങ്ങളോട് പറഞ്ഞത്.





    First published: