PM MODI IN TRIVANDRUM LIVE: രാജ്യം സുരക്ഷിതം; എല്ലാ മേഖലയിലും വിജയം കൈവരിക്കാൻ കഴിഞ്ഞു: പ്രധാനമന്ത്രി നരേന്ദ്ര മോദി

പ്രളയദുരിതാശ്വാസത്തിനുള്ള ഫണ്ട് തട്ടിയെടുക്കുന്ന സർക്കാരാണ് കേരളത്തിലേതെന്ന് പ്രധാനമന്ത്രിയുടെ ആരോപണം

ലാവലിൻ പരാമർശിച്ച് പ്രധാനമന്ത്രി | കേരളത്തിലെ സർക്കാർ സർവ്വത്ര അഴിമതിയാണെന്ന് പ്രധാനമന്ത്രി ആരോപിച്ചു. മുഖ്യമന്ത്രിക്കെതിരെ ലാവലിൻ ആരോപണമുണ്ടെന്നും അദ്ദേഹം പറഞ്ഞു

'ദൈവത്തിന്‍റെ പേര് പറഞ്ഞാൽ ജയിലിൽ അടയ്ക്കുന്നവരാണ് ഇവിടുത്തെ സർക്കാർ'

പ്രളയത്തിന് ഉത്തരവാദികൾ ഇവിടുത്തെ സർക്കാർ| പ്രളയത്തിന് ഉത്തരവാദികൾ ഇവിടുത്തെ സർക്കാരാണെന്ന് പ്രധാനമന്ത്രി ആരോപിച്ചു. മത്സ്യത്തൊഴിലാളികളാണ് പ്രളയകാലത്ത് രക്ഷകരായതെന്ന് പ്രധാനമന്ത്രി പറഞ്ഞു

വിശ്വാസസംരക്ഷണത്തിന്‍റെ കാര്യത്തിൽ വ്യക്തമായ നിലപാടാണ് ബിജെപിക്ക് ഉള്ളത്. എന്നാൽ കോൺഗ്രസിന്‍റെ നിലപാട് ഇരട്ടത്താപ്പാണെന്നും പ്രധാനമന്ത്രി കുറ്റപ്പെടുത്തി. വിശ്വാസത്തിന്‍റെയും ആചാരത്തിന്‍റെയും കാവൽക്കാരായി നിലകൊള്ളുമെന്നും അദ്ദേഹം പറഞ്ഞു.

മെയ് 23ന് തെരഞ്ഞെടുപ്പ് ഫലം വരുമ്പോൾ മോദി സർക്കാർ വീണ്ടും അധികാരത്തിലെത്തിയാൽ വിശ്വാസ സംരക്ഷണത്തിനായി എല്ലാം ചെയ്യുമെന്ന് ഉറപ്പ് നൽകുന്നുവെന്നും മോദി പറഞ്ഞു

ഈശ്വരന്‍റെ പേര് ഉച്ചരിക്കാൻ പോലും ഇവിടെ കഴിയുന്നില്ല. അങ്ങനെയുള്ളവർക്കെതിരെ കള്ളക്കേസ് എടുക്കുന്ന സാഹചര്യമാണ് കേരളത്തിൽ ഉള്ളതെന്നും നരേന്ദ്ര മോദി പറഞ്ഞു. ആയിരകണക്കിന് വർഷങ്ങളായി തുടരുന്നു വിശ്വാസ പാരമ്പര്യങ്ങളെ രാഷ്ട്രീയ കളികളെ നശിപ്പിക്കാൻ നമ്മൾ അനുവദിക്കില്ല. കേരളത്തിലെ ഓരോ കുഞ്ഞും അതിനെതിരായ കാവൽക്കാരായി നിലകൊള്ളും- നരേന്ദ്ര മോദി പറഞ്ഞു

ആചാര അനുഷ്ഠാനങ്ങൾ കമ്മ്യൂണിസ്റ്റുകാർക്ക് വലിയ ബുദ്ധിമുട്ട് ഉണ്ടാക്കുന്നുണ്ട്. ആചാര അനുഷ്ഠാനങ്ങളെ തകർക്കാൻ ആർക്കും കഴിയില്ലെന്ന് പ്രധാനമന്ത്രി പറഞ്ഞു

കോൺഗ്രസും കമ്മ്യൂണിസ്റ്റും മനുഷ്യജീവന് വില കൽപ്പിക്കാത്തവരാണെന്ന് പ്രധാനമന്ത്രി പറഞ്ഞു. വിശ്വാസികളുടെ കാര്യത്തിൽ ഒരു പ്രാധാന്യവും ഇരുവരും നൽകുന്നില്ല

തിരുവനന്തപുരത്തോ പത്തനംതിട്ടയിലോ കോൺഗ്രസ് പ്രസിഡന്‍റിന് മത്സരിച്ചുകൂടെയെന്നും പ്രധാനമന്ത്രി ചോദിച്ചു. രാഹുൽ ഗാന്ധി കളിക്കുന്നത് അവസരവാദ രാഷ്ട്രീയം. ദക്ഷിണേന്ത്യയ്ക്ക് സന്ദേശം നൽകാനല്ല, കോൺഗ്രസ് അധ്യക്ഷൻ വയനാട്ടിൽ മത്സരിക്കുന്നത്. ഇത് പ്രീണനമാണെന്നും അദ്ദേഹം ചൂണ്ടിക്കാട്ടി