ടി.പി സെൻകുമാർ മാധ്യമപ്രവർത്തകനെ ഭീഷണിപ്പെടുത്തിയെന്ന് കേസ്; വ്യാജപരാതിയെന്ന് മുൻ ഡിജിപി
senkumar
പത്രസമ്മേളനത്തിനിടെ ചോദ്യം ഉന്നയിച്ച മാധ്യമപ്രവർത്തകനെതിരെ സെൻകുമാർ കയർത്ത് സംസാരിക്കുന്ന വീഡിയോ സോഷ്യൽമീഡിയയിൽ വൈറലായിരുന്നു.
- News18 Malayalam
- 1-MIN READ
- Last Updated :
തിരുവനന്തപുരം: പ്രസ്ക്ലബിൽ മാധ്യമപ്രവർത്തകനെ ഭീഷണിപ്പെടുത്തിയെന്ന പരാതിയിൽ റിട്ട ഐ പി എസ് ടി പി സെൻകുമാറിനെതിരെ പൊലീസ് കേസെടുത്തു. വാ‍ർത്താസമ്മേളനത്തിനിടെ ചോദ്യം ചോദിച്ച മുതിർന്ന മാധ്യമപ്രവർത്തകനെ സെൻകുമാർ ഭീഷണിപ്പെടുത്തുകയായിരുന്നു. തിരുവനന്തപുരം ചീഫ് ജുഡീഷ്യൽ മജിസ്ട്രേട്ട് കോടതിയുടെ(മൂന്ന്) അനുമതിയോടെയാണ് കൻ്റോൻമെൻ്റ് പൊലീസ് കേസെടുത്തത്. മാധ്യമപ്രവർത്തകനായ കടവിൽ റഷീദാണ് പരാതി നൽകിയത്.
സെൻകുമാറിനെ കൂടാതെ വാ‍ർത്താസമ്മേളനത്തിൽ പങ്കെടുത്ത സുഭാഷ് വാസുവിനെതിരെയും കേസടുത്തിട്ടുണ്ട്. കൂടാതെ റഷീദിനെ കയ്യേറ്റം ചെയ്യാൻ ശ്രമിച്ച കണ്ടാലറിയാവുന്ന എട്ടു പേരും കേസിലെ പ്രതികളാണ്. പൊലീസ് നടപടിയിൽ സന്തോഷമുണ്ടെന്ന് റഷീദ് പ്രതികരിച്ചു.
രോഗ ബാധിതനായ തന്നെ മദ്യപാനിയായി ചിത്രീകരിക്കാനും സെൻകുമാർ ശ്രമിച്ചു. എല്ലാ മാധ്യമപ്രവർത്തക‌ർക്കും വേണ്ടിയാണ് കേസ് നൽകിയതെന്നും കടവിൽ റഷീദ് പറഞ്ഞു.
നിങ്ങളുടെ നഗരത്തിൽ നിന്ന്(കോഴിക്കോട്)
-
വിവാഹത്തലേന്ന് ഗാനമേളയ്ക്കിടെ വരന്റെ വീട്ടിലെ പണപ്പെട്ടിയുമായി കള്ളൻ മുങ്ങി; വരനും ബന്ധുക്കളും അറിഞ്ഞത് രാത്രി വൈകി
-
കൊടുവള്ളിക്കാരെ വലച്ച അടയ്ക്കാ കള്ളൻ ഒടുവിൽ പൊലീസിന്റെ വലയിലായി
-
കിണറ്റിൽ വീണ പ്രാവിനെ രക്ഷിക്കാനിറങ്ങിയ ആൾ ശ്വാസംമുട്ടി മരിച്ചു
-
കാലിക്കറ്റ് സർവകലാശാലയുടെ സ്വിമ്മിംഗ് പൂളിൽ വിദ്യാർത്ഥി മുങ്ങിമരിച്ച നിലയിൽ
-
കോഴിക്കോട് സ്വകാര്യബസ് സ്‌കൂട്ടറില്‍ ഇടിച്ച് എഞ്ചിനിയറിങ് വിദ്യാര്‍ഥിനി മരിച്ചു
-
കോഴിക്കോട് കൂടത്തായിയില്‍ വിവാഹസല്‍ക്കാരത്തിനിടെ ഓഡിറ്റോറിയത്തിലെ ലിഫ്റ്റില്‍ നിന്നുവീണ് ഒരാള്‍ മരിച്ചു
-
കോഴിക്കോട് തിരുവമ്പാടി അരിപ്പാറ വെള്ളച്ചാട്ടത്തില്‍ രണ്ട് വിദ്യാര്‍ത്ഥികള്‍ മുങ്ങി മരിച്ചു
-
കോഴിക്കോട് വിൽപനയ്ക്ക് എത്തിച്ച 8 ലക്ഷത്തോളം വിലവരുന്ന 20 കന്നുകാലികളെ മോഷ്ടിച്ചു
-
താമരശ്ശേരി ഗ്രാമപഞ്ചായത്ത് മുൻ പ്രസിഡന്റ് കിണറ്റിൽ വീണ് മരിച്ച നിലയിൽ
-
നീതി ലഭിക്കുമെന്ന് മന്ത്രിയുടെ ഉറപ്പ്; വയറ്റിൽ കത്രികയുമായി ജീവിച്ച ഹർഷിന സമരം അവസാനിപ്പിച്ചു
-
കാമുകി മറ്റൊരാൾക്കൊപ്പം പോയി; പൊലീസ് സ്റ്റേഷനു മുന്നിൽ പെട്രോളൊഴിച്ച് ജീവനൊടുക്കാൻ ശ്രമിച്ച് യുവാവ്
അതേസമയം തനിക്കെതിരായ കേസ് രാഷ്ട്രീയ പ്രേരിതമാണെന്ന് മുൻ ഡിജിപി ടി.പി. സെൻകുമാർ പറഞ്ഞു. വ്യാജ പരാതിയാണ് നൽകിയിരിക്കുന്നത്. മാധ്യമ പ്രവർത്തകനും രാഷ്ട്രീയ നേതാക്കളും ചേർന്നാണ് ഇതിന് പിന്നിൽ പ്രവര്‍ത്തിക്കുന്നതെന്നും സെൻകുമാർ പറഞ്ഞു.
സംഭവത്തിൽ ഗൂഢാലോചനയുണ്ടെന്ന സെൻകുമാറിൻ്റെ പരാതിയിൽ പൊലീസ് നിയമോപദേശം തേടിയിട്ടുണ്ട്. പത്രപ്രവ‍ത്തക യൂണിയനാണ് ഗൂഢാലോചനയ്ക്ക് പിന്നിലെന്നാണ് സെൻകുമാറിൻ്റെ പരാതി. ആരോപണം യൂണിയൻ സംസ്ഥാന സെക്രട്ടറി ഇ എസ് സുഭാഷ് തള്ളി. സെൻകുമാറിൻ്റെ പ്രവൃത്തി എല്ലാവരും കണ്ടതാണെന്നും സുഭാഷ് പ്രതികരിച്ചു.
ഏറ്റവും വിശ്വാസ്യതയുള്ള വാർത്തകള്‍, തത്സമയ വിവരങ്ങൾ, ലോകം, ദേശീയം, ബോളിവുഡ‍്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.
Tags: Case against Senkumar, Former DGP, Journalist, Police case, Subhash vasu, Tp senkumar, Viral video
