• HOME
  • »
  • NEWS
  • »
  • kerala
  • »
  • BREAKING | ഉത്രയുടെ മകനെയും സൂരജിന്റെ അമ്മയെയും കാണാനില്ലെന്ന് പൊലീസ്

BREAKING | ഉത്രയുടെ മകനെയും സൂരജിന്റെ അമ്മയെയും കാണാനില്ലെന്ന് പൊലീസ്

Uthra's son and Sooraj's mother is missing | അതേസമയം, കുട്ടി എറണാകുളത്തുണ്ടെന്ന് സൂരജിന്റെ അച്ഛൻ സുരേന്ദ്രൻ പറഞ്ഞു. ബന്ധുവീട്ടിലേക്ക് പോയ തന്റെ ഭാര്യ കുട്ടിയെ കൂടി കൊണ്ടു പോവുകയായിരുന്നു. ഉത്രയുടെ കുടുംബത്തിന് നാളെ കുട്ടിയെ കൈമാറുമെന്നും സൂരജിന്റെ അച്ഛൻ സുരേന്ദ്രൻ പറഞ്ഞു.

സൂരജ് ഉത്രയ്ക്കൊപ്പം

സൂരജ് ഉത്രയ്ക്കൊപ്പം

  • Last Updated :
  • Share this:
    കൊല്ലം: പാമ്പ് കടിയേറ്റ് മരിച്ച ഉത്രയുടെ മകനെയും ഉത്രയുടെ ഭർത്താവായ സൂരജിന്റെ അമ്മയെയും കാണാനില്ലെന്ന് പൊലീസ്. കുട്ടിയെ അന്വേഷിച്ച് അഞ്ചൽ പൊലീസും അടൂർ പൊലീസും സൂരജിന്റെ വീട്ടിലെത്തിയിരുന്നു. എന്നാൽ, കുഞ്ഞിനെയും സൂരജിന്റെ അമ്മയെയും കണ്ടെത്താൻ കഴിഞ്ഞില്ല.

    കുട്ടിയെ ഉത്രയുടെ വീട്ടുകാർക്ക് വിട്ടു കൊടുക്കണമെന്ന് ചൈൽഡ് വെൽഫയർ കമ്മിറ്റി ഉത്തരവിട്ടിരുന്നു. ഇതിനെ തുടർന്ന് ആയിരുന്നു അഞ്ചൽ പൊലീസും അടൂർ പൊലീസും കുട്ടിയെ അന്വേഷിച്ച് എത്തിയത്. എന്നാൽ, അടൂരിലെ സൂരജിന്റെ വീട്ടിലും സമീപത്തെ ബന്ധുവീടുകളിലും ഇരുവരും ഉണ്ടായിരുന്നില്ലെന്ന് പൊലീസ് പറഞ്ഞു.മറ്റെവിടേക്കോ കുട്ടിയുമായി മാറി നിൽക്കുന്നുവെന്ന് കരുതുന്നതായും പൊലീസ് പറഞ്ഞു.

    You may also like:കടുത്ത നടപടി എടുത്തില്ലെങ്കിൽ നാളെ അവർ യഥാർത്ഥ പള്ളികൾക്ക് നേരെയും തിരിയും [NEWS]മാഹിയിൽ മദ്യശാലകൾ വൈകാതെ തുറക്കും; കുറഞ്ഞ വില എന്ന ആകർഷണം ഇനി ഉണ്ടാകുമോ? [NEWS]കോവിഡ് പ്രതിരോധ സംവിധാനങ്ങളെ പരിഹസിക്കുന്നവർക്കെതിരെ കണ്ണൂർ കലക്ടർ [NEWS]

    അതേസമയം, അഞ്ചൽ സ്വദേശിനി ഉത്രയുടെ കൊലപാതകത്തിൽ കേരള വനിതാകമ്മീഷൻ സ്വമേധയാ കേസെടുത്തു. വനിതാ കമ്മീഷൻ അംഗം ഡോ. ഷാഹിദാ കമാലിന്റെ നിർദ്ദേശപ്രകാരമാണ് നടപടി.
    ഉത്രയുടെ കുഞ്ഞിനെ തങ്ങൾക്ക് കൈമാറണമെന്ന ഉത്രയുടെ മാതാപിതാക്കളുടെ ആവശ്യം അംഗീകരിച്ച് കൊല്ലം ജില്ലാ ചൈൽഡ് വെൽഫെയർ കമ്മിറ്റിയും ഉത്തരവിട്ടിരുന്നു.

    ഈ ആവശ്യം ഉന്നയിച്ച് കമ്മീഷൻ അംഗം ഡോ. ഷാഹിദ കമാൽ ചൈൽഡ് വെൽഫെയർ കമ്മിറ്റി ചെയർമാന് കത്ത് നൽകിയിരുന്നു. വനിതാ കമ്മീഷന്റെ ഇടപെടലിനെ തുടർന്നാണ് കുഞ്ഞിനെ ഉത്രയുടെ മാതാപിതാക്കൾക്ക് വിട്ടു നൽകാൻ ഉത്തരവായത്.

    വിവാഹം കഴിഞ്ഞ് ഏഴ് വർഷത്തിനകമുളള മരണമായതു കൊണ്ട് സ്ത്രീധനനിരോധന നിയമ പ്രകാരവും ഗാർഹിക പീഡന നിരോധന നിയമപ്രകാരവും ഉത്രയുടെ ഭർത്താവ് സൂരജിനും ഭർത്തൃ കുടുംബാംഗങ്ങൾക്കും എതിരെ കേസെടുത്ത് അന്വേഷണം നടത്തുമെന്ന് ഡോ. ഷാഹിദാ കമാൽ അറിയിച്ചു.

    Published by:Joys Joy
    First published: