ബസ് ഉടമയെ വെട്ടിപ്പരിക്കേല്‍പിച്ചു: തിരുവനന്തപുരത്ത് സ്വകാര്യ ബസ് സമരം

തിരുവനന്തപുരം: ആറ്റിങ്ങലില്‍ സ്വകാര്യ ബസ് ഉടമയെ വെട്ടി പരിക്കേല്‍പിച്ചതില്‍ പ്രതിഷേധിച്ച് തിരുവനന്തപുരം ജില്ലയില്‍ ഇന്ന് സ്വകാര്യ ബസ് സമരം. വ്യാഴാഴ്ച രാത്രി സര്‍വീസ് അവസാനിപ്പിച്ചപ്പോള്‍ വക്കത്ത് വച്ചാണ് ബസുടമയായ ആറ്റിങ്ങല്‍ സ്വദേശി സുധീര്‍ ആക്രിമിക്കപ്പെട്ടത്. ഓട്ടോയിലെത്തിയ ആറംഗ സംഘം ബസ് ജീവനക്കാരെ ആക്രമിക്കുന്നത് തടയാന്‍ ശ്രമിച്ചപ്പോഴാണ് സുധീറിന് വെട്ടേറ്റത്.

സുധീറിന്റെ പരിക്ക് ഗുരുതരമല്ലെന്നാണ് പോലീസ് പറയുന്നത്. സുധീറിനെ ആക്രമിച്ചതില്‍ പ്രതിഷേധിച്ച് സിഐടിയു ആണ് പണിമുടക്കിന് ആഹ്വാനം ചെയ്തിരിക്കുന്നത്. സംഭവത്തില്‍ കടയ്ക്കാവൂര്‍ പൊലീസ് കേസെടുത്ത് അന്വേഷണം ആരംഭിച്ചു.

കനത്ത മഴ ; കേരളത്തിലെ CUET UG പരീക്ഷകള്‍ മാറ്റിവച്ചെന്ന് National Testing Agency

സംസ്ഥാനത്ത് കനത്തമഴ തുടരുന്ന സാഹചര്യത്തില്‍ കേരളത്തിലെ എല്ലാ കേന്ദ്രങ്ങളിലും ഓഗസ്റ്റ് 4,5,6 തീയതികളില്‍ നടത്താന്‍ നിശ്ചയിച്ചിരുന്ന CUET UG പരീക്ഷകള്‍ മാറ്റിവെച്ചതായി നാഷണല്‍ ടെസ്റ്റിങ്ങ് ഏജന്‍സി അറിയിച്ചു. വിദ്യാര്‍ഥികളുടെ അഭ്യര്‍ഥനയെ തുടര്‍ന്നാണ് തീരുമാനം. മഴ തുടരുന്ന സാഹചര്യത്തില്‍ വൈദ്യുതി ബന്ധം തടസ്സപ്പെടുന്നതും ഗതാഗതം ദുഷ്കരമായതിനാല്‍ വിദ്യാര്‍ഥികള്‍ക്ക് കൃത്യസമയത്ത് പരീക്ഷാ കേന്ദ്രങ്ങളില്‍ എത്താന്‍ കഴിയാതെ വരുന്നതും പരിഗണിച്ചാണ് കേരളത്തിലെ പരീക്ഷകള്‍ മാറ്റാന്‍ നാഷണല്‍ ടെസ്റ്റിങ്ങ് ഏജന്‍സി തീരുമാനിച്ചത്. പുതുക്കിയ തീയതികള്‍ വൈകാതെ വെബ്സൈറ്റില്‍ (https://nta.ac.in/) പ്രസിദ്ധീകരിക്കുമെന്ന് എന്‍.ടി.എ അധികൃതര്‍ അറിയിച്ചു.

കഴിഞ്ഞ കുറച്ച് ദിവസങ്ങളായി കേരളത്തിലെ പല ജില്ലകളിലും കനത്ത മഴ പെയ്തതിനാൽ, 2022-ലെ CUET (UG) - 2022-നുള്ള പരീക്ഷാ കേന്ദ്രത്തിൽ വലിയൊരു വിഭാഗം ഉദ്യോഗാർത്ഥികൾക്ക് എത്താൻ കഴിയില്ലെന്ന് NTA യുടെ ശ്രദ്ധയിൽ പെടുത്തിയിട്ടുണ്ട്. വൈദ്യുതി തടസ്സവും ഗതാഗതവും വളരെ ബുദ്ധിമുട്ടുള്ള സമയമായതിനാൽ പരീക്ഷാ നടത്തിപ്പിന് തടസം നേരിടുമെന്ന്,” എൻടിഎ സീനിയർ ഡയറക്ടർ സാധന പരാശർ പറഞ്ഞു.

Also Read- വളാഞ്ചേരിയിലെ വാഫി വിദ്യാർഥികൾ സംസ്ഥാനതല രാമായണ പ്രശ്നോത്തരിയിൽ വിജയികൾ

"അതിനാൽ, വിദ്യാർത്ഥി സമൂഹത്തെ പിന്തുണയ്ക്കുന്നതിനായി, കേരളത്തിലെ നഗരങ്ങളിൽ ഓഗസ്റ്റ് 4, 5, 6 തീയതികളിൽ പങ്കെടുക്കുന്ന ഉദ്യോഗാർത്ഥികൾക്കുള്ള CUET (UG) - 2022 മാറ്റിവയ്ക്കാൻ തീരുമാനിച്ചു," അവർ കൂട്ടിച്ചേർത്തു. ജൂലൈ 15 മുതല്‍ രാജ്യത്തെ 300 നഗരങ്ങളിലും വിദേശത്തെ ഒമ്പത് കേന്ദ്രങ്ങളിലുമായി ആദ്യഘട്ട പരീക്ഷകള്‍ ആരംഭിച്ചിരുന്നു. ഈ മാസം 4 മുതല്‍ ആരംഭിച്ച രണ്ടാം ഘട്ട പരീക്ഷയ്ക്കായി 6,80,000 ലക്ഷം ഉദ്യോഗാർത്ഥികൾ രജിസ്റ്റര്‍ ചെയ്തിരുന്നു.