പ്രളയം ദുരിതം വിതച്ച കവളപ്പാറയ്ക്ക് കൈത്താങ്ങാകാന്‍ വീണ്ടും തലസ്ഥാനത്തെ മാധ്യമപ്രവര്‍ത്തകര്‍

തിരുവനന്തപുരം: കവളപ്പാറ ഉരുള്‍പൊട്ടലില്‍ ദുരിതം പേറുന്ന പോത്തുകല്‍ പഞ്ചായത്തിലെ ദുരിതബാധിതര്‍ക്ക് വീണ്ടും കൈത്താങ്ങായി തലസ്ഥാനത്തെ മാധ്യമപ്രവര്‍ത്തകര്‍. തിരുവനന്തപുരത്തെ മാധ്യമ പ്രവർത്തകരുടെ കൂട്ടായ്മയുടെ നേതൃത്വത്തിൽ ദുരിത ബാധിതരെ സഹായിക്കാനായി വീണ്ടും ഉൽപന്നങ്ങൾ ശേഖരിക്കുന്നു. സെക്രട്ടറിയേറ്റിന് പിന്നിലുള്ള പ്രസ് ക്ലബ്ബിന്റെ താഴത്തെ നിലയിൽ വ്യാഴാഴ്ച രാവിലെ 9 മുതൽ രാത്രി 9 വരെയാണ് ശേഖരണം.

• 'നൗഷാദിനെ 'ഞാൻ' കണ്ടെത്തിയതല്ല; അദ്ദേഹത്തെപ്പോലെ നിരവധി മനുഷ്യർ നമുക്ക് ചുറ്റിലുമുണ്ട്'

പ്രളയം തകർത്ത വീടുകളിലേക്ക് മടങ്ങി പോകുന്നവർക്ക് ജീവിതം തുടങ്ങാൻ അനിവാര്യമായ പാത്രങ്ങൾ, സ്റ്റീൽ ഗ്ലാസ്, പായ, തലയിണ, ബെഡ് ഷീറ്റ്, കുട്ടികളുടെ സ്കൂൾ ബാഗ് നോട്ട് ബുക്ക് പേന ചോറ്റുപാത്രം എന്നിവയാണ് പ്രധാനമായും സംഭരിക്കുന്നത്. കവളപ്പാറ ഉരുള്‍പൊട്ടലിലും പാതാറില്‍ ഉണ്ടായ മണ്ണിടിച്ചിലിലും ചാലിയാര്‍ നിറഞ്ഞ് കവിഞ്ഞുമുണ്ടായ ദുരിതത്തില്‍ 1544 കുടുംബങ്ങൾ വിവധ ക്യാമ്പുകളിലുണ്ട്. പോത്തുകല്‍ പഞ്ചായത്തിന്‍റെ കണക്കു പ്രകാരം 519 വീടുകള്‍ പൂര്‍ണമായും തകര്‍ന്നിട്ടുണ്ട്. ഈ കുടുംബങ്ങളുടെ പുനരധിവാസമാണ് മാധ്യമപ്രവര്‍ത്തകരുടെ കൂട്ടായ്മ ലക്ഷ്യമിടുന്നത്. എല്ലാ മാധ്യമ സുഹൃത്തുക്കളും ഈ മാനവികതയിൽ പങ്കാളികളാവണമെന്ന് പത്ര പ്രവർത്തക യൂണിയൻ അഭ്യർത്ഥിച്ചു.

കവളപ്പാറയിലേക്ക് വേണ്ട സാധനങ്ങൾ

പായ- 4632 എണ്ണം
ബ്ലാങ്കറ്റ്- 4632
പുതപ്പ്- 6176
തലയിണ- 4632
കലം- 1544 എണ്ണം
ചായപ്പാത്രം- 1544
സ്റ്റീൽ പ്ലേറ്റ്- 6176
സ്റ്റീൽ ഗ്ലാസ്- 6176
തവി- 3088
ചായ അരിപ്പ- 1544
സിഗരറ്റ് ലൈറ്റർ- 1544
വലിയ ബക്കറ്റ്- 1544
കപ്പ്- 1544

പേസ്റ്റ്- 1544 എണ്ണം
ബ്രഷ്- 6176
കുളി സോപ്പ്- 3088
അലക്ക് സോപ്പ്- 3088
സോപ്പ് പൊടി-
1544 പാക്കറ്റ്
ഡിഷ് വാഷ്-
1544 പാക്കറ്റ്
സ്ക്രബർ- 1544 എണ്ണം
മെഴുകുതിരി-
1544 പാക്കറ്റ്
മാക്സി- 3088 എണ്ണം
ലുങ്കി- 3088
ടീ ഷർട്ട്- 3088
തോർത്ത്- 4632

അരി- 7720 Kg
പഞ്ചസാര- 1544 kg
ഉപ്പ്- 1544 പാക്ക്
ചായപ്പൊടി- 1544 പാക്ക്
വെളിച്ചെണ്ണ- 1544 ലിറ്റർ
പരിപ്പ്- 772 kg
പയർ- 1544 kg
മുളക് പൊടി
മഞ്ഞൾ പൊടി
മല്ലിപ്പൊടി
ഉലുവ
ജീരകം
കടുക്
ശർക്കര
1544 പാക്കറ്റ് വീതം
പുളി- 722 kg

സ്കൂൾ ബാഗ്
കുട
ചോറ് പാത്രം
ജ്യോമട്രി ബോക്സ്
1544 എണ്ണം വീതം
നോട്ട് ബുക്- 7720 എണ്ണം
പെൻ- 3088 എണ്ണം