• HOME
  • »
  • NEWS
  • »
  • kerala
  • »
  • സിപിഎം കണ്ണൂർ ജില്ലാ സെക്രട്ടറി എം വി ജയരാജന്റെ ആരോഗ്യ നിലയിൽ പുരോഗതി

സിപിഎം കണ്ണൂർ ജില്ലാ സെക്രട്ടറി എം വി ജയരാജന്റെ ആരോഗ്യ നിലയിൽ പുരോഗതി

കഴിഞ്ഞ ദിവസങ്ങളിലുണ്ടായ പുരോഗതി തുടരുന്ന സാഹചര്യത്തിൽ, വെന്റിലേറ്ററിൽ നിന്നും വിമുക്തമാക്കി.

എം വി ജയരാജൻ

എം വി ജയരാജൻ

  • Share this:
    കണ്ണൂർ : കോവിഡും ന്യുമോണിയയും ബാധിച്ച് കണ്ണൂർ ഗവ.മെഡിക്കൽ കോളേജ് ആശുപത്രിയിലെ ഐ.സി.യുവിൽ ചികിത്സയിൽ തുടരുന്ന സിപിഎം കണ്ണൂർ ജില്ലാ സെക്രട്ടറി എംവി ജയരാജന്റെ ആരോഗ്യനിലയിൽ പുരോഗതി. കണ്ണൂർ ഗവ. മെഡിക്കൽ കോളേജ്‌ പുറപ്പെടുവിച്ച മെഡിക്കൽ ബുള്ളറ്റിൻ വ്യക്തമാക്കുന്നു.

    പ്രമേഹവും ഉയർന്ന രക്തസമ്മർദ്ദവും മരുന്നിലൂടെ നിലവിൽ നിയന്ത്രണ വിധേയമായിട്ടുണ്ട്. രക്തത്തിലെ ഓക്‌സിജന്റെ അളവിലും പുരോഗതി ദൃശ്യമായതിനാൽ മിനിമം വെന്റിലേറ്റർ സപ്പോർട്ടാണ് ഇപ്പോൾ നൽകി വരുന്നത്. കഴിഞ്ഞ ദിവസങ്ങളിലുണ്ടായ പുരോഗതി തുടരുന്ന സാഹചര്യത്തിൽ, വെന്റിലേറ്ററിൽ നിന്നും വിമുക്തമാക്കി.

    സാധാരണനിലയിലുള്ള ശ്വാസോച്ഛ്വാസ സ്ഥിതിയിലേക്ക് അദ്ദേഹത്തെ എത്തിക്കുന്നതിനുള്ള ആദ്യഘട്ടമെന്നോണം ഇടവേളകളിൽ ഓക്‌സിജന്റെ മാത്രം സഹായത്തോടെ രക്തത്തിലെ ഓക്‌സിജന്റെ അളവ് ക്രമീകരിക്കുന്നതും തുടരുകയാണ്.

    സ്വന്തമായി ആഹാരം കഴിച്ചുതുടങ്ങിയതോടെ ആ ഘട്ടങ്ങളിലും സി-പാപ്പ് വെന്റിലേറ്റർ ഒഴിവാക്കുന്നതിന് സാധി ക്കുന്നുണ്ട്. കോവിഡ് തീവ്രത വ്യക്തമാക്കുന്ന രക്തത്തിലെ സൂചകങ്ങൾ മാറിവരുന്നതായി പരിശോധനയിൽ വ്യക്തമായതും മെഡിക്കൽ ബോർഡ് ചർച്ച ചെയ്തു.

    You may also like:റിമാൻഡ് പ്രതി ഷഫീഖിന്റെ മരണം; ജയിൽ ഉദ്യോഗസ്ഥർക്ക് വീഴ്ച പറ്റിയിട്ടില്ലെന്ന് അന്വേഷണ റിപ്പോർട്ട്

    കോവിഡ് ന്യുമോണിയയെത്തുടർന്നുണ്ടായ ശ്വാസകോശത്തിലെ കടുത്ത അണുബാധ കുറഞ്ഞുവരുന്നതായും, ഇത്തരം അസുഖം ബാധിച്ച നല്ലൊരു ശതമാനം പേരിൽ പിന്നീട് മറ്റ് അണുബാധയുണ്ടായത്‌ പലകേന്ദ്രങ്ങളിൽ നിന്നും പൊതുവിൽ റിപ്പോർട്ട് ചെയ്യപ്പെട്ടത് മുന്നറിയിപ്പായി സ്വീകരിച്ച് കടുത്ത ജാഗ്രത ജയരാജന്റെ കാര്യത്തിലും തുടരേണ്ടതുണ്ട് എന്നും മെഡിക്കൽ ബോർഡ് യോഗം വിലയിരുത്തി.

    You may also like:മോഷണത്തിനു പിന്നാലെ ഭർത്താവ് കൊലക്കേസിലും പ്രതിയായി; 'പട്ടാഭിരാമ'നിൽ അഭിനയിച്ച വിജയലക്ഷ്മി ആത്മഹത്യ ചെയ്തത് മനോവിഷമം താങ്ങാനാകാതെ

    ആരോഗ്യനിലയിൽ പുരോഗതിയുണ്ടെങ്കിലും കോവിഡ് ന്യുമോണിയ വിട്ടുമാറിയിട്ടില്ല എന്നതിനാൽ നില ഗുരുതരമായി കണക്കാക്കി തന്നെ ചികിത്സ തുടരേണ്ടതുണ്ടെന്നതും മെഡിക്കൽ ബോർഡ് യോഗം തീരുമാനിച്ചു.
    You may also like: 'ദരിദ്രരുടെ വിമോചനമെന്ന ഗാന്ധിയൻ സ്വപ്നം സാക്ഷാൽക്കരിക്കാൻ ആ ഓർമ്മകൾ നമുക്ക് ഊർജ്ജം പകരട്ടെ': മുഖ്യമന്ത്രി

    മെഡിക്കൽ കോളേജ് പ്രിൻസിപ്പാളും മെഡിക്കൽ ബോർഡ് ചെയർമാനുമായ ഡോ കെ എം കുര്യാക്കോസ് യോഗത്തിൽ അധ്യക്ഷനായിരുന്നു. മെഡിക്കൽ കോളേജ് ആശൂപത്രി സൂപ്രണ്ടും മെഡിക്കൽ ബോർഡ് കൺവീനറുമായ ഡോ കെ സുദീപ്, മെഡിക്കൽ ബോർഡ് അംഗങ്ങളായ ഡോ ഡി കെ മനോജ് (ഡെപ്യൂട്ടി മെഡിക്കൽ സൂപ്രണ്ട് & എച്ച്.ഒ.ഡി ശ്വാസകോശ വിഭാഗം), ഡോ വിമൽ റോഹൻ (ഡെപ്യൂട്ടി മെഡിക്കൽ സൂപ്രണ്ട് - കാഷ്വാലിറ്റി), ഡോ കെ സി രഞ്ജിത്ത് കുമാർ (എച്ച്.ഒ.ഡി, ജനറൽ മെഡിസിൻ വിഭാഗം), ഡോ എസ്.എം അഷ്‌റഫ് (എച്ച്.ഒ.ഡി കാർഡിയോളജി വിഭാഗം), ഡോ വി കെ പ്രമോദ് (നോഡൽ ഓഫീസർ, കോവിഡ് ചികിത്സാ വിഭാഗം), ഡോ എസ്.എം സരിൻ (ആർ.എം.ഒ) എന്നിവരും യോഗത്തിൽ പങ്കെടുത്തു.
    Published by:Naseeba TC
    First published: