2018 ജൂലൈ 22 പരീക്ഷയുടെ ഏഴ് തസ്തികകളുടെ റാങ്ക് പട്ടിക മരവിപ്പിക്കും; ആദ്യ 100 റാങ്കുകാരുടെ വിവരങ്ങൾ പരിശോധിക്കും

തിരുവനന്തപുരം: യൂണിവേഴ്സിറ്റി കോളജ് കുത്തുകേസിലെ പ്രതികൾ ഉൾപ്പെട്ട റാങ്ക് പട്ടിക ഉൾപ്പെടെ 2018 ജൂലൈ 22ന് ഏഴ് തസ്തികകളിലേക്ക് നടന്ന പരീക്ഷകളുടെ റാങ്ക് പട്ടിക മരവിപ്പിക്കും. പി.എസ്.സി ചെയർമാൻ അഡ്വ.എം കെ സക്കീർ വാർത്താസമ്മേളനത്തിലാണ് ഇക്കാര്യം അറിയിച്ചത്.  ഈ റാങ്ക് പട്ടികകളിൽ ഉൾപ്പെട്ട  ആദ്യ  100 റാങ്കുകാരുടെ വിവരങ്ങൾ പരിശോധിക്കുമെന്നും ചെയർമാൻ വ്യക്തമാക്കി. ഇവരുടെ മൊബൈൽ വിവരങ്ങൾ സൈബർ സെല്ലിന്റെ സഹായത്തോടെ പരിശോധിക്കുമെന്നും അദ്ദേഹം പറഞ്ഞു.

• പി.എസ്.സിയുടെയും മുഖ്യമന്ത്രിയുടെയും വിശ്വാസ്യത തകർന്നു; CBI അന്വേഷണം വേണമെന്ന് ചെന്നിത്തല

സിവിൽ പൊലീസ് ഓഫീസർ ‍(വനിത പൊലീസ് കോണ്‍സ്റ്റബിള്‍), (വനിത ബറ്റാലിയന്‍), സിവില്‍ പൊലീസ് ഓഫീസർ ‍(പൊലീസ് കോണ്‍സ്റ്റബിള്‍), (ആംഡ് പൊലീസ് ബറ്റാലിയന്‍, കാറ്റഗറി നമ്പര്‍ 653/2017, 657/2017) തസ്തികകളുടെ പരീക്ഷകളാണ് ജൂലൈ 22ന് നടന്നത്.

• അധ്യാപകരുടെ സഹായത്തോടെ PSC ചോദ്യപേപ്പർ ചോർത്തിയെന്ന് സംശയം; ഉത്തരങ്ങൾ ലഭിച്ചത് SMSലൂടെ