വീക്ഷണം കടുത്ത സാമ്പത്തിക പ്രതിസന്ധിയിൽ; പി.ടി തോമസ് എം.ഡി സ്ഥാനം രാജിവച്ചു

തിരുവനന്തപുരം: കോണ്‍ഗ്രസ് മുഖപത്രമായ വീക്ഷണത്തിന്റെ മാനേജിംഗ് ഡയറക്ടർ സ്ഥാനത്തുനിന്ന് പി.ടി തോമസ് എംഎല്‍എ രാജിവച്ചു. രണ്ടു പദവികൾ ഒരേ സമയം വഹിക്കാൻ താൽപര്യമില്ലാത്തതിനാലാണ് രാജിയെന്നാണ് വിശദീകരണം. അതേസമയം വീക്ഷണം കടുത്ത സാമ്പത്തിക പ്രതിസന്ധി നേരിടുന്നതിനിടെയാണ് പി ടി തോമസ് എം.ഡി സ്ഥാനത്ത് നിന്നും പടിയിറങ്ങുന്നത്.

വീക്ഷണത്തിലെ ജീവനക്കാരുടെ  ശമ്പളം മുടങ്ങിയിട്ട് മാസങ്ങളായി. പത്രത്തിന്റെ ബാധ്യത ഏറ്റെടുക്കാനാകില്ലെന്ന നിലപാടിലായിരുന്നു കെ.പി.സി.സി അധ്യക്ഷൻ മുല്ലപ്പള്ളി രാമചന്ദ്രൻ. ഇതിനു പിന്നാലെയാണ് പി.ടി തോമസ് എം.ഡി സ്ഥാനം രാജിവച്ചത്.

Also Read യൂത്ത് കോൺഗ്രസ് മണി ഓർഡർ അയക്കുന്നു; ആഷിഖ് അബുവിന് വേണ്ടി