Online Class| സ്വന്തം ചെലവിൽ മണ്ഡലത്തിലെ സ്കൂളുകൾക്ക് 100 ടെലിവിഷൻ നൽകി പി.വി അൻവർ MLA

നിലമ്പൂർ മണ്ഡലത്തിലെ സ്കൂളുകൾക്ക് 100 ടെലിവിഷൻ കൈമാറി എംഎൽഎ പിവി അൻവർ. തന്റെ മാതാപിതാക്കളായ വി.ഷൗക്കത്തലി, മറിയുമ്മ എന്നിവരുടെ പേരിലുള്ള ചാരിറ്റബിൾ ട്രസ്റ്റിന്റെ ഫണ്ട് ഉപയോഗിച്ച് ആണ് എംഎൽഎ 100 ടെലിവിഷനുകൾ വാങ്ങി നൽകിയത്.

ഓൺലൈൻ ക്ലാസുകൾ ആർക്കും അപ്രാപ്യമാകരുത് എന്ന ഉദ്ദേശം വെച്ചാണ് നിലമ്പൂർ എംഎൽഎ പിവി അൻവർ മണ്ഡലത്തിലെ സ്കൂളുകൾക്ക് ടെലിവിഷൻ നൽകിയത്. പിന്നോക്ക അവസ്ഥയിൽ ഉള്ള ഒരുപാട് പ്രദേശങ്ങൾ ഉള്ള മണ്ഡലത്തിൽ കുട്ടികൾക്ക് സ്കൂളിൽ എത്തി ഓൺലൈൻ പഠനം നടത്താൻ ഉള്ള സൗകര്യം ആണ് എംഎൽഎ സ്വന്തം നിലയിൽ ഒരുക്കുന്നത്. ശ്രമങ്ങളുടെ ആദ്യ പടി എന്ന നിലയിൽ ആണ് പൊതു വിദ്യാലയങ്ങൾക്ക് 100 ടിവി കൈമാറുന്നത്.
TRENDING:Kerala Elephant Death | 'ആനപ്രശ്നം വർഗീയവത്കരിക്കാൻ ശ്രമിക്കുന്നവർ വണ്ടി വിട്ടോ; ഇത് കേരളമാണ്': നടൻ നീരജ് മാധവ് [NEWS]Death Of Elephant: ആന ചെരിഞ്ഞ സംഭവത്തില്‍ വനം മന്ത്രിയുടെ രാജി ആവശ്യപ്പെട്ട് മനേക ഗാന്ധി [NEWS]Kerala Elephant Death | 'ഇത് കരുതിക്കൂട്ടിയുള്ള കൊലപാതകം'; പടക്കം കടിച്ച് ആന ചരിഞ്ഞ സംഭവത്തിൽ രത്തൻ ടാറ്റയുടെ പ്രതികരണം [NEWS]
ടെലിവിഷൻ സൗകര്യം ഇല്ലാത്ത ഒട്ടനവധി വിദ്യാർത്ഥികൾ മണ്ഡലത്തിൽ ഉണ്ട്. 1000 ടിവി എങ്കിലും കണ്ടെത്തേണ്ടത് ഉണ്ട്. ഇതിനായുള്ള പരിശ്രമത്തിൽ ആണെന്നും എംഎൽഎ പറഞ്ഞു. നിലമ്പൂർ ഒ.സി.കെ ഓഡിറ്റോറിയത്തിൽ ജില്ലാ വിദ്യാഭ്യാസ ഉപഡയറക്ടർ ഇ കുസുമം ആണ് വിദ്യാഭ്യാസ വകുപ്പിന് വേണ്ടി ടെലിവിഷൻ ഏറ്റുവാങ്ങിയത്.  ഡി.വൈ.എഫ് ഐ യുടെ റീസൈക്കിംഗ് പദ്ധതിയുമായി സഹകരിച്ചാണ് ടെലിവിഷൻ നൽകുന്നത്.