നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • kerala
    • »
    • കേരളത്തിനുള്ളിൽ ട്രെയിൻ യാത്ര അനുവദിക്കില്ല; ബുക്കുചെയ്തവരുടെ ടിക്കറ്റ് റദ്ദാക്കും

    കേരളത്തിനുള്ളിൽ ട്രെയിൻ യാത്ര അനുവദിക്കില്ല; ബുക്കുചെയ്തവരുടെ ടിക്കറ്റ് റദ്ദാക്കും

    Train in Kerala | ന്യൂഡൽഹിയിൽനിന്ന് തിരുവനന്തപുരത്തേക്കുവരുന്ന ട്രെയിനിൽ എറണാകുളത്ത് നിന്നും കോഴിക്കോട് നിന്നും യാത്രകാർക്ക് കയറാൻ അനുമതിയുണ്ടാകില്ല

    News18 Malayalam

    News18 Malayalam

    • Share this:
      തിരുവനന്തപുരം: കേരളത്തിനുള്ളിൽ ട്രെയിൻ യാത്ര അനുവദിക്കില്ലെന്ന് റെയിൽവേ. സംസ്ഥാന സർക്കാരിന്‍റെ നിർദേശത്തെ തുടർന്നാണിത്. ഇതോടെ കേരളത്തിലേക്കുള്ള പ്രത്യേക ട്രെയിനിൽ അന്തർജില്ല യാത്ര ബുക്കിംഗ് റെയിൽവെ നിർത്തിവെച്ചു.

      ന്യൂഡൽഹിയിൽനിന്ന് തിരുവനന്തപുരത്തേക്കുവരുന്ന ട്രെയിനിൽ എറണാകുളത്ത് നിന്നും കോഴിക്കോട് നിന്നും യാത്രകാർക്ക് കയറാൻ അനുമതിയുണ്ടാകില്ല. ഓൺലൈൻ ബുക്കിങ് ആരംഭിച്ചപ്പോൾ ഇത്തരത്തിൽ ടിക്കറ്റുകൾ നൽകിയിരുന്നു. എന്നാൽ ഈ ടിക്കറ്റ് റദ്ദാക്കണമെന്നാണ് സംസ്ഥാന സർക്കാർ ആവശ്യപ്പെട്ടത്. ബുക്ക് ചെയ്‌തവർക്ക് പണം തിരികെ നൽകുമെന്ന് റെയിൽവേ അറിയിച്ചു.

      50 ദിവസത്തെ ഇടവേളയ്ക്ക് ശേഷം 15 നഗരങ്ങളെ ബന്ധിപ്പിക്കുന്ന പ്രത്യേക ട്രെയിനുകൾ റെയിൽ‌വേ ചൊവ്വാഴ്ച മുതലാണ് സർവീസ് പുനരാരംഭിച്ചത്. ന്യൂഡൽഹിയിൽനിന്ന് വിവിധ സംസ്ഥാനങ്ങളിലെ പ്രമുഖ നഗരങ്ങളിലേക്കാണ് ഈ സ്പെഷ്യൽ സർവീസ്. കേരളത്തിലേക്കുള്ള ട്രെയിൻ കഴിഞ്ഞ ദിവസം ഡൽഹിയിൽനിന്ന് പുറപ്പെട്ടു. നാളെ പുലർച്ചെ 5.25ന് ട്രെയിൻ തിരുവനന്തപുരത്ത് എത്തും. കേരളത്തിൽ കോഴിക്കോട്, എറണാകുളം എന്നിവിടങ്ങളിലാണ് സ്റ്റോപ്പ് അനുവദിച്ചിരിക്കുന്നത്.
      TRENDING:ജൂൺ 30 വരെ ട്രെയിനുകൾ ഓടില്ല; ടിക്കറ്റുകൾ റദ്ദാക്കി റെയിൽവേ; ഓടുന്നത് സ്പെഷ്യൽ ട്രെയിനുകൾ മാത്രം [PHOTO]ബംഗാൾ ഉൾക്കടലിൽ ന്യൂനമർദ്ദം; കേരളത്തിൽ ഇത്തവണ മൺസൂൺ നേരത്തേ എത്തിയേക്കും [NEWS]ലോക്ക്ഡൗണിൽ കുടുങ്ങിയവരെ നാട്ടിലെത്തിക്കാൻ 19 മുതൽ ആഭ്യന്തര വിമാന സർവീസുകൾ; കൊച്ചിയിൽ നിന്ന് 12 വിമാനങ്ങൾ [NEWS]
      കൊറോണ വൈറസ് വ്യാപിക്കുന്നത് ലഘൂകരിക്കുന്നതിനായി മാർച്ച് 22 ന് റെയിൽ‌വേ പാസഞ്ചർ ട്രെയിൻ സർവീസ് നിർത്തിവച്ചിരുന്നു. എന്നിരുന്നാലും, അവശ്യവസ്തുക്കൾ കൊണ്ടുപോകുന്ന ചരക്ക് ട്രെയിനുകൾ ഈ കാലയളവിൽ ഓടുന്നുണ്ട്.
      First published:
      )}