നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • kerala
    • »
    • മേലുദ്യോഗസ്ഥർക്ക് 'പണി' കൊടുക്കാൻ സിഗ്നൽ കേബിൾ മുറിച്ചുമാറ്റി; രണ്ടു ജീവനക്കാരെ റെയിൽവേ പിരിച്ചുവിട്ടു

    മേലുദ്യോഗസ്ഥർക്ക് 'പണി' കൊടുക്കാൻ സിഗ്നൽ കേബിൾ മുറിച്ചുമാറ്റി; രണ്ടു ജീവനക്കാരെ റെയിൽവേ പിരിച്ചുവിട്ടു

    ഫറോക്ക് സ്റ്റേഷനും വെള്ളയില്‍ സ്റ്റേഷനുമിടയിലുള്ള റെയില്‍പാളങ്ങളിലെ സിഗ്നല്‍ വയറുകളാണ് ഇരുവരും ചേർന്ന് അറുത്തു മാറ്റിയത്.

    indian_railways

    indian_railways

    • Share this:
      കോഴിക്കോട്: മേലുദ്യോഗസ്ഥരോടുള്ള വ്യക്തിവിരോധം തീർക്കാൻ സിഗ്നൽ കേബിൾ മുറിച്ചുമാറ്റിയ രണ്ട് ഉദ്യോഗസ്ഥരെ റെയിൽവെ പിരിച്ചുവിട്ടു. കോഴിക്കോട് ഫറോക്ക് സ്റ്റേഷനിലെ ജീവനക്കാരായിരുന്ന പ്രവീണ്‍ രാജ്, ജിനേഷ് എന്നിവരെയാണ് സര്‍വീസില്‍ നിന്ന് പിരിച്ചുവിട്ടത്. ഗുരുതരമായ ചട്ടലംഘനം നടത്തിയതിനാണ് ജീവനക്കാര്‍ക്കെതിരെ നടപടിയെടുക്കുന്നതെന്ന് റയില്‍വേ അറിയിച്ചു. ഇരുവര്‍ക്കുമെതിരെ റെയില്‍വേ പ്രൊട്ടക്ഷന്‍ ഫോഴ്സ് (ആര്‍ പി എഫ്) രജിസ്റ്റര്‍ ചെയ്ത കേസ് കോടതിയുടെ പരിഗണനയിലാണ്.

      ഇക്കഴിഞ്ഞ മാർച്ച് 24നാണ് പിരിച്ചുവിടലിന് ആസ്പദമായ സംഭവം നടന്നത്. റെയില്‍വേ സിഗ്നല്‍ സീനിയര്‍ എന്‍ജിനീയറോടുള്ള വ്യക്തിവൈരാഗ്യം തീര്‍ക്കുന്നതിനാണ് പ്രവീൺ രാജും ജിനേഷും ചേർന്ന് റെയില്‍വേ സിഗ്നല്‍ വയറുകള്‍ അറുത്ത് മാറ്റിയത്. ഫറോക്ക് സ്റ്റേഷനും വെള്ളയില്‍ സ്റ്റേഷനുമിടയിലുള്ള റെയില്‍പാളങ്ങളിലെ സിഗ്നല്‍ വയറുകളാണ് ഇരുവരും ചേർന്ന് അറുത്തു മാറ്റിയത്. ഇത്തരത്തിൽ അഞ്ചിടത്ത് സിഗ്നല്‍ വയറുകള്‍ അറുത്തു മാറ്റിയതായി കണ്ടെത്തിയിരുന്നു. ഇത് കൂടാതെ ട്രെയിനുകൾക്കുള്ള സിഗ്നലുകള്‍ തമ്മില്‍ മാറ്റി നല്‍കുകയും ചെയ്തിരുന്നു. വ്യക്തിവിരോധം തീർക്കാനാണ് പ്രവീൺരാജും ജിനേഷും ഇങ്ങനെ ചെയ്തത്.

      സംഭവം കണ്ടെത്തിയതോടെ വിശദമായ അന്വേഷണമാണ് റെയിൽവേ നടത്തിയത്. റെയില്‍വേ സിഗ്നല്‍ ആന്‍ഡ് ടെലികമ്മ്യൂണിക്കേഷന്‍ വിഭാഗത്തിന്റെ സീനിയര്‍ ഡിവിഷണല്‍ ഓഫീസര്‍ നടത്തിയ അന്വേഷണത്തിൽ പ്രവീൺരാജും ജിനേഷും ചേർന്നാണ് സിഗ്നൽ കേബിൾ മുറിച്ചുമാറ്റിയതെന്ന് കണ്ടെത്തിയിരുന്നു. റെയില്‍വേയുടെ വിദഗ്ദ്ധ പരിശീലനം നേടിയ വ്യക്തികള്‍ തന്നെയാണ് കുറ്റകൃത്യം ചെയ്തതെന്ന് വ്യക്തമായിരുന്നു. തുടർന്ന് ഫറോക്കിനും വെള്ളയിലിനും ഇടയിൽ ഡ്യൂട്ടിയിലുണ്ടായിരുന്ന ജീവനക്കാരെ കേന്ദ്രീകരിച്ച് നടത്തിയ അന്വേഷണത്തിലാണ് പ്രവീണും ജനേഷും കുടുങ്ങിയത്. ഇരുവർക്കുമെതിരെ നടപടി എടുക്കാൻ അന്വേഷണ റിപ്പോർട്ടിൽ ശുപാർശന നൽകിയിരുന്നു.

      മാർച്ച് 24ന് സിഗ്നൽ കേബിൾ മുറിച്ചതിനാലും, സിഗ്നലുകള്‍ മാറ്റി നല്‍കിയതിനെ തുടര്‍ന്നും മൂന്ന് മണിക്കൂറിലധികമാണ് ഇതുവഴിയുള്ള ട്രെയിന്‍ ഗതാഗതം തടസപ്പെട്ടത്. ഇവര്‍ക്കെതിരെ കോഴിക്കോട് ആര്‍ പി എഫ് നല്‍കിയ കേസില്‍ അന്വേഷണം പൂര്‍ത്തിയാക്കി സി ജെ എം കോടതിയില്‍ കുറ്റപത്രം സമര്‍പ്പിച്ചിട്ടുണ്ട്. സംഭവം നടന്ന് പിറ്റേദിവസം തന്നെ ഇരുവരെയും അറസ്റ്റ് ചെയ്തെങ്കിലും രണ്ട് ദിവസത്തിനുള്ളില്‍ കോടതി ജാമ്യം അനുവദിച്ചിരുന്നു. തുടര്‍ന്ന് ഇരുവരെയും പാലക്കാടേക്കും മംഗളൂരുവിലേക്കും സ്ഥലംമാറ്റിയിരുന്നു. ഇപ്പോൾ റെയില്‍വേ സിഗ്നല്‍ ആന്‍ഡ് ടെലികമ്മ്യൂണിക്കേഷന്‍ വിഭാഗത്തിന്റെ വിശദമായ അന്വേഷണ റിപ്പോർട്ട് പുറത്തുവന്നതോടെയാണ് ഇരുവരെയും പിരിച്ചുവിടാൻ റെയിൽവേ തീരുമാനിച്ചത്.

      അയൽവാസിയായ വീട്ടമ്മയെ കടന്നുപിടിച്ചതായി പരാതി; ഇടുക്കിയിൽ എസ്.ഐ അറസ്റ്റിൽ

      ഇടുക്കി: തൊടുപുഴ കരിങ്കുന്നത്ത് അയൽവാസിയായ വീട്ടമ്മയെ കടന്നുപിടിച്ച സംഭവത്തിൽ എസ് ഐ അറസ്റ്റിലായി. സ്പെഷ്യൽ ബ്രാഞ്ച് എസ് ഐ ബജിത് ലാൽ ആണ് അറസ്റ്റിലായത്. ഇയാൾ താമസിക്കുന്ന അപ്പാർട്ട്മെന്റിന് തൊട്ടടുത്തു അപ്പാർട്മെന്റിൽ താമസിക്കുന്ന വീട്ടമ്മക്ക് നേരെയാണ് അതിക്രമം ഉണ്ടായത്. ബുധനാഴ്ച രാത്രി ഒമ്പത് മണിയോടെയാണ് സംഭവം നടന്നത്. മദ്യലഹരിയിൽ ആയിരുന്നു എസ്.ഐ അതിക്രമം കാണിച്ചതെന്നും പോലീസ് പറയുന്നു.

      Also Read- ആദ്യ ഭാര്യ സുഹൃത്തിനൊപ്പം കടന്നു; രണ്ടാമത് കെട്ടിയ അനുജത്തി മറ്റൊരു സുഹൃത്തിനൊപ്പം നാടുവിട്ടു; പരാതിയുമായി യുവാവ്

      കഴിഞ്ഞ ദിവസമാണ് 58കാരിയായ വീട്ടമ്മയെ അയൽക്കാരനായ എസ്.ഐ ബജിത് ലാൽ കടന്നുപിടിക്കുകയായിരുന്നു. കുതറിമാറി ബഹളം വെച്ചതിനെ തുടർന്നാണ് വീട്ടമ്മ രക്ഷപെട്ടത്. തുടർന്ന് പൊലീസിൽ വിവരം അറിയിച്ചു. പൊലീസ് സ്ഥലത്തെത്തി, മദ്യലഹരിയിലായിരുന്ന എസ്.ഐയെ കസ്റ്റഡിയിൽ എടുക്കുകയായിരുന്നു. തുടർന്ന് വീട്ടമ്മയുടെ മൊഴി രേഖപ്പെടുത്തിയ ശേഷം പൊലീസ് കേസ് രജിസ്റ്റർ ചെയ്തു.
      Published by:Anuraj GR
      First published:
      )}