• HOME
  • »
  • NEWS
  • »
  • kerala
  • »
  • സ്ത്രീത്വത്തെ അപമാനിക്കാൻ ശ്രമിച്ചതായി പരാതി; CPM പി ബി അംഗം എ വിജയരാഘവനെതിരെ രമ്യഹരിദാസിന്റെ മൊഴി രേഖപ്പെടുത്തി

സ്ത്രീത്വത്തെ അപമാനിക്കാൻ ശ്രമിച്ചതായി പരാതി; CPM പി ബി അംഗം എ വിജയരാഘവനെതിരെ രമ്യഹരിദാസിന്റെ മൊഴി രേഖപ്പെടുത്തി

ലോകസഭാ തെരഞ്ഞെടുപ്പ് കാലത്ത് തനിക്കെതിരെ അപകീർത്തികരമായ പരാമർശം നടത്തിയെന്ന പരാതിയിലാണ് നടപടി.

  • Share this:

    പാലക്കാട്: സി പി എം പൊളിറ്റ് ബ്യൂറോ അംഗം എ വിജയരാഘവനെതിരെ എം പി രമ്യഹരിദാസിൻറെ പരാതിയിൽ ആലത്തൂർ ജുഡിഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി മൊഴി രേഖപ്പെടുത്തി. ലോകസഭാ തെരഞ്ഞെടുപ്പ് കാലത്ത് തനിക്കെതിരെ അപകീർത്തികരമായ പരാമർശം നടത്തിയെന്ന പരാതിയിലാണ് നടപടി.

    2019 മാർച്ച് 30, ഏപ്രിൽ ഒന്ന് തിയ്യതികളിൽ എ വിജയരാഘവൻ നടത്തിയ പ്രസംഗത്തിൽ രമ്യക്കെതിരെ നടത്തിയ പരാമർശമാണ് പരാതിക്ക് കാരണം. കുഞ്ഞാലിക്കുട്ടിയെ കാണാൻ പോയതുമായി ബന്ധപ്പെട്ട് നടത്തിയ പരാമർശമാണ് വിവാദമായിരുന്നത്.

    Also read-‘അടൂര്‍ ഗോപാലകൃഷ്ണന്‍ ലോകം കണ്ട മികച്ച സംവിധായകൻ; മലയാളത്തിന്റെ ബ്രാൻഡ് അംബാസഡർ’; മുഖ്യമന്ത്രി

    സംഭവത്തിൽ പൊലീസിൽ പരാതി നൽകിയെങ്കിലും കേസെടുക്കാതെ വന്നതോടെ ആലത്തൂർ കോടതിയിൽ സ്വകാര്യ അന്യായം ഫയൽ ചെയ്യുകയായിരുന്നു. വിജയരാഘവനെതിരെ സ്ത്രീത്വത്തെ അപമാനിക്കൽ, പട്ടികജാതി – പട്ടികവർഗ സംരക്ഷണ നിയമം എന്നിവ പ്രകാരം കേസെടുക്കണമെന്നാണ് ആവശ്യം. രമ്യ ഹരിദാസിൻറെ മൊഴി രേഖപ്പെടുത്തിയ കോടതി സാക്ഷി വിസ്താരത്തിനായി ജനുവരി 28 ന് വീണ്ടും പരിഗണിക്കും.

    Published by:Sarika KP
    First published: