Lok Sabha Election Result 2019: അമേഠിയില്‍ പിന്നിലാണെങ്കിലെന്താ കേരളത്തിലെ റെക്കോര്‍ഡ് ലീഡ് കടന്ന് രാഹുല്‍

നിലവില്‍ കേരള ചരിത്രത്തിലെ റെ്‌ക്കോര്‍ഡ് ഭൂരിപക്ഷത്തിനുടമ മുസ്‌ലീം ലീഗ് നേതാവ് ഇ അഹമ്മദാണ്.

news18
Updated: May 23, 2019, 1:32 PM IST
Lok Sabha Election Result 2019: അമേഠിയില്‍ പിന്നിലാണെങ്കിലെന്താ കേരളത്തിലെ റെക്കോര്‍ഡ് ലീഡ് കടന്ന് രാഹുല്‍
രാഹുൽ ഗാന്ധി
  • News18
  • Last Updated: May 23, 2019, 1:32 PM IST
  • Share this:
തിരുവനന്തപുരം: വയനാട്ടില്‍ നിന്നും അമേഠിയില്‍ നിന്നും ജനവിധി നേടിയ കോണ്‍ഗ്രസ് അധ്യക്ഷന് ഒരിടത്ത് റെക്കോര്‍ഡിന്റെ തിളക്കവും മറ്റിടത്ത് തിരിച്ചടിയുമാണ് നേരിടേണ്ടി വന്നത്. അമേഠിയില്‍ കേന്ദ്ര മന്ത്രി സ്മൃതി ഇറാനി ലീഡ് നേടുമ്പോള്‍ കേരളത്തില്‍ പ്രകടമായ യുഡിഎഫ് തരംഗത്തിനൊപ്പം രാഹുല്‍ ഗാന്ധി റെക്കോര്‍ഡ് ലീഡിലേക്ക് കടക്കുകയാണ്.

വയനാട്ടിലെ 55 ശതമാനം വോട്ടെണ്ണിക്കഴിഞ്ഞപ്പോള്‍ 2,32,000 വോട്ടിന്റെ ലീഡാണ് രാഹുലിനുള്ളത്. തൊട്ടുപിന്നാലെ മലപ്പുറത്തെ യുഡിഎഫ് സ്ഥാനാര്‍ത്ഥി പികെ കുഞ്ഞാലിക്കുട്ടിയും രണ്ട് ലക്ഷമെന്ന റെക്കോര്‍ഡ് നമ്പറിലേക്ക് അടുത്തിരിക്കുകയാണ്. ലോക്‌സഭാ തെരഞ്ഞെടുപ്പില്‍ കേരള ചരിത്രത്തിലെ റെക്കോര്‍ഡ് ഭൂരിപക്ഷത്തിലേക്കാണ് യുഡിഎഫ് സ്ഥാനാര്‍ഥികളുടെ പ്രയാണം.

Also Read: LIVE Lok Sabha Election Result 2019: റെക്കോ‍‍ഡിട്ട് കുഞ്ഞാലിക്കുട്ടിയും; ഭൂരിപക്ഷം രണ്ട് ലക്ഷം കടന്നു

കേരള ചരിത്രത്തിലെ റെ്‌ക്കോര്‍ഡ് ഭൂരിപക്ഷത്തിനുടമ മുസ്‌ലീം ലീഗ് നേതാവായ ഇ അഹമ്മദാണ്. 2014 ലോക്‌സഭാ തെരഞ്ഞെടുപ്പില്‍ മലപ്പുറത്ത് നിന്ന് ഇ അഹമ്മദ് 1,94,739 വോട്ടിന്റെ ഭൂരിപക്ഷത്തിലായിരുന്നു വിജയിച്ചത്. ഇ അഹമ്മദിന്റെ നിര്യാണത്തെതുടര്‍ന്ന 2017 ല്‍ നടന്ന ഉപതെരഞ്ഞെടുപ്പില്‍ മലപ്പുറത്ത് മത്സരിച്ച പികെ കുഞ്ഞാലിക്കുട്ടിയുടെ പേരിലാണ് രണ്ടാമത്തെ റെക്കോര്‍ഡ് ഭൂരിപക്ഷം. 1,71,023 വോട്ടുകളായിരുന്നു അന്ന് കുഞ്ഞാലിക്കുട്ടി നേടിയത്.

കേരളത്തിലെ ലോക്‌സഭാ തെരഞ്ഞെടുപ്പുകളുടെ ചരിത്രത്തിലെ നിലവിലെ മൂന്നാമത്തെ റെക്കോര്‍ഡ് ഭൂരിപക്ഷവും യുഡിഎഫിന്റെ അക്കൗണ്ടില്‍ തന്നെയാണ്. 2009ല്‍ വയനാട്ടില്‍ നിന്ന് കോണ്‍ഗ്രസിലെ എംഐ ഷാനവാസ് നേടിയ 1,53, 439 വോട്ടുകളാണ് മൂന്നാം സ്ഥാനത്ത്. ഇത്തവണ സംസ്ഥാനത്ത് ആഞ്ഞടിച്ച യുഡിഎഫ് തരംഗത്തില്‍ ഭൂരിപക്ഷത്തിന്റെ റെക്കോര്‍ഡ് കോണ്‍ഗ്രസ് അധ്യക്ഷന്റെ പേരില്‍ കുറിക്കപ്പെട്ടേക്കും.

First published: May 23, 2019, 1:26 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading