റെഡ് അലർട്ട്: എറണാകുളം ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി

കൊച്ചി: കനത്ത മഴയിൽ താഴ്ന്ന പ്രദേശങ്ങളടക്കം വെള്ളത്തിൽ മുങ്ങിയ സാഹചര്യത്തിൽ എറണാകുളം ജില്ലയിലെ വിദ്യാഭ്യാസ സ്ഥാപനങ്ങൾക്ക് ജില്ലാ കളക്ടർ നാളെ അവധി പ്രഖ്യാപിച്ചു. പ്രൊഫഷണൽ കോളജുകൾ ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമായിരിക്കും. ജില്ലയിൽ നാളെ കനത്ത മഴ ലഭിക്കുമെന്നാണ് പ്രവചനം. റെഡ് അലർട്ട് പ്രഖ്യാപിച്ചിട്ടുണ്ട്.

എറണാകുളം ജില്ലയിൽ പല സ്ഥലങ്ങളിലും വലിയ വെള്ളക്കെട്ട് രൂപപ്പെട്ടിട്ടുണ്ട്. കെ.എസ്.ആർ.ടി.സി ബസ് സ്റ്റാൻഡിൽ വലിയതോതിൽ വെള്ളം കയറിയതിനെ തുടർന്ന് ബസ് സർവീസുകൾ തടസ്സപ്പെട്ടു. റെയിൽവേ സ്റ്റേഷനുകളിലും വെള്ളം നിറഞ്ഞതോടെ ഗതാഗതം താറുമാറായി.

Rain Live: മഴ കൂടുതൽ ശക്തമാകും; ഏഴ് ജില്ലകളിൽ റെഡ് അലർട്ട്