കോഴിക്കോട് റഷ്യന്‍ യുവതി ജീവനൊടുക്കാന്‍ ശ്രമിച്ചു; ആൺസുഹൃത്തിനെ കാണാനില്ലെന്ന് പോലീസ്
സമൂഹമാധ്യമത്തിലൂടെ പരിചയപ്പെട്ട മലയാളി യുവാവിനെ തേടി മൂന്നുമാസം മുമ്പാണ് യുവതി കൂരാച്ചുണ്ടിലെത്തിയത്.
- News18 Malayalam
- Last Updated :
കോഴിക്കോട് കൂരാച്ചുണ്ടില്‍ ജീവനൊടുക്കാന്‍ ശ്രമിച്ച റഷ്യന്‍ യുവതിയെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. നിലവില്‍ യുവതി തീവ്രപരിചരണ വിഭാഗത്തില്‍ ചികിത്സയിലാണ്. കൂരാച്ചുണ്ട് കാളങ്ങാലിയില്‍ ആണ്‍സുഹൃത്തിനൊപ്പം താമസിച്ചു വരികയായിരുന്ന യുവതി കഴിഞ്ഞദിവസമാണ് കെട്ടിടത്തില്‍ നിന്നും ചാടി ജീവനൊടുക്കാന്‍ ശ്രമിച്ചത്.യുവതി അപകടനില തരണം ചെയ്തതായി ഡോക്ടര്‍മാര്‍ അറിയിച്ചു.
ആൺസുഹൃത്തുമായുള്ള പ്രശ്നങ്ങളെ തുടർന്ന് കെട്ടിടത്തിൽ നിന്ന് ചാടിയെന്നാണ് നാട്ടുകാര്‍ പറഞ്ഞത് . സമൂഹമാധ്യമത്തിലൂടെ പരിചയപ്പെട്ട മലയാളി യുവാവിനെ തേടി മൂന്നുമാസം മുമ്പാണ് യുവതി കൂരാച്ചുണ്ടിലെത്തിയത്. സംഭവത്തിന് പിന്നാലെ യുവതിയുടെ ആൺ സുഹൃത്തിനെ കാണാനില്ലെന്ന് പോലീസ് അറിയിച്ചു. യുവതിയുടെ മൊഴി രേഖപ്പെടുത്താൻ സാധിക്കാത്തതിനാൽ കേസെടുക്കാന്‍ കഴിഞ്ഞിട്ടില്ല.
ഏറ്റവും വിശ്വാസ്യതയുള്ള വാർത്തകള്‍, തത്സമയ വിവരങ്ങൾ, ലോകം, ദേശീയം, ബോളിവുഡ‍്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.
