'അയ്യപ്പ ജ്യോതി' ശക്തി പ്രകടനമാക്കാൻ ഹൈന്ദവസംഘടനകൾ

തിരുവനന്തപുരം : ആചാരാനുഷ്ഠാനങ്ങളുടെ സംരക്ഷണം ഉറപ്പാക്കാൻ ശബരിമല സമരസമിതിയുടെ നേതൃത്വത്തിൽ സംഘടിപ്പിക്കുന്ന അയ്യപ്പജ്യോതി ഇന്ന്. പരമാവധി ജനപങ്കാളിത്തം ഉറപ്പാക്കി ഇതൊരു ശക്തിപ്രകടനമാക്കി മാറ്റാനാണ് സംഘാടകകരുടെ തീരുമാനം.

Also Read-മണ്ഡലകാലത്ത് യുവതീപ്രവേശനം അനുവദിക്കേണ്ടെന്ന് പൊലീസും ദേവസ്വം ബോർഡും

വൈകുന്നേരം 6.30 മുതൽ 7 വരെയാണ് പരിപാടി. റോഡിന്റെ പടിഞ്ഞാറ് ഭാഗത്ത് ഓരോ മീറ്റർ ഇടവിട്ട് കത്തിച്ച വിളക്കുമായി ആളുകൾ നിന്ന് വിളക്ക് മാല തീർക്കാനാണ് തീരുമാനം. മഞ്ചേശ്വരം മുതല്‍ പാറശ്ശാലവരെയാണ് അയ്യപ്പ ജ്യോതി തെളിക്കുക. ശബരിമല കർമസമിതിയുടെ നേതൃത്വത്തിൽ നടക്കുന്ന പരിപാടിക്ക് എല്ലാ ഹൈന്ദവ സംഘടനകളുടെയും എൻഎസ്എസ് അടക്കമുള്ള സാമുദായിക സംഘടനകളുടെയും പിന്തുണയുണ്ട്.

Also Read-'ശബരിമല ദര്‍ശന നീക്കം പൊളിച്ചത് കേരളാ പൊലീസ്'; ആരോപണവുമായി മനിതി

നവോത്ഥാനമൂല്യങ്ങൾ സംരക്ഷിക്കാൻ ലക്ഷ്യമിട്ട് സർക്കാർ നടത്തുന്ന വനിതാമതിലിന് ബദലായാണ് ഹൈന്ദവസംഘടനകളുടെ ആചാര സംരക്ഷണ പരിപാടി എന്നാണ് വിലയിരുത്തൽ. വനിതാ മതിൽ ദേശീയപാതയിലൂടെ മാത്രമാണെങ്കിൽ എം.സി റോഡ് അടക്കമുള്ള കൂടുതൽ സ്ഥലം ഉൾപ്പെടുത്തിയാണ് അയ്യപ്പജ്യോതിക്ക് റൂട്ട് തയ്യാറാക്കിയിട്ടുള്ളത്. ആചാരാനുഷ്ഠാനങ്ങൾ സംരക്ഷിക്കാൻ ആഗ്രഹിക്കുന്ന എല്ലാവരും അയ്യപ്പ ജ്യോതിയിൽ പങ്കാളികളാവുമെന്നാണ് ബി ജെ പി അവകാശവാദം.