സന്തോഷം, എല്ലാവർക്കും നന്ദി: ശബരിമല തന്ത്രി

ശബരിമല പുനഃപരിശോധനാ ഹർജികൾ തുറന്നകോടതിയിൽ വാദം കേൾക്കാനുള്ള തീരുമാനത്തിൽ സന്തോഷമുണ്ടെന്ന് തന്ത്രി കണ്ഠരര് രാജീവര്. 'അയ്യപ്പൻ രക്ഷിച്ചു. സന്തോഷമുണ്ട്. ശബരിമലയിൽ സമാധാനവും സന്തോഷവും പുനഃസ്ഥാപിക്കുമെന്ന് വിശ്വസിക്കുന്നു. സ്വാമിശരണം. എല്ലാവര്‍ക്കും സന്തോഷമുണ്ടാക്കുന്ന തീരുമാനമാണിത്. എല്ലാവരോടും നന്ദിയുണ്ട്. അനുകൂല തീരുമാനമുണ്ടാകുന്നതുവരെ പ്രാര്‍ത്ഥന തുടരുക'- തന്ത്രി പറഞ്ഞു.

• LIVE- ശബരിമല വിധി പുനഃപരിശോധിക്കും

ശബരിമല സ്ത്രീ പ്രവേശനവിധി പുനഃപരിശോധിക്കാൻ സുപ്രീം കോടതി തീരുമാനിച്ചിട്ടുണ്ട്. ജനുവരി 22ന് തുറന്ന കോടതിയിൽ വാദം കേൾക്കാനാണ് സുപ്രീം കോടതി തീരുമാനിച്ചത്. ഇതുസംബന്ധിച്ച് സർക്കാരിനും ദേവസ്വം ബോർഡിനും നോട്ടീസ് അയയ്ക്കാനും കോടതി തീരുമാനിച്ചു. ഇന്ന് മൂന്ന് മണിക്കാണ് ശബരിമല വിധിക്കെതിരായ 50 റിവ്യൂ ഹർജികൾ ചീഫ് ജസ്റ്റിസിന്‍റെ ചേംബറിൽ പരിഗണിച്ചത്. അഞ്ചംഗ ഭരണഘടനാബെഞ്ചാണ് കേസ് പരിഗണിച്ചത്.